Madaxweyne Muuse BIixi iyo weftigiisii oo xallay lagu soo dhoweeyey caasimadda Conakry ee wadanka Giinni
Arbaco, July, 03, 2019 (HOL)– Madaxweynaha
Somaliland Muuse Biixi ayaa xalay gaadhay caasimadda dalka Jamhuuriyadda Gini
(Guinea) ee galbeedka qaaradda Afrika oo ay marti-qaad rasmi ah ka heleen.
Madaxweynaha iyo weftiga uu hogaaminayo waxa
gegida caalamiga ah ee Conakry ama Gbessia International Airport ee caasimadda
Jamhuuriyadda Gini (Guinea) ku qaabilay wasiirka arrimaha dibadda dalka Gini,
Mudane Mamadi Toure.
Intaa kaddib, madaxweyne Biixi iyo weftiga uu
hoggaaminayey, waxa madaarka Conakry International Airport lagaga qaaday
diyaarad khaas ah oo nooca qummaatiga u kaca ah ee (helicopter)-ta loo
yaqaanno, taas oo si toos ah madaxweynaha iyo xubnaha weftiga ah u geysay
qasriga madaxtooyada waddanka Jamhuuriyadda Gini sida uu ku soo waramayo
afhayeenka madaxweynaha Maxamuud Warsame..
Shaqada madaxweynaha ayaa la filaya in ay
maanta guddo galaan, waxaanu la kulmi doona madaxweynaha dalkaasi oo isagu
casuumadda u fidiyey, Waa markii ugu horeysay ee madaxweyne Somaliland
ahi uu dalkan safar shaqo ku yimaadda.
Barkhad-ladiif
M. Cumar, Hiiraan Online
[email protected]
Hargeysa,
Somaliland.
