Dagaal culus oo ciidamada dowladda iyo Al-shabaab ku dhaxmaray gobolka Shabeellaha Hoose
Axad, Maarso, 31, 2019 (HOL) – Wararka ka imanaya
gobolka Shabellalaha Hoose gaar ahaan degmada Qoryeelay ayaa sheegaya ayaa
sheegaya xalay dagaal culus uu duleedka degmadaasi ku dhexmaray ciidamo ka
tirsan kuwa dowladda Soomaaliya iyo Ururka Al-Shabaab.
Goobjoogayaal ayaa sheegay in xoogagga ka tirsan
Al-shabaab weerar ku qaadeen Xarumo Ciidamo ka tirsan kuwa dowladda ku
leeyihiin duleedka degmada Qoryooley ee gobolka Shabeellaha Hoose.
Saraakiil ka tirsan ciidamada xoogga dalka ayaa warbaahinta
u sheegay in ay iska difaaceen weerarka kaga yimid dhinaca Al-Shabaab, islamarkaana khasaaro ay ku garsiiyeen wallow weli aan la helin dad madax banaan oo
xaqiijinaya.
Wararka ugu danbeeyay ee degmada ka imanaya ayaa
sheegaya in ciidamada iyo kuwa AMISOM ay wadaan dhaq dhaqaaqyo ciidan iyo
howlgallo amniga lagu sugayo.
Gobolka Shabellaha hoose ayaa waxaa inta badan ku
dagaalama ciidamada dowladda iyo kuwa Ururka Al-Shabaab, kadib markii Al-Shabaab
ay weerar ku qaadaan Saldhigyada Ciidamada dowladda iyo kuwa AMISOM leeyihiin.
C/raxmaan Diini,
Hiiraan Online
[email protected]
