Jimco, Maarso, 08, 2019 (HOL)-
Ra’iisal wasaaraha xukuumadda Soomaaliya Xassan Cali Kheyre iyo wafdi uu
horkacayo ayaa lagu wadaa in uu maanta gaaro magaalada Kismaayo ee xarunta KMG
u ah maamul gobolleedka Jubbaland.
Maalintii shalay waxaa magaalada Kismaayo gaaray
wafdi hordhac u ah safarka Ra’iisul Wasaaraha iyo qaar ka mid ah ciidamada
ilaalada khaaska ah ee Ra’iisul Wasaare Kheyre.
Ra’iisul Wasaaraha Soomaaliya ayaa markii uu tago
magalada Kismaayo waxaa uu kulan la qaadan doonaa Madaxda ugu sareysa maamulka
Jubbaland oo uu ka mid yahay Madaxweynaha maamulkaas Axmed Madoobe iyo
mas’uuliyiin kale.
Amaanka magaalada Kismaayo ayaa siweyn loo
adkeeyay waxaana inta badan magaalada lagu arkayaan ciidamo aad u hubeysan oo
suganaya nabad-galyada guud ahaan magaalada.
Socdaalka ra’iisal wasaaraha ee Kismaayo ayaa u
muuqda mid qeyb ka ah dadaallo la doonayo in lagu soo afjaro khilaafka maamul
gobolleedka Jubbaland iyo dowladda dhexe, waxaana si hor dhac ah arintan uga
wada hadlay mas’uuliyiin ka tirsan dowladda Soomaaliya iyo mas’uuliyiin ka
tirsan maamul gobolleedka Jubbaland.
C/raxmaan Diini,
Hiiraan Online
[email protected]
