5/29/2020
Today from Hiiraan Online:  _
Wararka Maanta- Arbaco, Apr 1 , 2020
Qofkii ugu yaraa oo u geeriyooda cudurka Coronavirus oo noqday wiil 13 jir ah


     

Arbaco, April, 1, 2020 (HOL)- Wiil 13 jir ah oo ku noolaa London ayaa noqday dhibbanihii ugu da’da yaraa ee u geeriyoooda coronavirus.

Ismacil Mohamed Abdulwahab, oo ka soo jeeda qoys muslim ah oo ku nool Brixton, oo kutaala koonfurta London, ayaa geeriyooday isagoo aan wax xubin ah oo qoyskiisa kamid ah ka ag dhowayn sababto la xiriira faafitaanka Covid-19.

Qoyska Ismaaciiil Maxamed, oo horey aabahood ugu dhintay kansar uu qabay, ayaa yidhi: “Ismaaciil wuxuu bilaabay inuu muujiyo astaamo wuxuuna ku adkaatay neefsashada waxaana la dhigay Isbitaalka King College.

Afhayeen u hadlay cisbitaalka King's College ayaa markii dambe xaqiijiyay geerida wiilka, iyagoo yiri: "Nasiib xumo, wiil 13 sano jir ah oo laga helay cudurka 'COVID-19' ayaa u geeriyooday caabuqa.”

Dhimashada wiilkaan yarka ah waxay meesha ka saaraysaa aragtidii sheegaysay in cudurkaan uu dilo dadka waaweyn ee da'da ah, waxaa kaloo xusid mudan in cuudrkaan uu kasoo kabtay qof jira ama ka weyn 100 sano.

Abdiweli M. Sheikh, Hiiraan Online
[email protected]









Click here
4/1/2020 2:36 PM EST
Arbaco, April, 1, 2020 (HOL)- Bandow adag ayaa caawa ka dhaqan galay magaalooyinka waaweyn ee dowlad goboleedka Soomaaliyeed ee Puntland, sida uu kusoo waramayo weriyaha Hiiraan Online ugasoo warama degaanada Puntland.

4/1/2020 1:55 PM EST
Arbaco, April, 1, 2020 (HOL)- G/sare Cusmaan Muuse Maqaarow oo kamid ahaa saraakiisha Ciidanka Milateriga Soomaaliya, ayaa lagu dilay qarax miino oo lagula eegtay degmada Hodan ee gobolka Banaadir.

4/1/2020 11:53 AM EST
Arbaco, April 01 2020 (HOL )– Madaxweynaha Somaliland, Mudane Muuse Biixi Cabdi, ayaa 574 maxbuus cafis u fidiyey, kuwaas oo ku xukunnaa dambiyado aan waaweynayn.

4/1/2020 6:52 AM EST
Arbaco, April, 01, 2020 (HOL)-Amb. Cali Saciid Fiqi ayaa maanta ku guuleystay xilka Guddoomiyaha Baarlamaanka Koofur Galbeed, doorasho ka dhacday Baydhabo ee xarunta gobolka Baay.

4/1/2020 6:45 AM EST
Arbaco, April, 1, 2020 (HOL)- Puntland ayaa caawo laga bilaabo salaada maqrib kadib waxay goboladeeda ka dhaqan galindoontaa bandow lagu yarayndoono isku socodka dadweynaha iyo gaadiidka, si looga hortaggo faafitaanka cudurka coronavirus.

4/1/2020 5:35 AM EST
Arbaco, April, 1, 2020 (HOL)- Alle ha u naxariistte waxaa Magaalada London ee dalka Ingiriiska ku geeriyooday AUN Ra'iisal Wasaarihii hore ee Soomaaliya AUN Nuur Xasan Xuseen (Nuur Cadde) oo beryahaan ku xanuunsanaa Isbitaal ku yaalla Magaalada London.

4/1/2020 5:01 AM EST
Arbaco, Apil, 01, 2020 (HOL)-Ra’iisul Wasaarihii hore ee Soomaaliya Nuur Xassan Xusseen (Nuur Cadde) ayaa la xaqiijiyey in uu maanta ku geeriyoodey magaalada London ee dalka Britain.

4/1/2020 2:27 AM EST
Arbaco, April, 01, 2020 (HOL)- Maanta oo Arbaco ah ayaa lagu waddaa in magaalada Baydhabo ee xarunta gobolka Baay lagu qabto doorashada guddoonka Baarlamaanka cusub ee maamulka Koonfur Galbeed Soomaaliya

4/1/2020 1:17 AM EST
Arbaco, April, 1, 2020 (HOL)- Shir qaatay ku dhawaad 10 sacaadood oo mareegta internet-ka ee loo yaqaano (Video-Conference) ku dhexmaray masuuliyiin uu hoggaaminayey Wasiirka Maaliyadda Soomaaliya Dr. C/raxaam Ducaale Beyle iyo wakiilo ka socday dalalka ku bahoobay Paris Club ayaa looga wadahadlay muhiimadda ay xilligan Soomaaliya u leedahay in dalalka ku mideysan Paris Club ay Soomaaliya ka cafiyaan Deymiihii lagu lahaa.