3/28/2024
Today from Hiiraan Online:  _
Wararka Maanta- Sabti, Jun 12, 2019
Maxkamadda ciidammada qalabka sida oo lagu wareejiyay natiijada baaritaan iska hor imaad khasaaro geystay oo ka dhacay degmada Xamar weyne



Arbaco, June, 12, 2019 (HOL) – Taliyaha Ciidammada Asluubta Soomaaliyeed, Bashiir Maxamed Jaamac Goobe ayaa sheegay in maxkamadda ciidammada qalabka sida lagu wareejiyay baaritaan uu guddi uu magacaabay madaxweyne Farmaajo ay ka sameeyeen iska hor imaad billowgii bishan ka dhacay degmada Xamar weyne ee gobolka Banaadir.

Iska horimaadka oo dhacay labadii bishan June ayaa waxaa ku dhintay qof shacab ah iyo askari ka tirsan ciidammada xoogga Soomaaliya , iyadoo oo uu ku dhaawacmay sarkaal kale iyo qof shacab ah.
Kiiskaasi ayaa Madaxweyne Farmaajo , wuxuu u xilsaaray Guddi Baaris ah oo Guddoomiye looga dhigay Taliyaha Ciidanka Asluubta , Bashiir Goobe maxkamadda Ciidamada qalabka sida ku wareejiyay baaritaanka kiiskaasi laga sameeyay.

"Labadii bishan Xamar weyne waxaa ka dhacay israsaaseyn qof shacab ah ku dhintay iyo  askari ka tirsan ciidammada Xoogga, waxaa kale oo ku dhaawacmay askar ka tirsan ciidammada xoogga, Ciidanka Booliska iyo Shacab, Madaxweynaha wuxuu wareegto ka soo saaray Guddi arrintaas baara oo xaqiiqadeeda ogaada, Guddigaasi oo aan aniga Guddoomiye u ahay, Muddo dheer aan baaris sameynay kaddib aakhirkii waxaan soo gaarnay gun gaarkii, wax Alle wixii ka soo baxay waxaan ku wareejinaynaa maxkamadda Ciidamada Qalabka." ayuu yiri Bashiir Goobe.

Iska horimaadkii ka dhacay degmada Xamar weyne oo ku beegnayd dabaqayaadii bishii Ramadaan, ayaa saraakiisha Booliska waxa ay ku sheegeen in lagu dilay rag burcad ahaa oo Ciidanka ka tirsanaa, kuwaasi oo dhac gaysanaayay.

Iman Mohamed Jama, Hiiraan Online
[email protected]











Click here
6/12/2019 4:51 PM EST
Arbaco, June, 12, 2019 (HOL) – Madaxweynaha dowlad gobolleedka Hirshabeelle Maxamed Cabdi Waare oo galabnimadii maanta gaaray magaalada Beledweyne iyo guddoomiyaha cusub ee maamulka gobolka Hiiraan Cali Maxamed Caraale ayaa goor dhaw [Caawa] si wada jir ah warbaahinta ula hadlay iyaga oo ku sugan xarunta maamulka gobolka Hiiraan.

6/12/2019 3:57 PM EST
Arbaco, June, 12, 2019 (HOL)- Ra’iisul Wasaaraha xukuumadda federaalka ee Soomaaliya, Xasan Cali Khayre ayaa Xerada Tababarka Jen. Gordan Ku booqday ciidamo ka tirsan Xoogga dalka oo loo diyaarinayo howl-gallo ay argagaxisada uga xoraynayaan deegaannada ay uga dhuumaalaysanayaan dalka.

6/12/2019 12:50 PM EST
Arbaco, June, 12, 2019 (HOL) - Khilaaf ayaa ka taagan sida loo buuxinayo booskii uu ka geeriyooday Xildhibaan Cali Aaareeyo oo ka tirsana golaha Wakiiladda Somaliland.

6/12/2019 12:24 PM EST
Arbaco, June, 12, 2019 (HOL) Madaxweynaha Soomaaliya Maxamed Cabdullaahi Farmaajo ayaa Madaxtooyada Qaranka munaasabad dhiirrigelin iyo maamuus ah ugu sameeyey Orodyahanno Soomaaliyeed oo billado ka soo hooyay tartanno heer Gobol iyo heer Caalami ah oo la qabtay bilowga sanadkan.

6/12/2019 12:21 PM EST
Arbaco, June, 12, 2019 (HOL)-Madaxweynaha dowlad gobolleedka Hirshabeelle Maxamed Cabdi Waare ayaa galabnimadii maanta ka degay magaalada Beledweyne ee xarunta gobolka Hiiraan.

6/12/2019 3:41 AM EST
Arbaco, June, 12, 2019 (HOL) – Maraykanka ayaa Talaadadii sheegay in ay sii wadi doonaan howlgallada amniga ee lagu taageerayo xasillinta Soomaaliya iyo dagaalka al-Shabaab.

6/12/2019 3:16 AM EST
Arbaco, June, 12, 2019 (HOL) – Ilmo shan jir ah oo qaba cudurka Ebola ayaa laga helay gudaha dalka Uganda, sida ay xaqiijisay hay'adda caafimaadka adduunka ee WHO.

6/12/2019 2:59 AM EST
Arbaco, June, 12, 2019 (HOL) – Madaxweyne ku-xigeenka Puntland,Axmed Cilmi Cismaan Karaash ayaa booqashadii u horreysay ku tagay deegaanka Af Urur ee gobolka Bari, halkaa oo labadii toddobaad ee u dambeysay ay maamullayeen ururka al-Shabaab.

6/12/2019 2:05 AM EST
Arbaco, June, 12, 2019 (HOL) –Wasaaradda Amniga Xukuumadda Soomaaliya ayaa War ka soo saartay iska horimaad shalay ka dhacay deegaanka Kalabeyr ee Gobolka Hiiraan,kaas oo uu ku geeriyooday Taliyihii qeybta Booliska Gobolka Hiiraan Gaashaanle Dhexe Maxamed Macow Xalane.

6/12/2019 1:44 AM EST
Arbaco, June, 12, 2019 (HOL)–Waxaa soconaya baaritaan la xiriira habka uu u dhacay dilka taliyihii Booliiska gobolka Hiiraan Maxamed Macow Xalane oo ku dhintay iska horimaad ka dhacay deegaanka Kala-Beyr ee gobolka Hiiraan.

6/12/2019 1:30 AM EST
Arbaco, June, 12, 2019 (HOL) – Waxaa isa soo taranaya baaqyo kala duwan oo loo jeedinayo dhinacyada isku haya siyaasadda gobolka Hiiraan, gaar ahaan guddoomiyihii hore ee gobolka Yuusuf Axmed Hagar Daba-geed oo wali ku adkeysanaya in uu yahay gudoomiyaha gobolka kaddib markii wareegto ka soo baxday madaxweynaha Hirshabeelle xilkii looga qaaday.