11/14/2019
Today from Hiiraan Online:  _
Wararka Maanta- Arbaco, Oct 9 , 2019
Madaxweyne Biixi oo xafiiskiisa ku qaabiley safiirka Midowga Yurub u qaabilsan Soomaaliya


 

Arbaco, October,09, 2019 (HOL)-Madaxweyne Muuse Biixi ayaa maanta xafiiskiisa ku qaabilay safiirka midawga Yurub u qaabilsan Somaliland iyo Soomaaliya, Amb. Nicolás Berlanga Martinez iyo wefti uu hoggaaminayo.

Kulankana waxa lagaga wada hadlay xoojinta xidhiidhka wada shaqayneed ee ka dhexeeya Somaliland iyo midawga yurub sidii loo dardar-gelin lahaa. Sidoo kale, waxa lagu lafo-guray mashaariicda horumarineed ee midawga yurub iyo Somaliland iska kaashadaan hirgelintooda iyo diyaar garawga doorashooyinka goleyaasha wakiillada iyo deegaanka oo safiirku sheegay inay dhinacooda diyaar u yihiin wixii kaalmo ah ee ay kaga qayb-qaadanayaan qabsoomida doorashooyinka Somaliland.

Ugu danbayntiina madaxweynaha Somaliland oo uu kulanka ku wehelinaayey wasiirka arrimaha dibeda iyo iskaashiga caalamiga ah Prof. Yaasiin Maxamuud Xiir (Faratoon), ayaa safiirka iyo midawga yurub ku bogaadiyey xidhiidhka wanaagsan ee ka dhexeeya Somaliland iyo midawga yurub iyo mashaariicda horumarineed ee ay dalka ka wadaan.

Sidaasna waxa lagu sheegay war-saxaafadeed ka soo baxay xafiiska madaxweynaha.

Dhinaca kale, safiirku waxa uu booqasho ku tagay magaaladda Berbera, kaasi oo kulmay maayarka Berbera Cabdishakuur Cidin, waxaanay hore u sheegeen in midowga Yurub ugu deeqay horumarinta magaladda Berbera lacag dhan todoba milyan oo dollar Maraykanka.

Inkastoo hore xukuumada Somaliland u diiday mashruuca Yariisoow ee midowga Yurub ugu deeqay magaaladda Muqdisho iyo Berbera, haseyeeshee illaa hada xukuumadda kam hadal in mashruucaasi ka hirgalayo Berbera iyo in kale iyo inuu kulankani daarnaa mashruuca Berbera laga hirgalinayey.

Waxa xusid mudan in safiirka Midowga Yurub markii uu ka soo laabtay Berbera uu dooxa weyn ee Dacar budhuq xanibay, taas oo saacado badan ku adkaatay inuu ka soo gudbo, waxaana iska caado noqotay in xiliyada roobka uu dooxyada Berbera iyo Hargeysa u dhexeeya kala xidho isku socodka gaadiidka, qaarkoodna uu dooxu qaato, hlka qaar badana uu naftooda halis galiyo.

Barkhad-ladiif M. Cumar, Hiiraan Online

[email protected]

Hargeysa, Somaliland. 










Click here
10/9/2019 3:10 PM EST
Arbaco, October, 09, 2019 (HOL)- Wasiirka Wasaaradda Arrimaha Dibadda Xukuumadda Soomaaliya Axmed Ciise Cawad oo faah faahin dheeraad ah ka bixiyay waxa ka soo baxay wadahadal magaalada Boosaaso ay kula yeesheen isaga iyo wafdi heer Wasiirro ahaa oo ka socday Dowladda Federaalka madaxweynaha Puntland Saciid Cabdullaahi Deni.

10/9/2019 12:21 PM EST
Arbaco, October, 09, 2019 (HOL) – Dufcadii 11aad oo ka kooban 606 Arday ayaa maanta ka qalinjabiyey Jaamacadda Admas ee magaalada Hargeysa, kuwaas oo munaasibad balaadhan oo loogu fooladeeyey loogu qabtay Hotel Maansoor ee Magaalada Hargeysa.

10/9/2019 10:38 AM EST
Arbaco, October, 09, 2019 (HOL)-Madaxweynaha dowladda Soomaaliya Maxamed Cabdullaahi Farmaajo oo khudbad ka jeedinayay maanta furitaanka Kalfadhigga Lixaad ee Barlamaanka Soomaaliya ayaa soo hadal qaaday Arrimaha Federaalka, isaga oo sheegay in Federaalku madax-bannaani gaar ah siineynin Dowlad gobolleedyada.

10/9/2019 9:19 AM EST
Arbaco, October, 09, 2019 (HOL)-Dhabhaha ay diyaaraduhu ka duullaan ee garoonka diyaaradaha magaalada Muqdisho ayaa si KMG loo xiray sida ay Hiiraan Online u sheegeen qaar ka mid ah shaqaalaha Garoonka

10/9/2019 6:27 AM EST
Arbaco, October, 09, 2019 (HOL)-Xafiiska Hanti-dhowraha guud ee Soomaaliya ayaa soo saaray Warbixin sanadeedka ee baarista Hey’adaha maaliyadda dowladda, waxaa warbixinta ku xusan malaayiin dollar oo aan ilaa iyo hadda la ogeyn sida loo isticmaalay.

10/9/2019 5:01 AM EST
Arbaco, October, 09, 2019 (HOL)-Degmada Jalalaqsi ee gobolka Hiiraan waxaa ka soconaya kulamo xal loogu raadinayo iska horimaad dhawaan degmada ku dhaxmaray ciidamada Jabuuti ee qeybta ka ah howlgalka midowga Africa AMISOM iyo ciidanka Booliiska Hirshabeelle.

10/9/2019 2:28 AM EST
Arbaco, October, 09, 2019 (HOL)- Warar dheeraad ah ayaa ka soo baxaya Qaraxyo xalay lala eegtay ciidamada sida gaar ah u tababaran ee Booliiska Dowladda Soomaaliya oo lagu magacaabo [Harimacad] kuwaa oo ku safrayay waddada xiriirisa Muqdisho iyo Afgooye.

10/9/2019 2:16 AM EST
Arbaco, October, 09, 2019 (HOL)- Madaxweynaha dowlad gobolleedka Galmudug Axmed Ducaale Geelle Xaaf ayaa taageeray islamarkaana soo dhaweeyay guddiga farsamo ee maamul u sameynta Galmudug oo ay ku dhawaaqday Wasaaradda Arrimaha Gudaha iyo Federaalka.

10/9/2019 2:04 AM EST
Arbaco, October, 09, 2019 (HOL)-Wasaaradda Arrimaha Gudaha Federaalka iyo dib u- heshiisiinta XF Soomaaliya ayaa magacowday Guddiga Farsamada maamul Dhisidda Dowlad Gobaleedka Galmudug, kaas oo maalmihii la soo dhaafay la hadal haayey in la magacaabayo.

10/9/2019 1:57 AM EST
Arbaco, October, 09, 2019 (HOL)-Madaxweynaha dowladda Soomaaliya Maxamed Cabdullaahi Farmaajo ayaa lagu wadaa in maanta oo Arbaco ah uu daah furo Kalfdhiga 6-aad ee Baarlamaanka Labada Aqal ee Soomaaliya.