3/29/2024
Today from Hiiraan Online:  _
Wararka Maanta- Talaado, May 14, 2019
Madaxweyne Waare : Waxbarashada Hirshabeelle mas'uuliyadeeda maanta laga bilaabo Hirshabeelle ayaa iska leh

 

Talaado, May, 14, 2019 (HOL)- Madaxeynaha dowlad gobolleedka Hirshabeelle Maxamed Cabdi Waare oo dib ugu laabtay magaalada Jowhar ayaa weerar afka ah ku qaaday Wasaarradda Waxbarashada Soomaaliya.

Isaga oo meel fagaaro ah kula hadlayay Boqolaal ardeyda  ah oo dibadbax ka dhigayay magaalada Jowhar ayuu ku amray dhamaanba kormeerayaasha Wasaarradda Waxbarashada ka socda ee  ku sugan deegaannada Hirshabeelle in ugu laabtaan halkii ay ka yimaadeen sida uu hadalka u dhigay.

''Waxaan leeyahay mas'uuliyiinta Wasaarradda Waxbarashada ee ku sugan deegaannada Hirshabeelle bilaahi caleykum, waad fashilinteen ee dib ugu laabta halkii aad ka timaadeen, Amnigiina iyo joogitaankiina dhibaato ayuu nagu yahay, waxaana rabnaa in aan maanta idin cadeeyo wixii xiligan ka danbeeya waxbarashada deegaannada Hirshabeelle waxaa mas'uul ka ah dowlad gobolleedka Hirshabeelle'' ayuu yiri madaxweyne Waare.

Sidoo kale Madaxweyne Waare ayaa ugu baaqay Wasaarada Waxbarashada inay isla xisaabtan sameyso oo si deg-deg ah cidii fashilisay imtixaanka tallaabo loogaga qaado.

''Waxaa wax lala yaabo ah in ilaa iyo hadda aysan jirin cid arintan lagu ciqaabay si ay u qancaan ardeyda iyo waalidiinta Soomaaliyeed, sidaa daraadeed waxaan leeyahay Wasaarraddu wey ku fashilantay qaadistii Imtixaanka dowladda'' ayuu hadalkiisa sii raaciyay.

Hadalka madaxweynaha Hirshabeelle ayaa imanaya  xilli  ardeydu  maanta dibadbaxyo ka dhigeen  qeybo ka mid ah dalka oo ay ka mid tahay magaalada Muqdisho.

C/raxmaan Diini, Hiiraan Online
[email protected]
 

 

 

 
 

 













Click here
5/14/2019 2:37 PM EST
Talaado, May, 14, 2019 (HOL)-Xilli kiiska muranka badda ee Soomaaliya iyo Kenya uu marayo meel xasaasi ah ayaa waxaa soo baxaysa qiimayn lagu samaynayo dhaqaalaha ku baxaya dacwadaasi.

5/14/2019 12:04 PM EST
Talaado, May, 14, 2019 (HOL) - Gudoomiyaha xisbiga mucaaradka ah ee WADDANI C/raxmaan Maxamed C/laahi Cirro ayaa waxba kama jiraan ku tilmaamay warar laga qoray oo sheegay inuu Kenya kula kulmay safiirada Qadar iyo Maraykanka.

5/14/2019 11:56 AM EST
Talaado, May, 14, 2019 (HOL)-Madaxweynaha DDS Mustafe Muxumed Cumar iyo wafti uu hoggaaminayo ayaa maanta gaaray magaalada Xerogeel oo ka tirsan degmada Awbarre, halkaas oo uu kula kulmay shacabka qaybihiisa kala duwan.

5/14/2019 11:12 AM EST
Talaado, May 14, 2019 (HOL)- Ciidanka booliska Somaliland ayaa maanta xidhay wiil ku soo labistay dhar ka samaysan calanka Soomaaliya oo la yimid badhtamaha magaaladda Hargeysa.

5/14/2019 9:57 AM EST
Talaado, May, 14, 2019 (HOL) - Wasiirka Wasaarradda Waxbarashada Xukuumadda Soomaaliya Cabdullaahi Goodax Barre ayaa ku guuldareystay qancinta Ardeydii maanta ku dibadbaxday magaalada Muqdisho isaga oo dhinaca kale eedeyn dusha uga tuuray

5/14/2019 7:39 AM EST
Talaado, May, 14, 2019 (HOL)- Ururka Al-shabaab ee degaalka kula jira dowladda Soomaaliya ayaa sheegtay mas'uuliyada Qarax maaanta lagu weeraray xarunta degmada Warta-Nabadda ee magaalada Muqdisho

5/14/2019 4:32 AM EST
Talaado, May, 14, 2019 (HOL)- Dhawaqa qarax culus ayaa goor dhow laga maqlay degmada Warta-nabadda ee magaalada Muqdisho, sida ay goobjoogayaal xaqiijiyeen.

5/14/2019 3:25 AM EST
Talaado, May, 14, 2019 (HOL)- Duqa Muqdisho ahna Guddoomiyaha Gobolka Banaadir Mudane Cabdiraxmaan Cumar Cismaan (Eng. Yarisow) ayaa fal-danbiyeed weyn oo u baahan in caddaaladda la horgeeyo dadkii ka danbeeyey ku tilmaamay in Imtixaankii Dugsiyada Sare la xado oo suuqa la geliyo.

5/14/2019 3:19 AM EST
Talaado, May, 14, 2019 (HOL)- Shan qof way u geeriyoodeen, sagaal kalena waa dhawaawac ka dib markii Roobab waaweyn oo khasaare dhalliyey ka da’ay magaalada Hargeysa.

5/14/2019 3:02 AM EST
Talaado, May, 14, 2019 (HOL)- Magaalada Muqdisho qeybo ka mid ah waxaa subaxnimadii hore ee saakay ka dhacay dibadbax ay dhigayeen ardeydii kaqeybgashay Imtixaankii dowladda ee la hakiyay, kuwaa oo ka cabanaya go’aanka ay Wasaarradda Waxbarashada.

5/14/2019 2:40 AM EST
Talaado, May, 14, 2019 (HOL)- Inta la xaqiijinayo Labo ardey ayaa ku dhaawacantay dibadbax looga soo horjeedo hadalkii xalay ka soo yeeray Wasiirka Wasaarradda waxbarashada Cabdullaahi Goodax Barre oo saakay ka dhacay magaalada Beledweyne.