Sabti, Maarso, 16,
2019 (HOL) - Madaxa xukuumadda Galmudug
Sheekh Maxamed Shaakir Cali Xassan ayaa maanta warbaahinta u sheegay sanadkan
doorasho ka dhici doonin Galmudug, hasse ahaatee doorashada la qaban doono sida
uu hadalka u dhigay saddex sano kaddib.
Sheekh Maxamed
Shaakir oo la hadlay warbaahinta kaddib shir ay ku yeesheen golaha Wasiirradda
Galmudug Dhuusa-mareeb ayaa sheegay in heshiiskii Maamulka Galmudug
iyo Ahlu Sunna uu yahay bilowga maamul goboleedka Galmudug.
Madaxweynaha
Galmudug Axmed Ducaale Geelle Xaaf oo ka qeybgalay shirka ayaa dhinac fadhiyay
markii uu Madaxa Maamulka Galmudug ahna Madaxa Kooxda Ahlu Sunna uu ku
dhowaaqay warkan.
“ Waqtiga maamulka Galmudug wuxuu ka bilaabanayaan wixii ka danbeeyay
heshiiskii dhaxmaray Galmudug iyo Ahlusunna.”ayuu yiri Sheekh Axmed Shaakir.
Inkastoo toddobaadyadii ugu danbeeyay siweyn loo hadal hayay in la qabanayo doorashada Galmudug afar bilood kadib, ayaa waxaa muuqata in
hoggaanka sare ee Galmudug u sameystay mudo kordhin.
C/raxmaan
Diini, Hiiraan Online
[email protected]
