8/23/2019
Today from Hiiraan Online:  _
Wararka Maanta- Talaado, Jun 11, 2019
Taliyaha ciidanka xoogga Soomaaliya oo sheegay inuu socdo qorshe sannadkan Al-Shabaab looga saarayo dalka



Talaado, June , 11, 2019 (HOL)-  Taliyaha ciidanka xoogga dalka S/gaas Daahir Aadan Cilmi (Indhaqarshe), ayaa sheegay ciidammada xoogga Soomaaliya inay wadaan dedaallo lagu doonayo sidii al-Shabaab looga saari lahaa dalka.

Wuxuu soo bandhigay rajo ay ciidammo dowladda ku gaari karaan dhammaan deegaannada al-Shabaab ee ku suganyihiin, isagoo marka sheegay dabayaaqada sannadkan in lagu gaari doono deegaannada.

"Ciidammada xoogga awood badan ayay leeyihiin, waxaana dooneynaa al-Shabaab inta sannadkan ah in dalka looga saaro." ayuu yiri S/gaas Daahir Aadan Indhaqarshe.

Waxaa kalo uu sheegay dowladda inay kaga guuleysatay al-Shabaab dagaalka ay kula jirto, isagoo marka tusaalo usoo qaatay in dagaalyahanno iyo saraakiil tiradii ugu badneyd ah ay si joogta ah isugu soo dhiibayaan dowladda.

Waxa uu sheegay illaa 30 xubnood oo al-Shabaab ka tirsan in ciidammada dowladda ay gacanta ku hayaan, kuwaasi oo wali aanan loo gudbin hey’addaha baarista ee dowladda.

Dhinaca kale, wuxuu uga digay warbaahinta wararka ay faafinayaan, isagoo marka tilmaamay in sharciga lala tiigsan doono ciddii warar been ah ka baahisa hay'adaha amniga.

Hadalka uu warbaahinta siiyay taliyaha ciidanka xoogga dalka ayaa ku soo aaddaya xilli dowladda lagu dhaliilayo inay ka gaabisay dagaalka al-Shabaab , balse taliska ciidanka xoogga wuxuu muujiyay inay wadaan dedaal lagu xoreynayo dalka, sida uu taliyaha ciidanka xoogga sheegay.

Iman Mohamed Jama, Hiiraan Online
[email protected]








Click here
6/11/2019 2:27 PM EST
Talaado, June, 11, 2019 (HOL) –Guddoomiyaha cusub ee maamulka gobolka Hiiraan Cali Maxamed Caraale oo la hadlay Laanta Afka Soomaaliga ee BBCda ayaa si kooban uga hadlay waxa uu kala socdo iska horimaad uu ku dhintay taliyihii Booliiska gobolka Hiiraan Maxamed Macoow oo maanta ka dhacay deegaanka Kala –Beyr ee gobolka Hiiraan.

6/11/2019 12:53 PM EST
Talaado, June, 11, 2019 (HOL)-Degaanka Harar oo ka mid ah Degaanada dalka Itoobiya ayaa laga xusaa maanta oo kale Xuska Ciidda Shawaal oo ay dadka Heraridu xusaan kaddib markay soo soomanaayeen 6dii maalmood ee Shawaal.

6/11/2019 12:44 PM EST
Talaado, June, 11, 2019 (HOL)-Ra’iisul Wasaare Xasan Cali Khayre, ayaa maanta magaalada Muqdisho ka dhagax dhigay dhismaha xarunta warshad soo saareysa dharka ciidamada qalabka sida ee Soomaaliyeed.

