11/14/2019
Today from Hiiraan Online:  _
Wararka Maanta- Isniin, Mar 11, 2019
Raysul wasaare Khayre oo si ka badalan safarkiisii hore loogu soo dhaweeyay Kismaayo




Isniin, Maarso, 11, 2019 (HOL)– Dad aad utiro badan ayaa maanta isugu tagay garoonka diyaaradaha magaalada Kismaayo, kuwaa oo isugu jiray masuuliyiinta dowlad goboleedka Jubbaland, ururrada bulshada rayidka ah iyo ardeyda wax ka barata Iskuulaadka magaalada, ayadoo dadkan ay u tageen halkaasi si ay usoo dhaweeyaan wafdi uu horkacayo raysul wasaaraha Soomaaliya Mudane Xasan Clai Khayre.

Dadka isugu tagay garoonka ayaa sitay calanka Jamhuuriyadda federaalka ah ee Soomaaliya iyo sawirrada Raysul wasaaraha, waxaana ay ku dhawaaqayeen hal-ku-dhegyo ay kusoo dhaweeynayeen wafdiga.

Raysul wasaare Khayre ayaa imaatinkiisa kadib salaam la dhex qaaday madaxdii iyo shacabkii isugu yimid garoonka, waxaana intaa kadib ay madaxdu warbaahinta kula hadleen qeybta nasashada ee Garoonka.

Ugu horeyn Madaxweynaha Jubbaland Mudane Axmed Max’ed Islaam ayaa wafdiga kusoo dhaweeyay Kismaayo, isagoo sheegay in madaxda iyo shacabka reer Jubbaland ay ku faraxsanyihiin imaatinka wafdiga.

Raysul wasaare Khayre ayaa u mahadceliyay Madaxweynaha Jubbaland, kuxigeenndiisa iyo shacabka Reer Jubbaland ee soo dhaweeyay.

Waxa uu sheegay in mudada uu joogo Kismaayo uu madaxda Jubbaland la qaadan doono kulamo looga arinsanayo sidii loo dardargelin lahaa wada shaqeyna dowladda dhexe iyo dowlad goboleedyada.

Waxa uu xusay in safarkiisa ay ku wehliyaan wasiiirro iyo saraakiil ciidan oo ka tirsan dowladda, isagoo xusay in wasiirada heer federaal iyo kuwa Jubbaland ay yeelan doonaan kulamo ay uga arrinsan doonaan wadashaqeyntooda, sidoo kale ay taliyeyaashu la kulmi doonaan taliyeyaasha ciidamada Jubbaland islamarkaana ay halkan ka qaban doonaan shaqooyin qaran.

Intaa kadib Wafdiga Raysul wasaaraha ayaa loo gelbiyay magaalada, waxaana uu dad aad u tiro badan kula hadlay isgoyska Aargada ee magaalada Kismaayo.

Safarkan ayaa dhanka soo dhaweynta aad uga badalnaa kii bartamaha sanaddii 2017 uu raysul wasaaraha ku yimid Kismaayo, waxaama la arkayay bulshada reer Kismaayo oo buuxdhaafiyay hareeraha wadooyinka iyo isgoyska weyn ee Aargada, halkaa oo uu Raysul wasaaruhu kula hadlay shacabka.

Ammaanka magaalada ayaa la adkeeyay, waxaana ciidamadu ay xireen wadada laamiga ah ee isku xirtay garoonka iyo magaalada.

Ma cadda sababta rasmiga ah ee imaatinka wafdiga, haseyeeshee bilooyinkii u danbeeyay waxaa jiray khilaaf xooggan oo u dhexeeyay dowladda dhexe iyo Qaar kamid ah dowlad goboleedka oo ay kamid tahay Jubbaland, kaa oo gaaray heer ay istaagto wadashaqeyntii u dhexeeysay wasaaraha dowladda dhexe iyo dowlad goboleedka Jubbaland.

Xasan Nuur, Hiiraan Online
[email protected]
Kismaayo-Soomaaliya.











