3/29/2024
Today from Hiiraan Online:  _
Wararka Maanta- Sabti, July 27, 2019
Wasaaradda Haweenka ee Puntland oo degmada Xarfo ee gobolka Mudug ku qabatay kullan la xiriira doorka Haweenka ee ka qaybgalka siyaasadda


Sabti, July, 27, 2019 (HOL)-  Wasaaradda Haweenka iyo Horumarinta Qoyska ee Puntland ayaa degmada Xarfo ee gobolka Mudug kullan uga qabatay haweenka ,iyada oo kaashanaysa hay'adda UNDP ee Qaramada Midoobay.

Tabbabarka ayaa la xiriiray doorka ka qaybgalka siyaasadda ee haweenka, waxaana si gaar ah uga faa'iideysanayay haween dhallinyaro u badan oo olole ugu jira sidii ay uga mid noqon lahaayeen golaha deegaanka ee degmada Xarfo oo dhowaan lagu wado in la soo dhiso.Waxaa kalo kullankan wacyi-galinta ah ka qeybgalay Nabadoonnada deegaanka, waxgarad, haweenka iyo xubno ka socday qaybaha bulshada ee degmada Xarfo.

La-taliyaha Arrimaha Jinsiga ee wasaaradda Haweenka iyo Horumarinya Qoyska, Samsam Siciid ayaa ugu horreyn kullanka ka sheegtay in ujeeddadiisu tahay sidii la isku tusi lahaa Gabadha raadinaya ka mid noqashadda golaha deegaanka degmada Xarfo iyo odayaasha dhaqanka oo ay nabadoonnada ugu horreeyaan ee soo xulaya xubnaha ka mid noqonaya golaha deegaanka, si bay tiri ay gabadhuhu fursad ugu helaan inay odayaasha dhaqanka ka soo horjeediyaan doonistooda xubin-nimada golaha deegaanka.

Guddoomiyaha ururka haweenka degmada Xarfo, Xaawo Ismaaciil ayaa boggaadisay kullanka ay agaasintay wasaaradda ee gabadha doonaya inay ka mid noqdaan golaha deegaanka ay kula hadlayaan odayaasha dhaqanka, waxaana ay marka kula dardaarantay odayaasha inay door muuqda ka siiyaan haweenka golaha deegaanka ee la soo dhisayo.

Gabadhaha iyagu doonaya inay ka mid noqdaan golaha deegaanka, ayaa odayaasha dhaqanka iyo qaybaha bulshada ka dalbaday inay ku taageeraan sidii ay door ugu yeelan lahaayeen haweenka golaha deegaanka.

Qaar ka mid ah Nabadoonnada iyo odayaasha dhaqanka ee kullanka ka qaybgalay ayaa si cad u sheegay inay ka go'antahay sidii ay haweenka door la arki karo ugu yaallan lahaayeen golaha deegaanka.

Gabagabadii, Agaasimaha Xiriirka gobollada ee Wasaaradda Haweenka iyo Horumarinta Qoyska , Ladan Cabdi Faarax ayaa boggaadisay sida odayaasha dhaqanka iyo waxgarada ay u xaqiijiyeen inay ka go'antahay haweenka inay door ku yeeshan golaha deegaanka ee degmada, waxaana ay marka u xaqiijisay gabadhaha raadinaya ka mid noqoshadda golaha inay wasaaradda haweenka garab taagantahay kuna taageeri doonto sidii ay matalaad buuxda ugu yeelan lahaayeen golaha.

Iman Mohamed Jama, Hiiraan Online
[email protected]













Click here
7/27/2019 1:29 PM EST
Sabti, July, 27, 2019 (HOL)-Saddexda xisbi ee Somaliland ayaa maanta ka heshiiyey caqabadihii iyo murankii ka taagnaa qabsoomida doorashooyinka goleayasha wakiilada iyo deegaanka oo muddaba isku mari la’aayeen.

7/27/2019 1:20 PM EST
Sabti, July, 27, 2019 (HOL)-Dagaal aan wali la shaacin khasaarihiisa ayaa saakay ka dhacay gobolka Sanaag, gaar ahaan buurta Tabca, kuwaas oo ku dhexmaray ciidanka Somaliland iyo jabhadda Col:Caare hogaaminayo.

7/27/2019 10:39 AM EST
Sabti, July, 27, 2019 (HOL)- Maamulka gobolka Banaadir ayaa maanta ku dhawaaqay in la fasaxay dhammaan shaqaalaha xarunta gobolka Banaadir,iyada oo muddada fasaxa albaabada loo xiri doono dhammaan xafiisyada xarunta gobolka.