6/11/2019 11:56 AM EST
Talaado, June, 11, 2019 (HOL)-Madaxweynaha Soomaaliya Maxamed Cabdullaahi Farmaajo ayaa Madaxtooyada ku qaabilay Ergayga Gaarka ah ee Midowga Yurub u qaabilsan dalalka Geeska Afrika Mudane Alexander George Rondos oo uu weheliyo Danjiraha Midowga Yurub ee Soomaaliya Mudane Nicolás Berlanga Martinez

6/11/2019 9:02 AM EST
Talaado, June, 11, 2019 (HOL)-Taliyihii qeybta Booliiska gobolka Hiiraan ayaa ku geeriyooday iska horimaaad goor dhaw oo maanta ah ka dhacay dulleedka magaalada Beledweyne gaar ahaan deegaanka Kala-Beyr.

6/11/2019 5:27 AM EST
Talaado, June , 11, 2019 (HOL)- Ciidammada Puntland oo dabayaaqadii bishii hore isaga baxay deegaanka Af Urur ee gobolka Bari ayaa dib halkaa ugu laabtay.

6/11/2019 5:17 AM EST
Talaado, June , 11, 2019 (HOL)- Guddoomiye ku-xigeenka koowaad ee Baarlamaanka federaalka ee Soomaaliya ,Cabdiweli Sheekh Ibraahim Muudey ayaa maanta dib ugu soo laabtay caasimadda Muqdisho, iyadoo garoonka diyaaradaha ee Aadan Cadde lagu soo dhaweeyay.

6/11/2019 5:07 AM EST
Talaado, June , 11, 2019 (HOL)- Guddoomiyaha maxkamadda sare ee Soomaaliya,Garyaqaan Baashe Yuusuf Axmed ayaa sheegay dowladda Soomaaliya inay xubin buuxda ka noqotay Golaha Sare ee Garsoorka Afrika.

6/11/2019 4:51 AM EST
Talaado, June , 11, 2019 (HOL)- Waddamada geeska Afrika ayaa shir uga soo gabagaboobay magaalada Addis Ababa ee xarunta dalka Itoobiya, iyadoo shirka looga hadlay ganacsiga, is-dhexgalka iyo dib u dhiska waddooyinka.

6/11/2019 4:31 AM EST
Talaado, June , 11, 2019 (HOL)- Ciidanka milatariga Soomaaliya ee ku sugan gobolka Gedo ayaa ku soo bandhigay degmada Baardheere labo sarkaal oo horay uga tirsanaa ururka al-Shabaab oo dhowaan isku soo dhiibay ciidammada dowladda.

6/11/2019 4:24 AM EST
Talaado, June , 11, 2019 (HOL)- Heesaga caanka ah ee Nimcaan Cabdiraxmaan Xasan (Nimcaan Hillaac) oo ka mid ah fannaaniinta da'yarta ah ee Soomaaliya ayaa loo oggaaladay inuu ka mid noqdo hoballada Waaberi.

6/11/2019 4:11 AM EST
Talaado, June , 11, 2019 (HOL)- Wasiirka arrimaha dibadda dalka Norway, Ine Marie Eriksen Søreide ayaa socdaal aan horey loo sii sheegin shalay ku timid caasimadda Muqdisho, halkaa oo ay kullamo kula qaadatay madax sare oo dowladda federaalka ka tirsan.

6/11/2019 3:36 AM EST
Talaado, June , 11, 2019 (HOL)- Shirka amniga caasimadda Muqdisho oo uu xalay guddoomiyay , Cabdiraxmaan Cumar Cismaan (Yariisow) guddoomiyaha gobolka Banaadir ahna duqa magaalada Muqdisho ayaa lagu qiimeeyay xaalada guud ee caasimadda.

6/11/2019 3:26 AM EST
Talaado, June , 11, 2019 (HOL)- Hal qof ayaa ku geeriyooday diyaarad nooca qumaatiga u kaca ah oo ku dhacday dhisme dabaq ah oo ku yaal bartamaha magaalada New York ee dalka Maraykanka.

6/11/2019 12:39 AM EST
Talaado, June , 11, 2019 (HOL)-Ku dhawaad boqol qof ayaa lagu dilay weerar ka dhacay tuulo ku taalla bartamaha dalka Mali Isniintii, sida ay sheegeen mas’uuliyiin.