8/19/2019
Today from Hiiraan Online:  _
Wararka Maanta- Khamiis, May 16, 2019
Uganda Airlines oo billaabaysa duulimaad toos ah oo ay ku tagayso caasimadda Muqdisho



Khamiis, May, 16, 2019 (HOL) - Shirkadda diyaaradaha ee dalka Uganda ayaa markii u horreysay shaacisay inay dhowaan billaabayso duullimaad toos ah oo ay ku tagayso magaalada caasimadda ee Muqdisho.

Duulimaadka Uganda Airlines ee Muqdisho ayaa qeyb ka ah duulimaadyo toos ah oo isku xiraya magaalooyinka ku yaalla bariga Afrika ee ee Kampala, Nairobi, Mombasa, Muqdisho, Jubba, Bujumbura, Dar-es-Salaam iyo Zanzibar oo ay dhawaan shirkaddu duulimaad ka billaabayso,sida laga soo xigtay bayaan ay mas'uuliyiinta shirkadda Uganda Airlines soo dhigeen baraha bulshada.

Uganda Airlines ayaa dhowaan dib u habeyn lagu sameeyay, taas oo ay hadda ku dooneyso inay mar kale dib usoo ceshato doorkeedii duulimaad ee waddamada gobolka.

Shirkadaha diyaaradaha ayaa muddooyinkii dambe ku loolamayay duullimaadyada ay  tagayaan Muqdisho.Horay waxaa duulimaadyada noocan ah u billaabay shirkadaha diyaaradaha ee laga leeyahay Itoobiya iyo Kenya.

Iman Mohamed Jama, Hiiraan Online
[email protected]








Click here
5/16/2019 2:17 PM EST
Khamiis, May, 16, 2019 (HOL)–Askari ayaa wararka hordhaca ahi sheegayaan in uu ku dhintay israsaasayn ka dhacday carun ay degan ka degan yihiin ciidanka loo yaqaan RRU oo qayb ka ah Booliska bariga magaalada Laascaanood xarunta gobolka Sool.

5/16/2019 10:51 AM EST
Khamiis, May, 16, 2019 (HOL) – Dalka Koonfur Africa wararka ka imanaya ayaa sheegaya in Soomaali isku soo bax ka dhigtay dalbanayaan in ay hellaan cadaalad, gaar ahaan iyaga oo sita sawirka Nin dhalinyaro ah oo lagu dilay dalkaasi Koonfur Africa oo qofkii dilay ay gacanta ku hayaan ciidamada Booliiska.

5/16/2019 8:30 AM EST
Khamiis, May, 16, 2019 (HOL) - Xafiiska Xeer Ilaaliyaha Guud ee Soomaaliya ayaa digniin u diray ganacsatada iyo cid walba oo ku lug leh saaridda iyo dhoofinta dhuxusha,sida lagu sheegay war-saxaafadeed ka soo baxay xafiiska xeer ilaaliyaha.

5/16/2019 8:14 AM EST
Khamiis, May, 16, 2019 (HOL) - Booliska Soomaaliya ayaa sheegay inay gacanta ku dhigeen ruux miino ku dhejiyay gaari ka hor inta uusan qarxin,iyada oo gaariga uu ku qarxay nawaaxiga Shineemo Soomaaliya oo ku dhow hotelka Maka Al Mukarama ee caasimadda Muqdisho.

5/16/2019 2:22 AM EST
Khamiis, May, 16, 2019 (HOL) - Madaxweynaha Soomaaliya, Maxamed Cabdullaahi Farmaajo ayaa markii ugu horreysay ka hadlay waxyaabaha dhaliyay inuu fashilmo shirkii Garoowe iyo arrimaha ay isku diiddanyihiin dowlad-gobolleedyada.

5/16/2019 1:56 AM EST
Khamiis, May, 16, 2019 (HOL) - Haween Muslimiin ah ayaa maxkamad ku taalla gobolka Minnesota u gudbiyay dacwad ka dhan ah shirkadda Amazon, iyaga oo ka cabanaya in loo diiday in la siiyo goob iyo waqti ay ku tukadaan, sida uu qoray wargayska middleeastmonitor oo soo xiganaya wakaalada wararka ee Anadolu.

5/16/2019 1:51 AM EST
Khamiis, May, 16, 2019 (HOL) - Haweenay Soomaali ah ayaa shatigii Taksi wadista lagala noqday ka gadaal markii ay gashay illaa 30 khalad,iyadoo xataa mar nin indhoole ah oo rakaab u ahaa waydiisatey inuu jidadka iyo jihooyinka u kala sheego.

5/16/2019 1:25 AM EST
Khamiis, May, 16, 2019 (HOL) - Madaxweynaha Soomaaliya ,Maxamed Cabdullaahi Farmaajo ayaa ubax dhigay taallada SYL ee magaalada Muqdisho oo lagu maamuusayo dhallinyaradii 13-ka ahaa ee aasaasay ururkii gobannimo-doonka Soomaaliyeed ee SYL.