9/16/2019
Today from Hiiraan Online:  _
Wararka Maanta- Talaado, Mar 12, 2019
Barnaamij ay ku baxeeyso 83 Million oo Euro oo laga daahfuray Kismaayo



Talaado, Maarso, 12, 2019 (HOL) -Madaxweynaha Jubbaland Axmed Max’ed Islaam ayaa magaalada Kismaayo ka daahfuray mashruuc lagu horumarinayo dhaqaalaha gudaha oo ay iska kaashan doonaan Midowga Yurub iyo Dowladda federaalka Soomaaliya kaa oo laga hirgelin doono guud ahaan dalka

Shirkan oo ay goobjoog ka ahaayeen wasiirka wasaaradda qorsheynta dowladda Soomaaliya, madaxda wasaaradaha qorsheynta dowlad goboleedyada iyo xubno ka socday deeq bixiyeyaasha caalamka  ayaa intii uu socday looga doodayay sida looga faa’iideysan karo barnaamijkan lagu horumarin doono dhaqaalaha.

Madaxweynaha Jubbaland oo furitaankii shirka hadal ka jeediyay ayaa sheegay in barnaamijkan uu yahay mid ahmiyad gaar ah u leh Soomaaliya, islamarkaana uu qeyb weyn ka qaadan doono sare u qaadidda dhaqaalaha dalka.

Waxa uu intaa ku daray in barnaamijkan looga faa’iideyn karo dhalinyarada si ay uga helaan shaqo abuur, islamarkaana uga baaqsadaan in ay ku biiraan kooxaha kasoo horjeeda dowladda.
Shirka oo intii uu socday ay saxaafaddu dibad-joog ka ahayd ayaa gabagabadii waxaa soo xiray oo khudabad ka jeediyay raysul wasaaraha dalka Mudane Xasan Cali Khayre, isagoo uga mahadceliyay beesha caalamka taageerada ay la garab taaganyihiin bulshada Soomaaliyeed, waxa uu dhinaca kale sheegay in dowladda Soomaaliya uu muhiimad gaar ah u leeyahay barnamijkan lagu horumarinayo dhaqaalaha dalka.

Barnaamijkan heerka qaran ee maanta la daahfuray ayaa ah mid ay ka faa’iideysan doonaan bulshada ku dhaqan dowlad goboleedyada dalka.

Dhinaca kale, Raysul wasaare Xasan Cali Khayre iyo Madaxweynaha Jubbaland ayaa kormeeray qaar kamid ah xarumaha wasaaradaha Jubbaland, ayagoo warbixinno ka dhageystay madaxda xafiisyadii ay booqdeen.

Xasan Nuur, Hiiraan Online
[email protected]
Kismaayo-Soomaaliya.










Click here
3/12/2019 2:58 PM EST
Talaado, Maarso, 12, 2019 (HOL)-War Qoraal ah oo ka soo baxay guddoomiyaha maxkamada Racfaanka gobolka Banaadir ayaa maxkamada looga yeeray guddoomiyaha degmada Hodan.

3/12/2019 11:02 AM EST
Talaado, Maarso, 12, 2019 (HOL)- Xoghayaha guud ee xisbiga WADANI Khadar Xuseen Cabdi ayaa sharci daro iyo mid cadaalada ka fog ku tilmaamay xukunkii lagu riday laba muwaadin oo loo haystay inay jareen xadhiga Internetka ah ee shirkadda SOMCABLE ee dhulka hoostiisa mara.

3/12/2019 10:36 AM EST
Talaado, Maarso, 12, 2019 (HOL) - Wararka ka imaanaya magaalada Diridhabe ayaa sheegaya in maanta uu xilkii iska casilay Duqii maamulka magaalada Diridhabe Ibraahim Cismaan.

3/12/2019 8:33 AM EST
Talaado, Maarso, 12, 2019 (HOL)- Madaxweynaha Puntland, Siciid Cabdullaahi Deni ayaa ka hadlay dhaq dhaqaaqyada cusub ee ciidanka Soomaaliland ay ku soo gaareen deegaanno ka tirsan gobolka Sanaag.

3/12/2019 8:21 AM EST
Talaado, Maarso, 12, 2019 (HOL)- Taliyaha ciidanka Daraawiishta Puntland,S/Guuto Cabdishukri Cabdullaahi Xuseen ayaa xilka iska casilay ,sida laga soo xigtay ilo ku dhow taliyaha oo sheegay inuu is casilaadiisa u gudbiyay madaxweynaha Puntland.

3/12/2019 7:55 AM EST
Talaado, Maarso, 12, 2019 (HOL)- Madaxweynaha Puntland, Siciid Cabdullaahi Deni ayaa maanta si rasmiya u furay shirka Jihaynta Siyaasadda Xukuumadda Puntland, kaas oo looga golleeyahay hay'addo tayaysan iyo adeegyo joogta ah oo shacabka Puntland ay helaan.

3/12/2019 5:29 AM EST
Talaado, Maarso, 12, 2019 (HOL)-Nin Gariiga u dhashay ayaa noqday qofkii ugu nasiibka badnaa ee ka badbaaday diyaaradii burburtay ee Ethiopian Airlines kaddib markii uu ka soo dib dhacay 2 daqiiqo oo kaliya

3/12/2019 5:11 AM EST
Talaado, Maarso, 12, 2019 (HOL)-Ururka Al-Shabaab ayaa Wiil iyo Aabbahii ka Af-duubtay degaanka Gal-Qoryaale oo hoos taga Degmada Guri-ceel ee Gobolka Gal-gaduud.

3/12/2019 2:39 AM EST
Talaado, Maarso, 12, 2019 (HOL)- Magaalada Kismaayo ee xarunta KMG u ah maamulka Jubbaland oo uu ka dhacay shirkii ugu danbeeyay ee madaxda dowlad gobolleedyada uga dhawaaqeen sanadkii hore in ay xiriirka u jareen dowladda dhexe, waxaa hadda ku sugan wafdi uu horkacayo ra’iisal wasaare Xassan Cali Kheyre.

3/12/2019 2:05 AM EST
Talaado, Maarso, 12, 2019 (HOL)- Maamulka Duulimaadyada Dawladda ee Maraykanka ayaa u sheegay shirkadaha diyaaradaha in ay rumeysan yihiin in diyaaradda nooca Boeing 737 Max 8 ay tahay diyaarad la isku haleyn karo kaddib markii laba diyaaradood oo noocaasi ah ay burbureen muddo lix bilood gudahood ah.

3/12/2019 1:56 AM EST
Talaado, Maarso, 12, 2019 (HOL)- Wararka ka imanaya gobolka Shabeellaha hoose ayaa sheegaya in xalay ciidamo ka tirsna kuwa dowladda Soomaaliya oo garabsanaya ciidamo Mareykan ah weerar ku qaadeen deegaanka Daaru-Salaam oo hoostaga degmada Awdheegle ee gobolka Shabeellaha Hoose.

3/12/2019 1:36 AM EST
Talaado, Maarso, 12, 2019 (HOL)- Magaalada Kampala ee dalka Uganda ayaa lagu wadaa in uu shir uga furmo madaxda qaarrada Africa kaa oo looga wada hadlayo sidii loo heli lahaa Afrika nabdoon, isdhexgalkeedu sarreeyo, isla markaana dhaqaaleheedu kobcayo,