9/23/2019
Today from Hiiraan Online:  _
Wararka Maanta- Axad, Mar 31, 2019
Somaliland: Gurmadkii ugu horeeyey ee biyo Dhaamin ah oo Hargeysa ka anbo baxay



Axad, Maarso, 31, 2019 (HOL)– Xukuumadda ayaa gurmadkii ugu horeeyey oo biyo ah u dirtay goboladda bariga, kuwaas oo ay ku jiraan xaalad biyo la’aan ah.

Munaasibada lagu soo bandhigayey kaalmadii ugu horeysay ee gobolada abaartu haysay loo dirayey waxa ka soo qaybgallay madaxweyne ku xigeenka C/raxmaan Saylici, wasiirka Biyaha, wasiirka Diinta iyo Aw qaafta, gudoomiyaha hay’adda ka hortagga masiibooyinka iyo kaydka raashinka iyo masuuliyiin kale.

Faysal Cali Sheekh Gudoomiyaha Hay’adda ka hor taga masiibooyinka iyo kaydka Raashinka ayaa sheegay in maanta ay baxeen boqol iyo konton booyadood, kuwaas oo loo kala direy sadexda gobol ee bariga, sida Koonfurta Sool, Bariga Sanaag iyo Togdheer, waxaanu sheegay in gurmadkaasi ay ugu deeqeen hay’adda.

“waxa maanta baxay 150 booyadood oo kontankii ugu horeyey gaadheen togdher, konton booyadood oo kalena gaadhi doonaan Badhan, halka konton booyadood oo kale ku sii socdaan koonfurta Sool, waxaana bixiyey Qadar Charity “ayuu yiri Faysal Cali Sheekh.

Sidoo kale, waxay xukuumaddu sheegtay in booyadan imika la dhaaminayo ay dawladdu leedahay, kuwaas oo qaarkood gobolada ka shaqaynayaan, waxaana hadda u kala baxayaan koonfurta Gobolka Maroodi jeex, Saaxil, Togdheer, Sool iyo Sanaag.

“Gobolada aanay booyadahani tagin yeyna moodin in la qadiyey ee waxa loo kireen doonnaa booyadaha deegaamadoodda oo iyagu laba faa’iido ayey heli doonaan marna waa loo kireen doona marna booyada dawlada loogu dhaamin doonna”ayuu yidhi wasiirka Biyaha Saleebaan Cali Koore.

Madaxweyne ku-xigeenka Somaliland Saylici , ayaa sheegay in biyo yaraan baahsani ay soo food saartay meelo kamida goboladda bariga Somaliland, waxaanu sheegay in hay’adaha iyo dawladuba ka hawlgali doonaan biyo dhaamintaasi la gaadhsiin doono dadkaasi biyo yaraantu haysato.

“Hay’adihii abaaraha nagala shaqaynayey waa diyaar, waxaana u diyaar garoobnay in ceelashii fadhiyey u dayactirno, waxaana hay’adihii nidaamka biyaha inaga caawin jireyna waxaanu isla garanay in ceelasha fadhiya ay dayac tiraan si dadkaasi loogu gurmado”ayuu yidhi Saylici oo ka hadlayey gurmadka biyo yaraanta gobolada bariga haysata.

Goboladda bariga ayaa laga soo sheegaya biyo yaraan culus, kuwaas oo halis ugu jira inay naftooddu halis u gasho biyo la’aan darteed.

Barkhad-ladiif M. Cumar, Hiiraan Online

[email protected]

Hargeysa, Somaliland.

 

 










Click here
3/31/2019 3:13 PM EST
Axad, Maarso, 31, 2019 (HOL)- Isbitaalka Banaadir ee magaalada Muqdisho ayaa la dhigay ku dhawaad 35 ruux oo sida la sheegay ku sumoobay boorash ay ka cabeen goob lagu quudiyo dadka da’yarta ah.

