Guddida cusub ee doorashooyinka Somaliland oo Gudoomiye u doortay xubintii xisbiyada mucaaradku diidanaayeen
Sabti, November 30, 2019 (HOL )– Xubnihii guddida doorashooyinka Somaliland ayaa maanta
doortay gudoomiye iyo gudoomiye ku xigeen, kuwaas oo u kala doortay
Cabdirashiid Riyo Raac iyo Mustafe Dhawal.
Gudoomiyaha loo doortay guddida
doorashooyinka Cabdirashid Riyo Raac ayaa ahaa xubintii muranka badan ka dhalisay
in guddida lagu soo daro,isla markaana xisbiyada mucaaradku dalbanayeen in
xubintaasi dib loo celiyo.
Goobtii lagu dooranayey
gudoomiyaha cusub waxa ka maqnaa xubintii xisbiga WADDANI ka socotay, halka
xubintii xisbiga UCID ka socotayna sheegay in lagaga batay in la doorto Cabdirashiid Riyo Raac, waxaanu doorashadaasi
ku tilmaamay mid gacan ku rimis ah oo aan loo diyaar garoobin.
“Doorashaadani waxay ahayd mid
aan la isku ogeyn, waayo waxa khamiistii noo timid guddidii dhexdhexadinta
ahayd oo noo sheegtay in aanay doorasho dhicin inta hawsha ku jiraan, waxay
ahayd doorashadaasi mid gacan ku rimis ah oo aan loo diyaar ahayn oo saaka uun
bilaabantay, waan fadhiyey oo kama bixin laakiin waa la nagaga cod batay”ayuu
yidhi xubintii ka socotay xisbiga UCID.
Gudoomiyaha Cusub Cabdirashiid
Riyo raac ayaa ahaa xubintii muranka badan ka dhalisay guddida cusub, waxaanay
hore u qaadaceen in guddida lagu soo daro xubintan.
Barkhad-ladiif M. Cumar, Hiiraan Online
[email protected]
Hargeysa, Somaliland.