Khamiis, Maarso, 14, 2019 (HOL)- Munaasibadan oo lagu qabtay hotel
Casuura ayaa waxaa ka soo qayb galay dhamaan bahda aqoonyahanka, maamulka
degmada, bahda aftahanka iyo qaybaha dadweynaha gobolka Sool.
60 arday oo dhamaystay waxbarashada
heerka koowaad oo ah difcadii labaad ayaa xafladan loogu talagalay sida uu
sheegay Gudoomiye ku xigeenka Jaamacada Illays Axmed Cali Xusseen oo intaas ku
daray in jaamacada hadafkeedu yahay sidii loo soo saari lahaa dad dhisan oo
isbedel keena.
"Jaamacada waa ta keliya ee
inta aan ogahay lagu dhigo dhaqanka iyo luqadda Soomaaliga, waana Jaamacad laga
aaqoonsan yahay America, bariga Afrika qaybo Yurub ah iyo guud ahaan degaanada
Soomaalida" sidaana waxaa yidhi Cismaan Cabdinuur Xaashi Gudoomiyaha
Golaha Hagidda Jaamacada Umadda Illays.
Gudoomiyaha degmada Laascaanood
Cabdicasiis Xusseen Xassan oo halkaasi ka hadlay ayaa waxa uu sheegay in
jaamacada wixii taagero ah ee ay awoodaan in ay isla garab taagayaan, waxaana
uu u hanbalyeeyey ardayda dhamaysatay waxbarashada oo ka codsaday in ay sii
wataan ee aanay halkaa ku deyn.
Ardayda Jaamacada dhamaystay waxaa
goobta lagu xusay xoghayaha dawlada hoose ee degmada Laascaanood oo si aad ah
ugu muuqdey xaflada.
Dalada waxbarashada Illays ayaa
maamusha goobo waxbarasho oo tobaneeyo gaadhaya, waxaanay u qaybaha kala duwan
ee waxbarashada hoose illaa ta sare.
Seynab Cabdi Warsame
[email protected]
Laascaanood G. Sool