3/31/2019 12:57 PM EST
Axad, Maarso, 31, 2019 (HOL)– Madaxweynaha Dowladda Puntland Siciid Cabdullaahi Deni ayaa maanta magaalada Boosaaso kulan kula qaatay safiirka Maraykanka u fadhiya Soomaaliya Ambassador Donald Yamamoto iyo wafti balaadhan oo uu hogaaminayo.

3/31/2019 11:56 AM EST
Axad, Maarso, 31, 2019 (HOL)–If-qoraxeedka wadooyinka ayaa wejigiisii labaad laga bilaabay magaalada Laascaanood xarunta gobolka Sool taas oo wasaarada Tamarta ay wadey.

3/31/2019 7:27 AM EST
Axad, Maarso, 31, 2019 (HOL)– Dowladda Soomaaliya ayaa shaqadii Agaasimaha xafiiska Wasiirka Arrimaha dibada ka eriday Cabdulaahi Axmed Dool oo sheegay in ay muhiim tahay in dowladda Soomaaliya xiriir la yeelato Israa’iil.

3/31/2019 6:15 AM EST
Axad, Maarso, 31, 2019 (HOL)– Madaxweynaha dowladda Soomaaliya Maxamed Cabdullaahi Farmaajo ayaa ka baaqday ka qeybgalka shir madaxeedka Jaamacadda Carabta ee ka soconaya magaalada Tunis ee dalka Tunisia

3/31/2019 5:58 AM EST
Axad, Maarso, 31, 2019 (HOL)–Madaxweynaha Dowlad Goboleedka Galmudug Axmed Ducaale Geelle Xaaf ayaa ka hadlay dabkii khasaaraha hantiyeed geystay ee ka kacay goobo ganacsi oo ku yaalla degmada Guri-ceel ee Gobolka Galgaduud.

3/31/2019 5:51 AM EST
Axad, Maarso, 31, 2019 (HOL)–Wararka ka imanaya deegaanka Kamsuuma ee gobolka Jubbadda hoose ayaa sheegaya in Al-shabaab meel fagaaro ah ku toogteen Afar dhalinyaro ah oo ay ku eedeeyeen in ay basaas u ahaayeen hay’addo caalami ah iyo dowladda Soomaaliya.

3/31/2019 1:28 AM EST
Axad, Maarso, 31, 2019 (HOL)–Kaddib kulan gaar ah oo magaalada Muqdisho ay ku yeesheen Golaha Wasiirradda Soomaaliya ayaa si gaar ah looga dooday Amniga magaalada Muqdisho oo maalmihii ugu danbeeyay siweyn u sii xumaanayay.

3/31/2019 1:06 AM EST
Axad, Maarso, 31, 2019 (HOL)-Gaadiidka dadweynaha magaalada Muqdisho ayaa saakay caadi u shaqeynayay, kaddib amarkii xalay ka soo baxay duqa Muqdisho Cabdiraxmaan Cumar Cismaan Yariisoow oo ku dhawaaqay in xaalad deg deg ah lagu soo rogay magaalada.

3/31/2019 12:49 AM EST
Axad, Maarso, 31, 2019 (HOL) –Wararka naga soo gaaraya degmada Guri-ceel gobolka Galguduud ayaa sheegaya in dab xoogan uu saakay ka kacay kaalin Shidaalka lagu iibiyo oo ku taala degmada.

3/31/2019 12:36 AM EST
Axad, Maarso, 31, 2019 (HOL)–Zuzana Cputova oo u ololeysa ka hortagga musuqmasuqa ayaa ku guuleystay doorashada madaxweynanimada, iyada oo noqotay haweeneydii ugu horreysay oo dalkaasi madaxweyne ka noqota.

3/31/2019 12:28 AM EST
Axad, Maarso, 31, 2019 (HOL)–Wararka ka imanaya gobolka Shabellalaha Hoose gaar ahaan degmada Qoryeelay ayaa sheegaya ayaa sheegaya xalay dagaal culus uu duleedka degmadaasi ku dhexmaray ciidamo ka tirsan kuwa dowladda Soomaaliya iyo Ururka Al-Shabaab.