Khamiis, Maarso, 14,
2019 (HOL)- Qof hubaysan ayaa goor dhaw weerar ku qaaday Masjid ku yaala magaalada Christchurch ee dalka New Zealand.
Goobjoogayal ayaa warbaahinta u sheegay in ay dad
dhinteen. Booliiska ayaa dadka uga digay aagaas, waxaana la isku gadaamay oo
ilaalo la geeyay iskuullada iyo isbitaallada.
Muuqaal aan la xaqiijinin saxnimadiisa ayaa soo
baxay, muuqaalkaasina wuxuu tilmaamaya ninka weerarka gaystay oo isduubaya
isaga oo rasaas furaya.
Mohan Ibrahim oo ku sugnaa dhulka masjidka ayaa
warbaahinta Herald ee dalka New Zealand u sheegay "in markii hore ay u
qaateen in shanqartu ay koronto tahay, balse dadkii ayaa billaabay in ay kala
yaacaan.
"Saaxiibbaday ayaan wacayay balse waxaa jira
kuwo aanaan wali is maqlin. Nolosha saaxiibbaday ayaan u baqayaa."
Herald ayaa ku warramaya in qofka weerarka
gaystay loo malaynayo in uu Australia u dhashay, kaas oo qoray ujeedadiisa.
Wuxuu sheegay in uu taageerayo afkaarta midigta
fog iyo in uu ka soo horjeedo soo galootiga.
Dhacdadan ayaa la sheegay in ay ka dhacday
masaajidka Al Nuur oo ku yaalla bartamaha magaalada Christchurch.
Booliisku wali kuma aysan guuleysan in ay qabtaan shaqsigan la sheegay in uu weerarka ka geystay Masjidka
Wixii warar ah ee ka soo kordha waan idin soo
gudbin doonnaa…
