3/29/2024
Today from Hiiraan Online:  _
Wararka Maanta- Talaado, May 14, 2019
Wasiir Goodax : Dadkii maanta dibadbaxa dhigayay Ardey uma muuqan waa nalooga badnaa

 

Talaado, May, 14, 2019 (HOL) - Wasiirka Wasaarradda Waxbarashada Xukuumadda Soomaaliya Cabdullaahi Goodax Barre ayaa ku guuldareystay qancinta Ardeydii maanta ku dibadbaxday magaalada Muqdisho isaga oo dhinaca kale eedeyn dusha uga tuuray

Wasiirka ayaa sheegay in uu isku dayay in uu la hadlo dibadbaxa-yaasha isaga oo intaa ku daray in dadkii uu arkay aysan Ardey’’ Waxaan leeyahay dadkii maanta dariiqa socday haddii aheynu nahay bahda Waxbarashada waa nalooga badnaa, waxaan isku dayay in aan Ardeyda la hadlo, laakiin wixii aan arkay Ardey uma ekeen, dad dhagaxyo tuuraaya oo aan caadi aheyn ayaa la kulannay ‘’ ayuu yiri Wasiir Goodax oo la hadlayay TV Dalsan.

Hadalka Wasiirka ayaa imanaya iyadoo magaalada Muqdisho dibadbax xoogan ay ka dhigeen boqolaal ardey ah oo ka mid ahaa ardeydii ka qeybgashay Imtixaankii saddexda cisho socda ee la joojiyay, kuwaa oo ka cabanayay go’aanka Wasaarradda.

Ma’aha oo kaliya in dibadbaxyadaasi ay ka dhaceen magaalada Muqdisho ee sidoo kale magaalooyinka Jowhar iyo Beledweyne ayaa waxaa ka dhacay dibadbaxyo sababay dhaawaca ilaa Labo Ardey ah.

Madaxweynaha dowlad gobolleedka Hirshabeelle Maxamed Cabdi Waare oo noqonaya mas’uulkii ugu horeeyay ee dowlad gobolleedyada oo ka hadla arinta ku saabsan joojinta Imtixaankii socday ayaa ku eedeeyay Wasaarradda Waxbarashada in ay shaqadeedii gabtay, isaga oo ku amray mas’uuliyiinta Wasaarradda ee ku sugan deegaannada Hirshabeelle in ay deg deg uga baxaan.

C/raxmaan Diini, Hiiraan Online
[email protected] 













Click here
5/14/2019 2:37 PM EST
Talaado, May, 14, 2019 (HOL)-Xilli kiiska muranka badda ee Soomaaliya iyo Kenya uu marayo meel xasaasi ah ayaa waxaa soo baxaysa qiimayn lagu samaynayo dhaqaalaha ku baxaya dacwadaasi.

5/14/2019 12:04 PM EST
Talaado, May, 14, 2019 (HOL) - Gudoomiyaha xisbiga mucaaradka ah ee WADDANI C/raxmaan Maxamed C/laahi Cirro ayaa waxba kama jiraan ku tilmaamay warar laga qoray oo sheegay inuu Kenya kula kulmay safiirada Qadar iyo Maraykanka.

5/14/2019 11:56 AM EST
Talaado, May, 14, 2019 (HOL)-Madaxweynaha DDS Mustafe Muxumed Cumar iyo wafti uu hoggaaminayo ayaa maanta gaaray magaalada Xerogeel oo ka tirsan degmada Awbarre, halkaas oo uu kula kulmay shacabka qaybihiisa kala duwan.

5/14/2019 11:12 AM EST
Talaado, May 14, 2019 (HOL)- Ciidanka booliska Somaliland ayaa maanta xidhay wiil ku soo labistay dhar ka samaysan calanka Soomaaliya oo la yimid badhtamaha magaaladda Hargeysa.

5/14/2019 7:49 AM EST
Talaado, May, 14, 2019 (HOL)- Madaxeynaha dowlad gobolleedka Hirshabeelle Maxamed Cabdi Waare oo dib ugu laabtay magaalada Jowhar ayaa weerar afka ah ku qaaday Wasaarradda Waxbarashada Soomaaliya.

5/14/2019 7:39 AM EST
Talaado, May, 14, 2019 (HOL)- Ururka Al-shabaab ee degaalka kula jira dowladda Soomaaliya ayaa sheegtay mas'uuliyada Qarax maaanta lagu weeraray xarunta degmada Warta-Nabadda ee magaalada Muqdisho

5/14/2019 4:32 AM EST
Talaado, May, 14, 2019 (HOL)- Dhawaqa qarax culus ayaa goor dhow laga maqlay degmada Warta-nabadda ee magaalada Muqdisho, sida ay goobjoogayaal xaqiijiyeen.

5/14/2019 3:25 AM EST
Talaado, May, 14, 2019 (HOL)- Duqa Muqdisho ahna Guddoomiyaha Gobolka Banaadir Mudane Cabdiraxmaan Cumar Cismaan (Eng. Yarisow) ayaa fal-danbiyeed weyn oo u baahan in caddaaladda la horgeeyo dadkii ka danbeeyey ku tilmaamay in Imtixaankii Dugsiyada Sare la xado oo suuqa la geliyo.

5/14/2019 3:19 AM EST
Talaado, May, 14, 2019 (HOL)- Shan qof way u geeriyoodeen, sagaal kalena waa dhawaawac ka dib markii Roobab waaweyn oo khasaare dhalliyey ka da’ay magaalada Hargeysa.

5/14/2019 3:02 AM EST
Talaado, May, 14, 2019 (HOL)- Magaalada Muqdisho qeybo ka mid ah waxaa subaxnimadii hore ee saakay ka dhacay dibadbax ay dhigayeen ardeydii kaqeybgashay Imtixaankii dowladda ee la hakiyay, kuwaa oo ka cabanaya go’aanka ay Wasaarradda Waxbarashada.

5/14/2019 2:40 AM EST
Talaado, May, 14, 2019 (HOL)- Inta la xaqiijinayo Labo ardey ayaa ku dhaawacantay dibadbax looga soo horjeedo hadalkii xalay ka soo yeeray Wasiirka Wasaarradda waxbarashada Cabdullaahi Goodax Barre oo saakay ka dhacay magaalada Beledweyne.