11/21/2019
Today from Hiiraan Online:  _
Wararka Maanta- Arbaco, Mar 10, 2019
Wasiir Aamina Xaaji: Dadaalkeenna wuxuu noqon doonaa sidii ay Haweenka cadaalad u heli lahaayeen



Axad, Maarso, 10, 2019 (HOL)- Wasiirka Horumarinta Haweenka iyo Arrimaha Qoyska Puntland, Marwo Aamina Cismaan Xaaji ayaa sheegtay inay ka shaqeyn doonto sidii haweenka ay u heli lahaayeen cadaalad, si loo gaaro dumarka inuu sameeyo horumar dhinac walba leh.

Wasiir Aamina Xaaji, oo hadalkan ka sheegtay xuska maalinta caalamiga ah ee haweenka caalamka oo munaasabad ay soo qaban qaabisay wasaaradda lagu qabtay Sabtidii shalay magaalada Garoowe ayaa inta ku dartay in haweenka ay u baahanyihiin koboc dhaqaale, koboc siyaasadeed iyo  koboc bulsho.

"Waxaan ka tacsiyeeynaynaa gabdhaheenna aan ku waynay tacaddiyada ka dhanka ah ee nalagula kacay, runtii xannuun ayay nagu haysaa arrintaasi". iyadoo inta ku dartay " Sannadkan sannadkiisa haddii uu illahay nabad nagu gaarsiiyo inan gaarno inan  ka warrami karno, horumar la taaban karo oo haweenka Puntland ay ku talaabsadeen" .

Marwo Aamina , waxaa kalo ay munaasabadda ka sheegtay in xukuumadda madaxweyne Deni ay diyaarinayso istaraatiijiyadda 5-ta sanno ee ay ka mid yihiin wax u qabashada haweenka, balse waxaa ay xaqiijisay horumarrada haweenka ay wasaaradda dooneyso in lagu gaari karo isku duubni ,iyadoo dhanka kale xaqiijisay inaysan aqbali doonin qaybo haween ah oo iska soo horjeedda.

"Doorka haweenka mid siyaasadeed, amni, dhaqaale, arrimo bulsho kulliba waa kuwo cad oo aan ka daahnayn ruux damiir leh mudanna in la xuso. Waan idinla qabnaa dareenka xanuunka leh ee kasoo noqday falalka arxan darro ee loo gaysto haweenka ay ugu dambaysay kiiskii Caaisha, runtii aad ayaan uga xunnahay, waxaan rajayn in caddaalad heli doonto". ayuu yiri wasiirka arrimaha gudaha ,federaalka iyo dimuqraadiyeenta Puntland, Maxamed Cabdiraxmaan Dhabancad.

Munaasabadda oo ay ka qaybgaleen wakiilo ka socday hay'addo caalami ah, haween ka kala yimid gobollada iyo qaybaha bulshada ayaa dadkii hadallada ka jeediyay waxaa ka mid ahaa Maryam Qasim  oo ah madaxa xafiiska hay'adda UNFPA ee Puntland,waxaa ay sheegtay inay si dhow ula shaqeyn doonan wasaaradda haweenka Puntland.

Gabagabadii, Madaxweynaha Puntland , Saciid Cabdullaahi Deni oo ka qaybgalay xuska maalinta caalamiga ee haweenka oo ay soo qaban qaabisay wasaaradda haweenka Puntland ayaa sheegay haweenka inay laf-dhabar u yihiin bulshada, waxaa kalo uu sheegay in la xoojin doono ka qaybgalka haweenka ee siyaasadda.

" Gabdhuhu waa in ay ciidanka kusoo biiraan, booliska iyo qaybaha kala duwan ee ciidanka, keliya habluhu yaysan eegin xilalka iyo jagooyinka sare ee ay kasoo muuqdaan dhammaan shaqooyinka dowladda". ayuu yiri madaxweyne Deni.


Iman Mohamed Jama, Hiiraan Online
[email protected]








Click here
3/10/2019 1:44 PM EST
Axad, Maarso, 10, 2019 (HOL) – Dowladda Soomaaliya ayaa Shacabka iyo Dowladda Federaalka Itoobiya uga tacsiyadeysay shilkii diyaaradeed ee ka dhacay dalkaasi Itoobiya,kaasi oo saameyn ku yeeshay dad rakaab ah oo ka soo kala jeeda dalal kala duwan oo uu ku jiro muwaadin Soomaaliyeed.

3/10/2019 10:15 AM EST
Axad, Maarso, 10, 2019 (HOL)- Madaxweyne ku-xigeenka Puntland, ahana Guddoomiyaha Guddiga Abaaraha, Axmed Cilmi Cismaan Karaash ayaa maanta daahfuray shir looga hadlay abaaraha ka jira Puntland, kuwaas oo saamayn ku yeeshay duunyadda iyo nolosha dadka ku dhaqan deegaannada Puntland.