Click here
3/11/2019 4:52 PM EST
Isniin, Maarso, 11, 2019 (HOL)- Madaxweynaha dowladda federaalka ah ee Soomaaliya, Maxamed Cabdullaahi Farmaajo iyo wafdi uu hoggaaminayo ayaa caawa gaaray magaalada Kampala,kaddib casuumad uu ka helay madaxweynaha dalka Uganda.

3/11/2019 12:29 PM EST
Isniin, Maarso, 11, 2019 (HOL)- Madaxweynaha dowladda Soomaaliya Maxamed Cabdullaahi Farmaajo ayaa galinkii danbe ee maanta u dhoofay magaalada Kampala ee dalka Uganda.

3/11/2019 9:49 AM EST
Isniin, Maarso, 11, 2019 (HOL)- Waxaa magaalada Godey ee Degaanka Soomaalida saaka ka furmay shirwayne ay yeelanayaan odayaal dhaqameedka degaanka iyo xukuumadda Dawladda Degaanka Soomaalida.

3/11/2019 9:43 AM EST
Isniin, Maarso 11, 2019 (HOL)- Xukuumaddda iyo xisbiyadda mucaaradka ah ayaa si gooni gooni uga tacsiyadeeyey Itoobiya dadkii ku geeriyooday iyo diyaaradoodii ku burburtay, waxaanay maanta soo saxeen buugii tacsiyadda ee la dhigay xafiiska itoobiya ku leedahay Hargeysa.

3/11/2019 9:16 AM EST
Isniin, Maarso, 11, 2019 (HOL) - Ku-xigeenka ergayga gaarka ee Midowga Africa ee hawlgalka AMISOM, Simom Mulongo ayaa xaqiijiyey in ay ku-simihii taliyaha Police-ka ee AMISOM Kiristiine Alalo ay ku geeriyootay duulimaadkii B737 ee Ethiopian Airlines ee shalay bur-burtay.

3/11/2019 5:50 AM EST
Isniin, Maarso, 11, 2019 (HOL) – Doodan oo ay qayb ka ahaayeen Xildhibaan Fowzia Yusuf Xaaji Adan cilmi wasiirkii hore wasaaradda Arimaha dibadda, Dr. Abdirahman M. Abdullahi (Baadiyow)- aqooyahan, qoraa, Robert Kluijver Macalin ka tirsan Paris Institute of Political Studies: Sciences Pro, Jaamacadda SIU-na cashiro ka bixiya.

3/11/2019 5:02 AM EST
Isniin, Maarso, 11, 2019 (HOL) – Guddoomiyaha Gobolka Banaadir ahna duqa Muqdisho Eng, C/raxmaan Cumar Cismaan Yariisow ayaa shir jaraa’id uu ku qabtay magaalada Muqdisho waxa uu amray in laga guuro Xaruntii Ciidamada Badda Ex Mariino & Gurigii Taliyaha Ciidamada Badda oo ku yaalla degmada Cabdul Casiis ee Gobolka Banaadir.

3/11/2019 2:51 AM EST
Isniin, Maarso, 11, 2019 (HOL)–Ciidamada dowladda Soomaaliya ayaa habeennimadii xalay ku qabtay magaalada Muqdisho Nin xirnaa dharka Dumarka, waxaana gaar ahaan Ninkan laga soo qabtay degmada Kaaraan.

3/11/2019 1:49 AM EST
Isniin, Maarso, 11, 2019 (HOL)– War ka soo baxay Qaramada Midoobey ayaa lagu sheegay in 19 ka mid ah shaqaalaheeda ay ku dhinteen burburka diyaaradii Ethiopian Airlines ee bur burtay maalintii shalay.

3/11/2019 12:49 AM EST
Isniin, Maarso, 11, 2019 (HOL)-Mudane Xasan Cali Khayre, Raysul wasaaraha dalka ayaa la filayaa in uu maanta soo gaaro magaalada Kismaayo, kadib mudo dheer oo laga sugayay in uu yimaado Kismaayo.