7/27/2019 10:30 AM EST
Sabti, July, 27, 2019 (HOL)- Tababarka ayaa loo furay in kabadan 100 macallin oo loogu talagay in ay sii tababaraan macallimiinta iskuullada gobalka Banaadir .

7/27/2019 10:05 AM EST
Sabti, July, 27, 2019 (HOL)-Madaxweynaha Dowladda Hirshabeelle Dr Maxamed Cabdi Waare ayaa maanta Madaxtooyada Jowhar ku Qaabilay wafdi uu hogaaminayay Safiirka Dowladda Qadar ee Soomaaliya oo maanta gaaray.

7/27/2019 9:46 AM EST
Sabti, July, 27, 2019 (HOL)- Wasiirka Shaqada iyo Arrimaha Bulshada xukuumadda Federaalka ah ee Soomaaliya, Mudane Xildh. Sadiiq Xirsi Warfaa ayaa maanta kormeer ku tagay xarunta guddiga Qaranka ee Shaqaalaha Rayidka Soomaaliya, halkaa oo warbixin uu uga dhageystay guddoomiyaha guddiga iyo mas’uuliyiinta kale.

7/27/2019 9:40 AM EST
Sabti, July, 27, 2019 (HOL)-Wasiirka dhalinyarada iyo Cayaaraha Maamulka Goboleedka Hirshabeelle Cabdiqani Cabdullahi Hilowle Jeenyo ayaa degmada Buulo- burde ka furay tartan Kubadda Cagta ah oo u dhaxeeyo xaafadaha ay ka kooban tahay dagmada

7/27/2019 9:29 AM EST
Sabti, July, 27, 2019 (HOL)- Madaxweynaha Soomaaliya ,Maxamed Cabdullaahi Farmaajo oo dhambaal u diray dowladda iyo shacabka dalka Tuunis ,isagoo uga tacsiyeeyay geerida ku timi madaxweynihii dalkaas, Muxammad Al-Baaji Qaa’id as-Sibsi,sida ay ku warrantay wakaaladda wararka Soomaaliya ee SONNA.

7/27/2019 9:23 AM EST
Sabti, July, 27, 2019 (HOL)- Wasiirka Wasaaradda maaliyadda xukuumadda federaalka Soomaaliya,Cabdiraxmaan Ducaale Beyle oo booqasho howleed ku jooga dalka Maraykanka ayaa qurba-joogta Soomaaliyeed kula kulmay magaalada Washington DC, isagoo faah-faahin ka bixiyay dadaallada dhaqaale ee ay dowladdu gaadhay iyo waxyaabaha la tiigsanayo.

7/27/2019 7:59 AM EST
Sabti, July, 27, 2019 (HOL)- Ciidamada Amniga Somaliland ayaa xabsiga u taxaabay Maxamed Yuusuf Bakayle oo ah suxufi ka hawgalla magaaladda Hargeysa.

7/27/2019 6:44 AM EST
Sabti, July, 27, 2019 (HOL)-Dowladda Sacuudiga ayaa hakisay dadka soo galaya dalkiisa ee safarka ama socdaalka kaga imaanaya dalka Jamhuuriyadda Dimoqraadiga ee Congo.iyagoo ka baqaya in cudurka Ebola uu ku faafo Xujeyda bisha soo socota ka qeybgalaya gudashada xajka.

7/27/2019 6:25 AM EST
Sabti, July, 27, 2019 (HOL)-Wararka naga soo gaaraya gobolka Shabellaha dhexe ayaa sheegaya in xoogag ka tirsan Ururka Al-shabaab weerar culus ku qaadeen ciidamo ka tirsan kuwa howlgalka midowga Africa AMISOM

7/27/2019 1:56 AM EST
Sabti, July, 27, 2019 (HOL)- Waxaa sii xoogeysanaya shakiga laga qabo howsha guddiga u xil saran in ay mamulaan doorashada maamulka Jubbaland oo dhawaan soo saaray Liiska Odayaasha dhaqanka soo xulaya xildhibaannada.

7/27/2019 1:44 AM EST
Sabti, July, 27, 2019 (HOL)- Xildhibaannada Aqalka sare ee Somaaliya oo Sabtida maanta ah yeelanaya kulankoodii caadiga ahaa ayaa lagu wadaa in ay dood ka yeeshaan labo sharci oo muhiim ah.

7/27/2019 1:24 AM EST
Sabti, July, 27, 2019 (HOL)- Gen. Stephen J. Townsend, ayaa lagu wadaa in uu maanta si rasmi ah ula wareego howlgalka ciidamada Mareykanka ee Africom , isaga oo badallaya Jeneral Thomas David Waldhauser oo muddo saddex sano soo hoggaaminayay howlgalka.