Guddoomiyayaal ku dhintay weerarkii Ismiidaaminta ahaa ee ka dhacay xarunta maamulka gobolka Banaadir
Arbaco, July, 24, 2019,
(HOL) -Waxaa isa soo taraya wararka ku
saabsan weerarka Ismiidaamin ah oo ka
dhacay gudaha Aqalka dowladda Hoose ee Xamar gaar ahaan goob uu ka socday shir
looga hadlayay Amniga.
Warar soo baxaya ayaa sheegaya in
Qaraxa ay ku dhinteen qaar ka mid ah guddoomiyayaasha gobolka Banaadir, halka
sidoo kale ay ku dhaawacmeen qaar kale oo badan oo dhamaantood qeyb ka ahaa
kulanka looga hadlayay Amniga oo uu shir guddoominayay Eng Cabdiraxmaan Cumar
Cismaan Yariisoow.
Qaraxan ayaa la xaqiijinayaa in ay ku dhinteen guddoomiyihii degmada Cabdicasiis Sabax Asad iyo guddoomiyihii degmada Waabari Mahad Cilmi
Dadka ku dhaawacmay qaraxan ayaa
intooda badan loo qaaday Isbitaalka Digfeer ee magaalada Muqdisho, waxaana ka
mid ah guddoomiyaha gobolka Banaadir Eng Yariisoow oo dhawac culus uu soo
gaaray.
Hadba wixii ka soo kordha wararka
qaraxan ku saabsan waan idin soo gudbin doonnaa…
C/raxmaan Diini, Hiiraan Online
[email protected]
