Arbaco, September, 11, 2019 (HOL)- Ra’iisul
Wasaaraha Xukuumadda Soomaaliya Xassan Cali Kheyre oo uu wehlinayo Madaxweynaha
Dowlad Goboleedka Koonfur Galbeed Cabdicasiis Xassan Maxamed Lafta Gareen ayaa
kulan ayaa kulamo ka wada degmada Xudur ee gobolka Bakool oo maalintii shalay
uu gaaray.
Ra’iisal wasaaraha ayaa kulan la qaatay
guddoomiyayaasha degmooyinka gobolka Bakool, Odayaasha dhaqanka, Waxgaradka iyo
qeybaha kala duwan ee bulshada ku dhaqan-gobolka oo ay ka wada hadleen arrimaha
nabad-galyada.
Maamulka degmada Xudur iyo odayaasha ayaa ayaa ka dalbaday ra’iisal wasaaraha in lagu
gacan siiyo dardargalinta dib u xoreynta deegaannada hoos-yimada degmada iyo
sidii loo tayeyn lahaa xarumaha waxbarashada, caafimaadka,shaqo, dhalinyarada
iyo sidii looga qeyb qaadan lahaa adeegyada hormarineed ee guud ahaan gobolka.
Ra’iisal Wasaare Kheyre ayaa balan
qaaday in ay wax ka qaban doonaan guud ahaan hormarinta adeegyada bulshada,
waxaana uu sheegay in muhiimada koowaad la siiyo sidii looga shaqayn lahaa
Amniga Gobolka Bakool kan dowlad ahaan ay wax ka qaban doonaan tayeynta ciidanka
xooga dalka ee gobolka ku sugan.
Kheyre ayaa ugu danbeyntii ayaa dhinacyadii uu la
kulmay kula dardaarmay in ay xoojiyaan hanashada amaanka gobolka si dadka ku
nool ay nabad ugu wada noolaadaan.
