Minnesota 19 Arday oo ka Qalinjabiyey 4 qaybood oo Qira'aadka Qur'aanka ah. Sawiro & Video
Arbaco, Maarso, 27, 2019 (HOL)-Waxaa Magaaladda Minneapolis ee Gobolka Minnesota lagu
qabtay xafladd aad u balaaran oo lagu qabtay hotel DoubleTree
Hilton taas oo loo qabtay 19 Arday oo ku
dhalatay kuna barbaartay gobolkaan oo dhameeyey barashada afar qiraa’ad ka
quraanka laga aqriyo ka mida.
Xafladdaan oo ay ka soo qaybgaleen culumo diin waawayn oo ka
kala yimi gobolada dalkaan ,waalidiin arday & qaar ka mida dadwaynaha
Soomaaliyeed ee Minnesota dagan , iyagoo aad ugu riyaaqay waxyaabahii ay
ardaydu ku soo bandhigeen xafladooda, culumaddii ka soo qaybgashay waxaa ka mid
ah Sh Cabdiraxmaan Sh Cumar, Sh C/risaaq Xaashi, Sh Waleed Al Maneeze, Qaari
Max’ed Cabaas, Sh. Xasan Saalax, iyo Sh Mowliid Ali.
Macallin Cabdinasir Faarax oo ahaa macalinka Dhalinyaradaan
qalanjabisay oo HOL la hadlay ayaa sheegay in aad ugu faraxsan yahay dadaalka
ay waxbarashadda galiyeen dhalintaan, waxuuna u mahadceliyey macalinku maamulka
& Waalidiinta dugsiga Abuubakar iyo masaajidka oo ah kan ugu way nee
Minnesota ku yaal kana soo baxaan boqolaal arday ah oo sanad walba dhameeyey
barashada quraanka, Macalin C/nasir waxuu sheegay in ardydaan ku qaadatay 2
sano barashada qiraa’aadkaan.
Ardayda qalanjabisay waxaa ka mid ahaa ardayga Axmed Burhaan
oo sanadkii hore ku soo guulaystay tartankii Quraanka ee Dubia,waxuuna hada
isku diyaarinayaa Tartan ka dhacaya dalka Qadar.
Qaar ka mida waalidiinta ardayda ayaa macalinka gudoonsiiyey
bilad sharaf ay ugu mahadceliyeen dadaalka uu soo galiyey ardaydaan.
Sh C/maan Sh Cumar oo ah aabaha dacwadda Minnesota ayaa ka soo
sheekeyey dadaladii la soo maray , guul wayna ku tilmaamay in ilmahii
maraykanka ku dhashay ay mustaqabalka dhow noqon doonaan kuwii hogaamin lahaa
Muslimiinta Maraykanka, waxuuna sh Cabdiraxmaan ku celceliyey in guul ay u
tahay Soomaalida Minnesota iyo Masjidka Abuubakar Arintaan.
Siyad Said Salah
[email protected]
Hiiraan Online
Minneapolis,Minnesota
