9/20/2019
Today from Hiiraan Online:  _
Wararka Maanta- Sabti, Jun 11, 2019
Qorshaha amniga caasimadda Muqdisho oo dib u eegis lagu sameynayo



Talaado, June , 11, 2019 (HOL)- Shirka amniga caasimadda Muqdisho oo uu xalay guddoomiyay , Cabdiraxmaan Cumar Cismaan (Yariisow) guddoomiyaha gobolka Banaadir ahna duqa magaalada Muqdisho ayaa lagu qiimeeyay xaalada guud ee caasimadda.

Waxaa shirka ka qeybgalay mas’uuliyiinta dhinaca amniga iyo saraakiisha ciidammada, iyadoo lagu fallan-qeeyay arrimaha ammaanka iyo tallaabooyinkii la qaaday.

Guddoomiyaha Gobolka Banaadir , Cabdiraxmaan Yariisow ayaa sheegay inay go’aamiyeen in dib u eegis lagu sameeyo qorshaha sugida amniga Caasimadda, isagoo inta ku daray n kormeer iyo dabal joogta ah oo muddo socday ay ku qiimeeyeen xaaladda amniga Muqdisho.

Shirka amniga ayaa ku soo aadday xilli ciidammada booliska ee gobolka ay kordhiyeen howlgalada lagu sugayo amniga, waxaana la xiray qaar ka mid ah waddooyinka muhiimka ah ee caasimadda taa oo dhalisay in cabasho laga muujiyo.

Iman Mohamed Jama, Hiiraan Online
[email protected]








Click here
6/11/2019 2:27 PM EST
Talaado, June, 11, 2019 (HOL) –Guddoomiyaha cusub ee maamulka gobolka Hiiraan Cali Maxamed Caraale oo la hadlay Laanta Afka Soomaaliga ee BBCda ayaa si kooban uga hadlay waxa uu kala socdo iska horimaad uu ku dhintay taliyihii Booliiska gobolka Hiiraan Maxamed Macoow oo maanta ka dhacay deegaanka Kala –Beyr ee gobolka Hiiraan.

6/11/2019 12:53 PM EST
Talaado, June, 11, 2019 (HOL)-Degaanka Harar oo ka mid ah Degaanada dalka Itoobiya ayaa laga xusaa maanta oo kale Xuska Ciidda Shawaal oo ay dadka Heraridu xusaan kaddib markay soo soomanaayeen 6dii maalmood ee Shawaal.

6/11/2019 12:44 PM EST
Talaado, June, 11, 2019 (HOL)-Ra’iisul Wasaare Xasan Cali Khayre, ayaa maanta magaalada Muqdisho ka dhagax dhigay dhismaha xarunta warshad soo saareysa dharka ciidamada qalabka sida ee Soomaaliyeed.

6/11/2019 11:56 AM EST
Talaado, June, 11, 2019 (HOL)-Madaxweynaha Soomaaliya Maxamed Cabdullaahi Farmaajo ayaa Madaxtooyada ku qaabilay Ergayga Gaarka ah ee Midowga Yurub u qaabilsan dalalka Geeska Afrika Mudane Alexander George Rondos oo uu weheliyo Danjiraha Midowga Yurub ee Soomaaliya Mudane Nicolás Berlanga Martinez

6/11/2019 9:02 AM EST
Talaado, June, 11, 2019 (HOL)-Taliyihii qeybta Booliiska gobolka Hiiraan ayaa ku geeriyooday iska horimaaad goor dhaw oo maanta ah ka dhacay dulleedka magaalada Beledweyne gaar ahaan deegaanka Kala-Beyr.

6/11/2019 7:06 AM EST
Talaado, June , 11, 2019 (HOL)- Taliyaha ciidanka xoogga dalka S/gaas Daahir Aadan Cilmi (Indhaqarshe), ayaa sheegay ciidammada xoogga Soomaaliya inay wadaan dedaallo lagu doonayo sidii al-Shabaab looga saari lahaa dalka.

6/11/2019 5:27 AM EST
Talaado, June , 11, 2019 (HOL)- Ciidammada Puntland oo dabayaaqadii bishii hore isaga baxay deegaanka Af Urur ee gobolka Bari ayaa dib halkaa ugu laabtay.

6/11/2019 5:17 AM EST
Talaado, June , 11, 2019 (HOL)- Guddoomiye ku-xigeenka koowaad ee Baarlamaanka federaalka ee Soomaaliya ,Cabdiweli Sheekh Ibraahim Muudey ayaa maanta dib ugu soo laabtay caasimadda Muqdisho, iyadoo garoonka diyaaradaha ee Aadan Cadde lagu soo dhaweeyay.

6/11/2019 5:07 AM EST
Talaado, June , 11, 2019 (HOL)- Guddoomiyaha maxkamadda sare ee Soomaaliya,Garyaqaan Baashe Yuusuf Axmed ayaa sheegay dowladda Soomaaliya inay xubin buuxda ka noqotay Golaha Sare ee Garsoorka Afrika.

6/11/2019 4:51 AM EST
Talaado, June , 11, 2019 (HOL)- Waddamada geeska Afrika ayaa shir uga soo gabagaboobay magaalada Addis Ababa ee xarunta dalka Itoobiya, iyadoo shirka looga hadlay ganacsiga, is-dhexgalka iyo dib u dhiska waddooyinka.

6/11/2019 4:31 AM EST
Talaado, June , 11, 2019 (HOL)- Ciidanka milatariga Soomaaliya ee ku sugan gobolka Gedo ayaa ku soo bandhigay degmada Baardheere labo sarkaal oo horay uga tirsanaa ururka al-Shabaab oo dhowaan isku soo dhiibay ciidammada dowladda.

6/11/2019 4:24 AM EST
Talaado, June , 11, 2019 (HOL)- Heesaga caanka ah ee Nimcaan Cabdiraxmaan Xasan (Nimcaan Hillaac) oo ka mid ah fannaaniinta da'yarta ah ee Soomaaliya ayaa loo oggaaladay inuu ka mid noqdo hoballada Waaberi.

6/11/2019 4:11 AM EST
Talaado, June , 11, 2019 (HOL)- Wasiirka arrimaha dibadda dalka Norway, Ine Marie Eriksen Søreide ayaa socdaal aan horey loo sii sheegin shalay ku timid caasimadda Muqdisho, halkaa oo ay kullamo kula qaadatay madax sare oo dowladda federaalka ka tirsan.

6/11/2019 3:26 AM EST
Talaado, June , 11, 2019 (HOL)- Hal qof ayaa ku geeriyooday diyaarad nooca qumaatiga u kaca ah oo ku dhacday dhisme dabaq ah oo ku yaal bartamaha magaalada New York ee dalka Maraykanka.

6/11/2019 12:39 AM EST
Talaado, June , 11, 2019 (HOL)-Ku dhawaad boqol qof ayaa lagu dilay weerar ka dhacay tuulo ku taalla bartamaha dalka Mali Isniintii, sida ay sheegeen mas’uuliyiin.