3/28/2024
Today from Hiiraan Online:  _
Wararka Maanta- Axad, July 28, 2019
Madaxweyne Biixi oo kulan gaar ah la yeeshay ergayga Qaramada Midoobay u qaabilsan Soomaaliya

 

Axad, July 28,  2019  (HOL – Madaxweyne Muuse Biixi ayaa maanta kulan gaar ah la yeeshay wefti ballaadhan oo ka socda jimciyadda quruumaha ka dhaxaysa oo uu hoggaaminayo wakiilka gaar ah ee xog-hayaha guud ee qaramada midoobay u qaabilsan Soomaaliya, Ambassador James Swan.

Kulankan uu madaxweynuhu la qaatay weftiga uu hoggaaminayo wakiilka gaarka ah ee xoghayaha guud ee qaramada midoobay u qaabilsan Soomaaliya, ayaa lagaga wada-hadlay arrimo door ah oo ay kamid yihiin hirgelinta mashaariicda kala duwan ee hay’adaha qaramada midoobay ka wadaan Somaliland, sidii ay qaramada midoobay iyo Somaliland iskaga kaashan lahaayeen ka midho dhalinta hawlaha bani’aadamnimo ee dalka ka socda iyo arrimaha doorashooyinka Somaliland oo uu sheegay in loo baahan yahay in doorashada wakhtigeedii la qabto.

Kulanka kaddib, waxa saxaafadda la hadlay wasiirka Maaliyadda Sacad Cali Shire iyo wakiilka gaarka ah ee xoghayaha guud ee qaramada midoobay Amassador James Swan, waxaanay sheegay inay ka wada hadleen arrimaha doorashooyinka, mashaariicda horumarinta qaramada midoobay ku fuliso Somaliland.

Wakiilka gaarka ee xoghayaha guud ee qaramada midoobay u qaabilsan Soomaaliya, Ambassador James Swan, ayaa bogaadiyey horumarka ay Somaliland ka gaadhay dhinacyada, ammaanka iyo dhaqaalaha, waxaanu sheegay in markii ugu horeysay yimid Somaliland sanadkii 1995, laba jeer oo kale uu ku soo noqday Somaliland, taas oo uu xusay inay horumar badan ku talaabsatay.

 

“Waxa aan wada-hadal wanaagsan la qaatay madaxweynaha iyo wasiirradiisa, waxa aannu si gaar ah uga wada hadalnay sidii dhidibbada loogu adkayn lahaa guulaha iyo horumarka ay Somaliland gaadhay, iyada oo si nabadgelyo ah loo xallinayo dhammaanba waxyaabaha lagu kala duwan yahay, lana joogtaynayo hannaan wada-hadalka,” ayuu yidhi James Swan.

Waxa uu sidoo kale guul ku tilmaamay xalka ay madaxda qaranku ka gaadheen caqabadihii ka taagnaa qabsoomidda doorashooyinka goleyaasha deegaanka iyo wakiillada, taas oo uu calaamad u ah horumarka ay Somaliland ku socoto.

Sidoo kale, waxa uu wakiilku hoosta ka xarriiqay inay dedaal badan geliyeen kor u qaadista hawlaha bani’aadamnimo iyo gacan siinta bulshada nugul iyo qaxootiga ay qaramada midoobay caawiso.

Kulankan madaxweynaha iyo wakiilka gaarka ah ee qaramada midoobay wada qaateen waxa ku wehelinayey madaxweyne-ku-xigeenka Somaliland, Mudane Cabdiraxmaan Cabdilaahi Ismaaciil (Saylici) iyo wasiirrada wasaaradaha horumarinta maaliyadda, Dr. Sacad Cali Shire, arrimaha gudaha, Mudane Maxamed Kaahin Axmed, xannaanadda Xoolaha iyo horumarinta Kalluumaysiga, Mudane Xasan Maxamed Cali, wasiir ku xigeenka arrimaha dibeda iyo iskaashiga caalamiga ah, mudane cabdiqaadir Cumar Jaamac, La-taliyaha Madaxweynaha ee arrimaha dhaqaalaha Dr. Cismaan Sheekh Axmed iyo Ergeyga gaar ah ee Somaliland u qaabilsan Haaya'dda caalamigaa iyo qarmada midoobey Dr Maxamed Warsame Ducaale.

Barkhad-ladiif M. Cumar, Hiiraan Online

[email protected]

Hargeysa, Somaliland. 













Click here
7/28/2019 3:07 PM EST
Axad, July, 28, 2019 (HOL)- Wasiir ku xigeenka Batroolka iyo Macdanta Soomaaliya Mohamud Abdikadir Hilaal ayaa kulan cashaa xalay la qaatay jaaliyada Soomaaliyeed ee magaalada Columbus Ohio .

