Khamiis, May, 16, 2019 (HOL) –
Dalka Koonfur Africa wararka ka imanaya ayaa sheegaya in Soomaali isku soo bax
ka dhigtay dalbanayaan in ay hellaan cadaalad, gaar ahaan iyaga oo sita sawirka Nin dhalinyaro ah oo
lagu dilay dalkaasi Koonfur Africa oo qofkii dilay ay gacanta ku hayaan
ciidamada Booliiska.
Dalka Koonfur Africa ayaa inta
badan waxaa ka dhacay dilal joogta noqday oo lagula kaco dadka Soomaalida ah ee
ganacsiyada halkaa ku leh, waxaana xusid mudan in dowladdu marnaba tallaabo ka qaadin dadka
dilalka iyo dhaca u geystay dadka Soomaaliyeed.
Dibadbaxayaasha Soomaalida ayaa
ka dalbanaya dowladda in ay cadaalada mariyaan qofkii ka danbeeyay dilka
muwaadinka ay muuqaalkiisa soo bandhigeen dadka isku soo baxay, kaa oo sida ay
hadalka u dhigeen hadda ku jira gacanta hay’addaha Amniga.
Soomaalida dalkaasi Koonfur
Africa ku dhaqan ayaa ku eedeeya dowladda in aysan marnaba ciqaabin dadka
weerarrada iyo dilalka u geystay ganacsatada Soomaaliyeed xitaa haddi ay hay’addaha
Amnigu gacanta ku dhigaan kuwa dilalka iyo rabashadaha geysta.
C/raxmaan Diini, Hiiraan Online
[email protected]