3/19/2024
Today from Hiiraan Online:  _
Wararka Maanta- Khamiis, May 16, 2019
Muqdisho: Nin gaari qarax ku xirayey oo la qabtay, halka mid askari dhaawacay la toogtey

Khamiis, May, 16, 2019 (HOL) - Booliska Soomaaliya ayaa sheegay inay gacanta ku dhigeen ruux miino ku dhejiyay gaari ka hor inta uusan qarxin,iyada oo gaariga uu ku qarxay nawaaxiga Shineemo Soomaaliya oo ku dhow hotelka Maka Al Mukarama ee caasimadda Muqdisho.

Ma jirto khasaaro dhimasho ama dhaawac oo ka dhashay qaraxa marka laga reebo in isla gaariga uu soo gaarey burbur xooggan, wallow aanan wali la ogayn shaqsiga iska leh baabuurka. Sida laga soo xigtay goobjoogayaal dad shacab ah ayaa wargeliyay ciidanka amniga xilliga gaariga lagu xirayay qaraxa waxaana markiiba goobta gaaray ciidanka amniga.

Ninka falkan lagu qabtay  oo laamaha ammaanka  ay wateen ayaa su'aallo lagu waydiinaya xarunta dambi baarista ,iyadoo la filayo in maxkamad la horkeeno, sida laga soo xigtay saraakiisha.

Docda kale, laamaha ammaanka ayaa waxay isgoyska Bakaaraha ku toogteen ruux dhaawacay askari ka tirsan booliska, balse waxaa baxsaday qof kale oo la socday ninka ay ciidanka amniga toogteen.

Warbaahinta dowladda ayaa ku warrantay ruuxa la toogtay inuu ka tirsanaa ururka al-Shabaab, xilligana lagu daba-jiro ruuxa kale ee baxsaday.

Falalkan ayaa ku soo aaddaya xilli ciidanka amniga feejignaan dheeraad ah la galiyay,iyadoo inta badan la soo dhoobey isgoysyada Muqdisho ciidammo dheerad ah oo ka tirsan booliska.

Iman Mohamed Jama, Hiiraan Online
[email protected]













Click here
5/16/2019 2:17 PM EST
Khamiis, May, 16, 2019 (HOL)–Askari ayaa wararka hordhaca ahi sheegayaan in uu ku dhintay israsaasayn ka dhacday carun ay degan ka degan yihiin ciidanka loo yaqaan RRU oo qayb ka ah Booliska bariga magaalada Laascaanood xarunta gobolka Sool.

5/16/2019 10:51 AM EST
Khamiis, May, 16, 2019 (HOL) – Dalka Koonfur Africa wararka ka imanaya ayaa sheegaya in Soomaali isku soo bax ka dhigtay dalbanayaan in ay hellaan cadaalad, gaar ahaan iyaga oo sita sawirka Nin dhalinyaro ah oo lagu dilay dalkaasi Koonfur Africa oo qofkii dilay ay gacanta ku hayaan ciidamada Booliiska.

5/16/2019 8:30 AM EST
Khamiis, May, 16, 2019 (HOL) - Xafiiska Xeer Ilaaliyaha Guud ee Soomaaliya ayaa digniin u diray ganacsatada iyo cid walba oo ku lug leh saaridda iyo dhoofinta dhuxusha,sida lagu sheegay war-saxaafadeed ka soo baxay xafiiska xeer ilaaliyaha.

5/16/2019 7:53 AM EST
Khamiis, May, 16, 2019 (HOL) - Shirkadda diyaaradaha ee dalka Uganda ayaa markii u horreysay shaacisay inay dhowaan billaabayso duullimaad toos ah oo ay ku tagayso magaalada caasimadda ee Muqdisho.

5/16/2019 2:22 AM EST
Khamiis, May, 16, 2019 (HOL) - Madaxweynaha Soomaaliya, Maxamed Cabdullaahi Farmaajo ayaa markii ugu horreysay ka hadlay waxyaabaha dhaliyay inuu fashilmo shirkii Garoowe iyo arrimaha ay isku diiddanyihiin dowlad-gobolleedyada.

5/16/2019 1:56 AM EST
Khamiis, May, 16, 2019 (HOL) - Haween Muslimiin ah ayaa maxkamad ku taalla gobolka Minnesota u gudbiyay dacwad ka dhan ah shirkadda Amazon, iyaga oo ka cabanaya in loo diiday in la siiyo goob iyo waqti ay ku tukadaan, sida uu qoray wargayska middleeastmonitor oo soo xiganaya wakaalada wararka ee Anadolu.

5/16/2019 1:51 AM EST
Khamiis, May, 16, 2019 (HOL) - Haweenay Soomaali ah ayaa shatigii Taksi wadista lagala noqday ka gadaal markii ay gashay illaa 30 khalad,iyadoo xataa mar nin indhoole ah oo rakaab u ahaa waydiisatey inuu jidadka iyo jihooyinka u kala sheego.

5/16/2019 1:25 AM EST
Khamiis, May, 16, 2019 (HOL) - Madaxweynaha Soomaaliya ,Maxamed Cabdullaahi Farmaajo ayaa ubax dhigay taallada SYL ee magaalada Muqdisho oo lagu maamuusayo dhallinyaradii 13-ka ahaa ee aasaasay ururkii gobannimo-doonka Soomaaliyeed ee SYL.