7/28/2019 12:49 PM EST
Axad, July, 28, 2019 (HOL)- Guddi uu ra'iisul wasaare ku-xigeenka u magacaabay maareynta qaraxii ka dhacday xarunta gobolka Banaadir iyo sidii gurmad deg-deg ah loogu fidin lahaa dhaawacyada ka dhashay qaraxa, ayaa bulshada Soomaaliyeed la wadaagay warbixin hor-dhac ah oo ku saabsan wax-yaabiihii u qabsoomay labadii maalmood ee la soo dhaafay.

7/28/2019 12:31 PM EST
Axad, July, 28, 2019 (HOL)-Madaxweynaha Puntland Mudane Siciid Cabdullaahi Deni ayaa shir guddoomiyey shirka amniga Puntland oo ka qabsoomay qasriga madaxtooyada Garoowe waxaa qayb ka ahaa madaxweyne ku-xigeenka Puntland,Axmed Cilmi Cismaan Karaash.

7/28/2019 11:21 AM EST
Axad, July, 28, 2019 (HOL)-Guddiga Arrimaha Dibadda Golaha Shacabka oo kulan la yeeshay maanta Wasiirka Arrimaha Dibadda Xukuumadda Soomaaliya Axmed Ciise Cawad ayaa su'aal ka weydiiyay eedeyntii dhawaan loo jeediyay dowladda Qatar.

7/28/2019 8:16 AM EST
Axad, July, 28, 2019 (HOL)-Wasiirka Arrimaha Dibadda iyo Iskaashiga Caalamiga, Mudane Danjire Axmed Ciise Cawad, ayaa maanta xafiiskiisa Wasaaradda kaga guddoomay warqadaha aqoonsiga Wakiilka cusub ee Barnaamijka Cunnada Adduunka ee Qaramada Midoobey ee marka magaciisa la soo gaabiyo loo yaqaan (WFP) u qaabilsan Soomaaliya, Mudane Cesar Arroyo.

7/28/2019 4:56 AM EST
Axad, July, 28, 2019 (HOL)- Dowladda Masar oo si adag u cambaareysay weerar toddobaadkii hore ka dhacay gudaha dhismaha xarunta gobolka Banaadir ee magaalada Muqdisho, ayaa ballanqaaday inay gacan ka siinayso dowladda sida ay ugu guuleysan lahayd dagaalka ka dhanka ah wax loogu yeeray 'xagjirka'.

7/28/2019 4:48 AM EST
Axad, July, 28, 2019 (HOL)- Waxaa soo baxaya warar sheegaya in madaxda ugu sareysa Ahlu Sunna Waljameeca ka biyo -diidan yihiin qorshe dowladda federaalka Soomaaliya kula wareegeyso Amniga degmada Dhuusa-Mareeb ee xarunta u ah maamulka Galmudug.

7/28/2019 4:22 AM EST
Axad, July, 28, 2019 (HOL)-Sanad kasta maanta oo kale ayaa laga maamuusaa dunida oo idil maalintta khatarta cudurka Cagarshowga oo ka mid ah cudurrad halista ah ee ku dhaca Aadanaha.

7/28/2019 4:14 AM EST
Axad, July, 28, 2019 (HOL)- Guddoomiyaha gobolka Banaadir ahna duqa caasimadda Muqdisho, Cabdiraxmaan Cumar Cismaan Yariisow oo ka mid ahaa dadkii ku dhaawacmay weerar ismiidaamin ah oo xarunta gobolka Banaadir ka dhacay Arbacadii toddobaadkii hore ayaa markii ugu horreysay war laga soo saaray.

7/28/2019 1:54 AM EST
Axad, July, 28, 2019 (HOL)- Wararka ka imanaya gobolka Bari ayaa sheegaya in diyaaradaha Mareykanka duqeyn ku dileen xubno ka tirsan Ururka Al-shabaab ee ka dagaalama ee ka dagaalama qeybo ka mid ah gobolka.

7/28/2019 1:37 AM EST
Axad, July, 28, 2019 (HOL)- Hay,ada UNHCR Xafiiskeeda Dadaab ayaa soo saartay warbixin ay uga hadlayso xaladaha Qaxotiga Dadaab iyo tirada Dadka halkaas ku nool oo hoos u dhacday oo ay gaartay meeshii ugu hooseysay abid.

7/28/2019 1:28 AM EST
Axad, July, 28, 2019 (HOL)- Maamulka Koonfur Galbeed Soomaaliya ayaa soo saaray digniin loo dirayo Ergadii soo dooratay Xildhibaannada golaha Shacabka oo ay dhawaan u yeereen Al-Shabaab.