Ismaaciil Cumar Geelle ; Waxa leydiin doortay waa in aad ka shaqeysaan danta umadda
Axad, Maarso, 17, 2019 (HOL)- Madaxweynaha dalka
Jabuuti oo maalintii labaad ku sugan magaalada Muqdisho ayaa khudbad u jeediyay
xildhibaannada Labada Aqal ee Soomaaliya kaddib kulan ka dhacay xarunta Dugsiga
Tababarka Jen Kaahiye.
Madaxweyne Gaalle ayaa sheegay in uu aad ugu
faraxsan yahay markii ugu horeysay in uu hadal u jeediyo baarlamaanka
Soomaaliya oo wada jira isaga oo kula dardaarmay mar walba in ay ka shaqeeyaan
danta guud ee umadda oo ah ayuu yiri sababta leydiin soo doortay.
‘’Sababta leyd doorto ma’aha in aad qurux badan
tihiin, ma’aha in aad dadka ka aqoon badan tihiin, ma’aha in aan lacag bixiseen,
laakiin waa aad ka shaeysaan danta dadkii idin soo wakiishay ee idinku
aamininay in aad Qaranka u matashaan’’ ayuu yiri Ismaaciil Cumar Geelle.
Waxa uu sheegay in dhulka Soomaaliyeed uu eebe ku
maneystay Kheyraad balse dadka Soomaaliyeed aysan ogeyn taas oo keentay in
mudada dheer lagu soo jiro jahwareer colaadeed.
‘’Waa in aad ka fikirtaan nolasha dadka
barakacayaasha ah, waa in aad ka fikirtaan sidii hantida dowladda dib loogu soo
celin lahaa, waa in aad ka fikirtaan sidii Qarankani u hormari lahaa’’ ayuu
khudbadiisa sheegay madaxweynaha Jabuuti.
Guddoonka Labada Aqal ayuu uga mahad celiyay in
ka aqbaleen dalabkiisii ahaa in uu la kulmo xildhibaannada labada gole oo wada
jir.
C/raxmaan Diini,
Hiiraan Online
[email protected]
