9/18/2019
Today from Hiiraan Online:  _
Wararka Maanta- Arbaco, Jun 12, 2019
Madaxweyne Waare oo soo gaaray magaalada Beledweyne


 

Arbaco, June, 12, 2019 (HOL)-Madaxweynaha dowlad gobolleedka Hirshabeelle Maxamed Cabdi Waare ayaa galabnimadii maanta ka degay magaalada Beledweyne ee xarunta gobolka Hiiraan.

Madaxweynaha waxaa garoonka diyaaradaha ku soo dhaweeyay guddoomiyaha cusub ee maamulka gobolka Hiiraan Cali Maxamed Caraale iyo saraakiil kale oo ka tirsan maamulka gobolka. 

Ka hor inta uusan madaxweynaha soo degin waxaa qeybo ka mid ah magaalada ka dhacay dibad-baxyo looga soo horjeedo booqashada uu ku imanayo magaalada, waxaana la arkayay dadka oo gubaya taayaro meelaha qaarna jidadka ku gooyay dhag-xaan.

Hasse ahaateen madaxweynaha ayaa waxaa ka soo galbiyay garoonka diyaaradaha Ugaas Khaliif ciidamo ka tirsan kuwa howlgalka midowga Africa AMISOM iyo militariga Soomaaliya, oo ay is hortaag ku sameeyeen dibadbaxayaal careysan oo ku sugnaa xaafadda Xaawo Taako, hasse ahaatee madaxweynaha iyo wafdigiisa ayaa markii danbe gudaha u galay magaalada.

Lama oga socdaalka madaxweynaha waxa ay ka badali doonto xasarada siyaasadeed ee ka dhalatay xil ka qaadistii lagu sameeyay guddoomiyihii hore ee maamulka gobolka Yuusuf Axmed Hagar –Daba-Geed oo diiday in uu xilka wareejiyo.

Wixii warar ah ee hadba ka soo kordha wararka magaalada Beledweyne waan idin soo gudbin doonnaa..

C/raxmaan Diini, Hiiraan Online
[email protected]










Click here
6/12/2019 4:51 PM EST
Arbaco, June, 12, 2019 (HOL) – Madaxweynaha dowlad gobolleedka Hirshabeelle Maxamed Cabdi Waare oo galabnimadii maanta gaaray magaalada Beledweyne iyo guddoomiyaha cusub ee maamulka gobolka Hiiraan Cali Maxamed Caraale ayaa goor dhaw [Caawa] si wada jir ah warbaahinta ula hadlay iyaga oo ku sugan xarunta maamulka gobolka Hiiraan.

6/12/2019 3:57 PM EST
Arbaco, June, 12, 2019 (HOL)- Ra’iisul Wasaaraha xukuumadda federaalka ee Soomaaliya, Xasan Cali Khayre ayaa Xerada Tababarka Jen. Gordan Ku booqday ciidamo ka tirsan Xoogga dalka oo loo diyaarinayo howl-gallo ay argagaxisada uga xoraynayaan deegaannada ay uga dhuumaalaysanayaan dalka.

6/12/2019 12:50 PM EST
Arbaco, June, 12, 2019 (HOL) - Khilaaf ayaa ka taagan sida loo buuxinayo booskii uu ka geeriyooday Xildhibaan Cali Aaareeyo oo ka tirsana golaha Wakiiladda Somaliland.

6/12/2019 12:24 PM EST
Arbaco, June, 12, 2019 (HOL) Madaxweynaha Soomaaliya Maxamed Cabdullaahi Farmaajo ayaa Madaxtooyada Qaranka munaasabad dhiirrigelin iyo maamuus ah ugu sameeyey Orodyahanno Soomaaliyeed oo billado ka soo hooyay tartanno heer Gobol iyo heer Caalami ah oo la qabtay bilowga sanadkan.

6/12/2019 6:00 AM EST
Arbaco, June, 12, 2019 (HOL) – Taliyaha Ciidammada Asluubta Soomaaliyeed, Bashiir Maxamed Jaamac Goobe ayaa sheegay in maxkamadda ciidammada qalabka sida lagu wareejiyay baaritaan uu guddi uu magacaabay madaxweyne Farmaajo ay ka sameeyeen iska hor imaad billowgii bishan ka dhacay degmada Xamar weyne ee gobolka Banaadir.

6/12/2019 3:41 AM EST
Arbaco, June, 12, 2019 (HOL) – Maraykanka ayaa Talaadadii sheegay in ay sii wadi doonaan howlgallada amniga ee lagu taageerayo xasillinta Soomaaliya iyo dagaalka al-Shabaab.

6/12/2019 3:16 AM EST
Arbaco, June, 12, 2019 (HOL) – Ilmo shan jir ah oo qaba cudurka Ebola ayaa laga helay gudaha dalka Uganda, sida ay xaqiijisay hay'adda caafimaadka adduunka ee WHO.

6/12/2019 2:59 AM EST
Arbaco, June, 12, 2019 (HOL) – Madaxweyne ku-xigeenka Puntland,Axmed Cilmi Cismaan Karaash ayaa booqashadii u horreysay ku tagay deegaanka Af Urur ee gobolka Bari, halkaa oo labadii toddobaad ee u dambeysay ay maamullayeen ururka al-Shabaab.

6/12/2019 2:05 AM EST
Arbaco, June, 12, 2019 (HOL) –Wasaaradda Amniga Xukuumadda Soomaaliya ayaa War ka soo saartay iska horimaad shalay ka dhacay deegaanka Kalabeyr ee Gobolka Hiiraan,kaas oo uu ku geeriyooday Taliyihii qeybta Booliska Gobolka Hiiraan Gaashaanle Dhexe Maxamed Macow Xalane.

6/12/2019 1:44 AM EST
Arbaco, June, 12, 2019 (HOL)–Waxaa soconaya baaritaan la xiriira habka uu u dhacay dilka taliyihii Booliiska gobolka Hiiraan Maxamed Macow Xalane oo ku dhintay iska horimaad ka dhacay deegaanka Kala-Beyr ee gobolka Hiiraan.

6/12/2019 1:30 AM EST
Arbaco, June, 12, 2019 (HOL) – Waxaa isa soo taranaya baaqyo kala duwan oo loo jeedinayo dhinacyada isku haya siyaasadda gobolka Hiiraan, gaar ahaan guddoomiyihii hore ee gobolka Yuusuf Axmed Hagar Daba-geed oo wali ku adkeysanaya in uu yahay gudoomiyaha gobolka kaddib markii wareegto ka soo baxday madaxweynaha Hirshabeelle xilkii looga qaaday.