Khamiis,Maarso 07, 2019 (HOL)- Doorashada gobollada dalka Holland ayaa lagu wadaa in ay
dhacdo 20-ka bishan, waxaana ka qaybgalayo labo dhalinyaro Soomaalida dalkaasi
ku dhaqan oo xisbiyo kala duwan u tartamaya.
Gobollada Koonfurta iyo Waqooyiga Holland, oo ah
magacyada gobollada ugu caansan dalkaasi islamarkaasna ugu dadka badan, ayna ka
mid yihiin magaalooyinka Amsterdam, Hague, iyo Rotterdam ayaa waxa musharaxiin
ka ah, Nuur Iikar iyo Xamdi Cabdirixmaan Garjeex oo labaduba yaraan ku tagey
dalkaasi horaantii 90-naadkii.
Labadan musharax ayaa utartamaya xisbiyada Denk
iyo Nida oo ah xisbiyo ay Muslimiintu leeyihiin. Xisbiga Denk ayaa dhowr
xildhibaan ku leh gollaha shacabka Holland, halka ay labaduba dowladaha hoose
ee Hague iyo Rotherdam xubno ku kala leeyihiin.
Soomaalida ayaa waayadii ugu danbeeyay siweyn uga
soo dhax muuqanayay doorashada dalalkii markii horeba qaxootinimada ku tageen,
iyaga gaaray qabashada xilal sar sare oo marnaba laga maleysan karin sida
Ilhaan Cumar oo gabar Soomaali ah kana tirsan waqtigan Congress –ka dalka
Mareykanka.
C/raxmaan Diini,
Hiiraan Online
[email protected]
