Hiiraan Online

Axad, July, 07, (HOL)– Gabar da'yar ah ayaa lagu dilay deegaanka Godinlane oo ka tirsan gobolka Galgaduud , sida ay ku warrantay warbaahinta gudaha.

Qoyska gabadha meydkeeda laga helay deegaanka oo lagu magacaabi jiray Sagal Garaad Axmed , ayaa sheegay inaysan garaneyn cidda dishay, iyadoo meydka gabadha uu ka muuqday jir dil.

Baaritaanno dilkan la xiriira ayaa la sheegay inay deegaanka ka socdaan, wallow aan cidna wali loo soo qaban dilka ka dhacay deegaanka Godinlabe oo qiyaastii 30 km dhanka koonfureed ka xiga magaalada Cadaado ee gobolka Galgaduud.

Dadka deegaanka ayaa ka argagaxay dhacdadaan oo ku cusub deegaannada.