3/10/2019 10:02 AM EST
Axad, Maarso, 10, 2019 (HOL)- Dhismaha waddada laamiga ah ee bartamaha magaalada Burtinle ee gobolka Nugaal ayaa maanta billowday,kaddib muddo dheer oo aysan wax tayactir ah helin waddadaa oo burbur xooggan uu soo gaaray.

3/10/2019 10:01 AM EST
Axad, Maarso, 10, 2019 (HOL) – Badhasaabka gobolka Gabiley iyo taliyaha qaybta booliska ee Gabiley ayaa ka hadlay dhacdo shalay ka dhacday Gabiley oo gacan hadal ku dhexmaray askari iyo wariye, taas oo askariga xabad dhulka ugu dhuftay.

3/10/2019 9:11 AM EST
Axad, Maarso, 10, 2019 (HOL)- Madaxda shirkadda diyaaradaha Ethiopian Airlines ayaa goor dhaw ku dhawaaqay dalalka ay ka soo jeedaan dadkii la socday diyaaradii burburtay oo la sheegay in gabi ahaanba ay dhinteen

3/10/2019 8:59 AM EST
Axad, Maarso, 10, 2019 (HOL) – Ra’iisal Wasaaraha xukuumadda federaalka Soomaaliya (XFS) Xasan Cali Khayre, ayaa maanta ka qayb galay Janaasada iyo aaska Qaran ee Muqdisho loogu sameeyay Allaha u naxariistii wasiirkii arrimaha dastuurka, Cabdiraxmaan Xoosh Jibriil, jimcihii geeriyooday.

3/10/2019 8:34 AM EST
Axad, Maarso, 10, 2019 (HOL) – Wali waxaa isa soo taraya wararka ku saabsan burburka diyaaradaha Ethiopian Airlines oo ku burburtay magaalo lagu magacaabo Bishoftu oo Koonfur Bari ka xigta magaalada Addis Ababa ee dalka Itoobiya.

3/10/2019 6:28 AM EST
Axad, Maarso, 10, 2019 (HOL)-Warar dheeraad ah ayaa ka soo baxaya bur burka diyaarada Ethiopian Airlins oo nooceedu ahaa Boeing 737 oo ka duushay garoonka diyaaradaha magaalada Addis Ababa kuna sii jeeday magaalada Nairobi ee dalka Kenya.

3/10/2019 5:41 AM EST
Axad, Maarso, 10, 2019 (HOL) Dhawaan waxaa tagay magaalada Kismaayo ee xarunta KMG u ah maamul gobolleedka Jubbaland wafdi ka socday xafiiska ra'iisal wasaaraha xukuumadda Soomaaliya Xassan Cali Kheyre

3/10/2019 4:58 AM EST
Axad, Maarso, 10, 2019 (HOL)- Warar daqiiqado ka hor soo baxay ayaa sheegaya ay bur burtay diyaarad diyaarada Ethiopian Airlines oo ka duushay magaalada Addis Ababa kuna sii jeeday magaalada Nairobi ee dalka Kenya.

3/10/2019 4:45 AM EST
Axad, Maarso, 10, 2019 (HOL)- Mid ka mid ah ardeyda wax ka barata dugsiga Mujamac ayaa ku dhax dilay ardey kale gudaha fasalkii ay wax ka wada dhiganayeen.

3/10/2019 1:13 AM EST
Axad, Maarso, 10, 2019 (HOL)- Wasiirka caafimaadka Tunisia, Cabdirauf Sharif ayaa iscasilay ka dib markii 11 ilma markaa uun dhashay ah ay ku dhinteen cisbital ku yaal caasimadda Tunis.

3/10/2019 12:47 AM EST
Axad, Maarso, 10, 2019 (HOL)-Maamulka gobolka Shabeellaha Hoose ayaa faah faahin ka bixiyay howlgallada ciidamada Kumaandoosta Soomaaliya iyo kuwa Mareykanka ka fuliyaan deegaanada Al-Shabab ay kaga sugan yihiin gobolkaas.

3/10/2019 12:29 AM EST
Axad, Maarso, 10, 2019 (HOL) - Ciidamada dowladda Soomaaliya ayaa gabi ahaanba maanta xiray inta badan jidadka muhiimka u ah isku socodka dadweynaha ee magaalada Muqdisho, iyadoo maanta la filayo in dalka la keeno meydka Wasiirkii Dastuurka dowladda Soomaaliya Cabdiraxmaan Xoosh Jabriil.