3/28/2024
Today from Hiiraan Online:  _
Wararka Maanta- Talaado, Nov 5 , 2019
Roobab xiriir ah oo saacadihii la soo dhaafay ka da'ay magaalada Beledweyne iyo Garoonka diyaaradaha oo xirmay

 

Talaado, November, 05, 2019 (HOL)- Saacadihii la soo dhaafay magaalada Beledweyne iyo daafaheeda waxaa ka da'ay roobab xiriir ah, kaasoo hakad ku keenay duulimaadyadii u badnaa gargaarka ee ka degayay Garoonka diyaaradaha Ugaas Khaliif.

Roobabka oo xalay bilaawday soona gaaray ilaa saakay waabarigii hore ayaa da'aya 8 saacadood oo xiriir ah, waxaana muuqaneysa in xirnaashaha Garoonka diyaaradaha magaalada Beledweyne ay saameyn ku keeni doonto gargaarkii la soo gaarsiin lahaa dadka ay fatahaadu saameysay.

Maanta ayuu qorshuhu ahaa in magaalada ay uu soo gaaro gargaarkii ugu badnaa ee dowladda Federaalka, beesha caalamka iyo sidoo kale  gargaar ay iska soo uruuriyeen dadka ku dhaqan gobollada dalka Soomaaliya gaar ahaan deegaannada Puntland.

Roobabka xalay da'ay ayaa uga sii daray xaalada magaalada oo wali inta badan ay ku sii harsan yihiin biyaha ka soo fatahay Wabiga Shabeelle inkastoo meelaha qaar marka aad eegto biyuhu u muuqdaan kuwo ka yar intii hore. 

C/raxmaan Diini, Hiiraan Online
[email protected]












Click here
11/5/2019 9:57 AM EST
Talaado, November 05, 2019 (HOL)–Madaxweyne Muuse Biixi ayaa taliyaha ciidanka Booliska u magacaabay.Sareeye Guuto, Maxamed Aadan Saqadhi Dabagalle, halka taliye ku xigeenka u magacaabay Sareeye Guuto, Cabdi Xasan Mire Faarax.

11/5/2019 8:44 AM EST
Talaado, November, 05, 2019 (HOL)-Waxgaradka iyo odayaasha deegaanka Ceelafweyn ee gobolka Sanaag ayaa si iskood ah uga heshiiyey dagaaladii soo noqnoqday ee beelaha wada dega ku dhexmaray, taas oo maanta la soo afjaray.

11/5/2019 6:27 AM EST
Talaado, November, 05 2019 (HOL)-Sagaal eedeysan oo ay ka mid tahay qof dumar ahaa loo xukumay ka mid ahaashaha Ururka Al-shabaab ee dagaalka kula jira dowladda Soomaaliya.

11/5/2019 6:14 AM EST
Talaado, November, 05, 2019 (HOL)-Wasiirkii hore ee arimaha guddaha Somaliland Dr Maxamed Cabdi (Gaboose) ayaa si adag u dhaliilay sida uu dalka u maamulayo madaxweyne Biixi, waxaanu sheegay in hadii aan wax laga qaban dalku halis u jiro inuu sii kala fogaado.

11/5/2019 3:44 AM EST
Talaado, November, 05, 2019 (HOL)-Wasiirka Wasaaradda Warfaafinta Xukuumadda Soomaaliya Maxamed Cabdi Xayir Maareeye ayaa ku tilmaamay arin fowdo ah hab dhaqanka dowlad gobolleedyada qaarkood oo sida uu hadalka u dhigay qalad ka fahmay habka nidaamka Federaalka.

11/5/2019 12:07 AM EST
Talaado, November, 05, 2019 (HOL)- Qarramada Midoobey ayaa ku biirtay dadaallada caalamiga ah lagu gargaarayo dadka ay fatahaadu ku dhufatay ee Soomaaliya gaar ahaan magaalada Beledweyne ee dowlad gobolleedka Hirshabeelle.

11/5/2019 12:02 AM EST
Talaado, November, 05, 2019 (HOL)- Hal Qof ayaa lagu waramayaa in uu ku dhintay shil gaari oo ka dhacay dulleedka magaalada Boosaaso sida ay sheegeen saraakiisha Booliiska dowlad gobolleedka Puntland.