5/29/2020
Today from Hiiraan Online:  _
Wararka Maanta- Arbaco, Apr 1 , 2020
Puntland oo cudurka coronavirus kaga hortagaysa Bandow habeenimo oo ay kusoo rogtay degaanadeeda




Arbaco, April, 1, 2020 (HOL)-  Bandow adag ayaa caawa ka dhaqan galay magaalooyinka waaweyn ee dowlad goboleedka Soomaaliyeed ee Puntland, sida uu kusoo waramayo weriyaha Hiiraan Online ugasoo warama degaanada Puntland.

Bandowga oo bilowday salaadii maqrib kadib, ayaa ah mid lagula dagaalamayo isku socodka dadka iyo gaadiidka, iyadoo dhammaan albaabada loo laabay xarumaha ganacsiga oo idil iyo goobaha lagu caweeyo.

Magaalada Garowe oo caasimadda Puntland ayaa kamid ah magaalooyinka uu sida xooggan uga dhaqan galay bandowgaan, iyada oo boqolaal kamid ah ciiddamada bilayska iyo gaadiidka dagaalka lagusoo daadiyay waddooyinka waaweyn ee magaalada.

Ujeedada laga leeyahay bandowgaan ayaa ah, sidii looga hortagi lahaa cudurka Coronavirus, oo la aamisan yahay inuu aad uga faafo meelaha saxmada badan ee ay dadka badan iskugu yimaadaan. Maadaama aan dadka caafimaadkooda la wada hubin.

Guddiga la dagaalanka iyo wacyi galinta cudurka Coronavirus ama Covid 19, oo caawo shir jaraa’id ku qabtay magaalada Garowe, waxay shacabka fareen inay qaataan awaamiirta lasoo rogay islamarkaana ay guryahooda u hoydaan wixii loo gaaro salaada maqrib kadib.

Puntland weli wax kiis ah oo ku saabsan cudurka Coronavirus ah lama sheegin, balse maamulka ayaa ku jira taxadar aad sareeya, iyadoo haatan Ku dhawaad 20 qof ay ku jiraan xaalad karantiil ah. Afar kamid ah dadkaas waxay kasoo jeedaan Hindia.

Bandowga waxaa la filayaa inuu sii socda illaa bartamaha bisha Abril. Waxaa sidoo kale uu saameyn ku yeelandoonaa dhaqaalaha bulshada xilli haatan la dareemo sicir barar ku yimid maciishadihii dururiga ahaa iyo dollarka oo horey u kacsanaa.

Abdiweli M. Sheikh, Hiiraan Online
[email protected]









Click here
4/1/2020 1:55 PM EST
Arbaco, April, 1, 2020 (HOL)- G/sare Cusmaan Muuse Maqaarow oo kamid ahaa saraakiisha Ciidanka Milateriga Soomaaliya, ayaa lagu dilay qarax miino oo lagula eegtay degmada Hodan ee gobolka Banaadir.

4/1/2020 11:53 AM EST
Arbaco, April 01 2020 (HOL )– Madaxweynaha Somaliland, Mudane Muuse Biixi Cabdi, ayaa 574 maxbuus cafis u fidiyey, kuwaas oo ku xukunnaa dambiyado aan waaweynayn.

4/1/2020 6:52 AM EST
Arbaco, April, 01, 2020 (HOL)-Amb. Cali Saciid Fiqi ayaa maanta ku guuleystay xilka Guddoomiyaha Baarlamaanka Koofur Galbeed, doorasho ka dhacday Baydhabo ee xarunta gobolka Baay.

4/1/2020 6:45 AM EST
Arbaco, April, 1, 2020 (HOL)- Puntland ayaa caawo laga bilaabo salaada maqrib kadib waxay goboladeeda ka dhaqan galindoontaa bandow lagu yarayndoono isku socodka dadweynaha iyo gaadiidka, si looga hortaggo faafitaanka cudurka coronavirus.

4/1/2020 5:35 AM EST
Arbaco, April, 1, 2020 (HOL)- Alle ha u naxariistte waxaa Magaalada London ee dalka Ingiriiska ku geeriyooday AUN Ra'iisal Wasaarihii hore ee Soomaaliya AUN Nuur Xasan Xuseen (Nuur Cadde) oo beryahaan ku xanuunsanaa Isbitaal ku yaalla Magaalada London.

4/1/2020 5:15 AM EST
Arbaco, April, 1, 2020 (HOL)- Wiil 13 jir ah oo ku noolaa London ayaa noqday dhibbanihii ugu da’da yaraa ee u geeriyoooda coronavirus.

4/1/2020 5:01 AM EST
Arbaco, Apil, 01, 2020 (HOL)-Ra’iisul Wasaarihii hore ee Soomaaliya Nuur Xassan Xusseen (Nuur Cadde) ayaa la xaqiijiyey in uu maanta ku geeriyoodey magaalada London ee dalka Britain.

4/1/2020 2:27 AM EST
Arbaco, April, 01, 2020 (HOL)- Maanta oo Arbaco ah ayaa lagu waddaa in magaalada Baydhabo ee xarunta gobolka Baay lagu qabto doorashada guddoonka Baarlamaanka cusub ee maamulka Koonfur Galbeed Soomaaliya

4/1/2020 1:17 AM EST
Arbaco, April, 1, 2020 (HOL)- Shir qaatay ku dhawaad 10 sacaadood oo mareegta internet-ka ee loo yaqaano (Video-Conference) ku dhexmaray masuuliyiin uu hoggaaminayey Wasiirka Maaliyadda Soomaaliya Dr. C/raxaam Ducaale Beyle iyo wakiilo ka socday dalalka ku bahoobay Paris Club ayaa looga wadahadlay muhiimadda ay xilligan Soomaaliya u leedahay in dalalka ku mideysan Paris Club ay Soomaaliya ka cafiyaan Deymiihii lagu lahaa.