3/29/2024
Today from Hiiraan Online:  _
Wararka Maanta- Sabti, July 13, 2019
Rasaas goos goos ah oo wali laga maqlayo Hotel Cas-caseey ee magaalada Kismaayo

 

Sabti, July, 13, 2019 (HOL)-Xaaladda magaalada Kismaayo ayaa wali kacsan kadib markii koox hubeysan oo ka tirsan kooxda Al shabab ay shalay galab ay weerar xooggan ay ku qaadeen Hoteel ku yaala magaalada Kismaayo

Mas'uulyiinta Isbitaalka magaalada Kismaayo ayaa sheegay in ay jiraan maydad gaaraya ilaa 12-ruux oo xalay Isbitaalka  lasoo gaarsiiyay kuwaasoo iyagu ku geeriyooday Qarixii Ismiidaaminta  ahaa ee Hoteelka lagu galay iyo sidoo kale Rasaasta wiiftada ah. Goobta  Hoteelka uu ku yaalo waxaa ku yaalo xaafado ay ku nool yihiin dad rayid  ah waxana laga cabsi qabaa inuu sii kordho khaasaaraha weerarka.

Gudaha magaalada ayaa wali waxaa laga maqlayaa dhawaqa rasaas ay is waydaarsanayaan Maleeshiyaadka ka dhex dagaalamaya gudaha Hoteelka iyo Ciidamada amaanka Jubaland ee Somalia oo isku dayaya inay soo afjaraan weerarka.

Dadka weerarka ku geeriyooday ee la xaqiijiyay waxaa  kamid Hodan Naleeye Axmed oo ahayd gabar Wariye ahayd oo dhowaan dalka  Canada dib uga soo laabatay iyo Syageedii, sidoo kale waxaa ka mid ah  wariye Maxamed Farax Sahal Gacmadheere oo isana kamid ahaa wariyeyaasha  TV-ga SBC.

Madaxweynehaha Dowladda Federaalka ee Somalia ayaa warsaxaafadeed ka soo baxay xafiiskiisa waxaa uu tacsi u diray ehelada dadkii ku geeriyooday weerarka Kismaayo, waxaana u cambaareeyay falkaasi argagaxisada ah

C/raxmaan Diini, Hiiraan Online
[email protected]  

 













Click here
7/13/2019 2:40 PM EST
Sabti, July, 13, 2019 (HOL)-Magaalada Addis Ababa ee xarunta dalka Itoobiya ayaa maanta laga furay Xafiiska Ururka ONLF, Xafladda furitaanka ayaa waxaa kasoo qayb galay Madaxda u saraysa Ururka ONLF oo uu kamid yahay Guddoomiyaha Ururka ONLF Admiral Maxamed Cumar Cismaan. Masuuliyiinta Ururada Mucaaradka ah ee Itoobiya. iyo Odayaal dhaqameedka Soomaaliyeed ee ku dhaqan Addis Abaa.

7/13/2019 1:37 PM EST
Sabti, July, 13,2019 (HOL)- Ra’iisul Wasaaraha Soomaaliya Xasan Cali Khayre, ayaa maanta magaalada Dhuusamareeb ee xarunta Galmudug ku qaabilay wafdi ka socda wasaaradda Gaashaandhigga dalka Qatar.

7/13/2019 11:12 AM EST
Sabti, Luulyo, 13, 2019 (HOL) – Mid ka mid ah labadii beelood ee dirirtu ku dhexmartay deegaanka Ceel afweyn ayaa dawladda ku wareejiyey gaadiidkii iyo hubkii sida sharci darada ah u haysteen.

7/13/2019 11:04 AM EST
Sabti, July, 13,2019 (HOL)- Diyaarad nooca milatariga ayaa magaalada Dhuusamareeb ee xarunta Galmudug ka dajisay wafdi ka socda dowladda Qatar oo isugu jira mas'uuliyiin ka socda wasaaradda gaashandhigga iyo saraakiil ciidan.

7/13/2019 10:52 AM EST
Sabti, July, 13,2019 (HOL)- Xog-hayaha guud ee Qaramada Midoobay, António Guterres ayaa si adag u cambaareeyay weerarkii galinkii dambe ee shalay ka dhacay hotel ku yaalla magaalada Kismaayo.

7/13/2019 8:16 AM EST
Sabti, July, 13,2019 (HOL)- Munaasabadan xil wareejinta ah oo aheyd mid siweyn loo wada sugayay ayaa ugu danbeyntii ka dhacday xarunta maamulka gobolka Hiiraan, iyadoo ay ka qeybgalleen mas'uuliyiin kala duwan oo uu ka mid ahaa madaxweynaha dowlad gobolleedka Hirshabeelle Maxamed Cabdi Waare.

7/13/2019 7:56 AM EST
Sabti, July, 13, 2019 (HOL)-Wasiirka Xanaanada Xoolaha iyo horumarinta Kalluumaysiga Somaliland Xasan Maxamed Gaafaadhi ayaa sheegay in markab xoolo siday oo Berbera ka baxay ku xaniban yahay dekada Jidda ee Sucuudiga Carabiyo ka dib markii xukuumada Soomaaliya cadaadis ku saarto in xoolahaasi dib loo celiyo.

7/13/2019 7:50 AM EST
Sabti, July, 13, 2019 (HOL)-Koranto la'aantan ayaa sababtay ka dib markii wado ku beegantay xarunta wershada korantada cagafna la geliyey deyrka kore.

7/13/2019 5:46 AM EST
Sabti, July, 13, 2019 (HOL)-Madaxweynaha Dowladda gobolleedka Hirshabeelle Dr Maxamed Cabdi Waare ayaa uga tacsiyeeyay guud ahaan shacabka Soomaaliyeed, qoysaska iyo eheladii ay ka baxeen dadkii rayidka ahaa ee ku dhintay weerarkii Al-shabaab ee shalay lagu qaadey Hoteel Cas-caseey ee magaalada Kismaayo.

7/13/2019 5:15 AM EST
Sabti,July, 13, 2019 (HOL)- Madaxweynaha dowladda federaalka ah ee Soomaaliya, Maxamed Cabdullaahi Farmaajo ayaa xukuumadda faray si degdeg ah inay gurmad caafimaad ugu fidiso dadka ay culus tahay xaaladdooda caafimaad.

7/13/2019 4:43 AM EST
Sabti,July, 13, 2019 (HOL)- Madaxweynaha Jubbaland, Axmed Maxamed Islaam ayaa markii u horreeysay faahfaahin ka bixiyay khasaaraha weerarkii galinkii dambe lagu qaaday hotelka Cascaseey.

7/13/2019 3:37 AM EST
Magaaladda Toronto ee dalka Canada waxaa shalay ka furmay ciyaaraha Todobaadka Soomaalida Canada oo sanadkii 29aad lagu qabanayo magaaladaas,waxaana sanad walba xiligaan oo kale hawshaa qabanqaabadeeda si buuxda u gala ururka horemarinta dhalinyarada ee TODAY

7/13/2019 2:02 AM EST
Sabti,July, 13, 2019 (HOL)- Warar goor dhaw ay heshay Hiiran Online ayaa sheegaya in dadkii ku dhintay qaraxyadii iyo weerarkii lagu qaaday hotel Cas-caseey ee magaalada Kismaayo uu ka mid noqday Ganacsade Mahad Cabdulaahi Nuur Garguurte.