9/23/2019
Today from Hiiraan Online:  _
Wararka Maanta- Khamiis, July 11, 2019
Khilaaf soo kala dhax-galay guddoonka Baarlamaanka Hirshabeelle


 

Khamiis, July, 11, 2019 (HOL) –Magaalada Jowhar ee xarunta dowlad gobolleedka Hirshabeelle saacadihii ugu danbeeyay waxaa ka soconayay kulamo xasaasi ah oo u dhaxeeyay xildhibaannada Baarlamaanka Hirshabeelle, kuwaa oo salka ku haya khilaaf soo kala dhax-galay guddoonka sare ee Golaha Baarlamaanka.

Khilaafkan ayaa salka ku haya go’aankii guddoomiyaha baarlamaanka Hirshabeelle Cismaan Barre Maxamed ee ahaa in uu xiran yahay Golaha, hasse ahaatee ay ku gacan –seyreen labadiisa ku –xigeen Cabdi Xusseen Geedi iyo Canab Axmed Ciise.

Guddoomiyaha baarlamaanka Hirshabeelle ayaa xildhibaanada u diray fariin uu ku war-galinayo in baarlamaanku xiran yahay, hasse ahaatee fariimo kale oo lagula socodsiinayo xildhibaannada in ay soo xaadiraan kulamada baarlamaanka waxaa isna u diray xildhibaannada guddoomiye ku-xigeenka koowaad ee baarlamaanka Hirshabeelle Cabdi Xusseen Geedi.

Xildhibaannada ayaa laftirkooda u muuqda kuwo kala taageersan go’aannada iska hor imanaya ee labada dhinac ee guddoonka baarlamaanka Hirshabeelle.

Ma’aha markii ugu horeysay oo sidan oo kale guddoonka baarlamaanka Hirshabeelle labo dhinac uu u kala jabaan, iyadoo la ogyahay in khilaaf kan la mid ah uu ku baxay madaxweynihii hore ee maamulka Cali Cabdullaahi Cosoble.

C/raxmaan Diini, Hiiraan Online
[email protected]
 

 










Click here
7/11/2019 4:23 PM EST
Khamiis, July, 11, 2019 (HOL)- Hay'adda nabad sugidda iyo sirdoonka qaranka Soomaaliyeed ee NISA, ayaa maanta shaaca ka qaadday in gacanta lagu dhigay Rag qorsheynayay weeraro iyo hubkii ay wateen,kaddib howlgal ay ciidammada amniga ka fuliyeen dulleedka Muqdisho.

7/11/2019 4:08 PM EST
Khamiis, July, 11, 2019 (HOL)- Ra’iisul Wasaare ku-xigeenka dalka, mudane Mahdi Maxamed Guuleed (Khadar) ayaa maanta guddoomiyay shirka golaha wasiirrada oo lagu qabtay magaalada Muqdisho.

7/11/2019 11:13 AM EST
Khamiis, July, 11, 2019 (HOL)- Waxaa hoolka Shirarka ee Kaali ka furmay maanta Shir lagu qiimaynayay hoggaaminta DDS ee heer degaan, gobol, degmo iyo maamul magaalooyin.

7/11/2019 10:32 AM EST
Khamiis, July, 11, 2019 (HOL)- Ra’iisul Wasaaraha xukuumadda federaalka Soomaaliya , Xasan Cali Khayre ayaa maanta kulamo la qaatay qaybo kamid ah dhallinyarada iyo odayaasha dhaqanka ee labada dhinac ee Gaalkacyo iyo xubno ka tirsan golaha deegaanka Waqooyiga Gaalkacyo.

7/11/2019 10:27 AM EST
Khamiis, July, 11, 2019 (HOL)- Madaxweynaha dowladda federaalka Soomaaliya, Maxamed Cabdullaahi Farmaajo ayaa usoo jeediyay dhinacyada ku dagaallamaya deegaanka Ceel-Afwen ee Gobolka Sanaag inay si dhaqso ah dagaalka u joojiyaa.

7/11/2019 9:23 AM EST
Khamiis, July, 11, 2019 (HOL)- Wasiirka waxbarashada xukuumadda federaalka Soomaaliya ,Cabdullaahi Goodax Barre ayaa maanta magaalada Muqdisho ka daah-furay isla markaana saxiixay mashruuca horumarinta waxbarashada ee (Education Cannot Wait) oo ay si wadajir ah u fulinayaan hay'adda ADRA iyo wasaaradda waxbarashada, hiddaha iyo tacliinta sare Soomaaliya.

7/11/2019 8:59 AM EST
Khamiis, July, 11, 2019 (HOL)- Ugu yaraan 16 qof ayaa ku geeriyooday 78 kalana waa ay ku dhaawacmeen shil tareen oo ka dhacay magaalada Rahim Yar Khan ee ku taala dalka Pakistan.

7/11/2019 8:48 AM EST
Khamiis, July, 11, 2019 (HOL)- Maamulka gobolka Banaadir ayaa maanta ku soo bandhigay degmada Dharkiinley rag la sheegay inay dhac u geysan jireen bulshada iyo hub ay wateen.

7/11/2019 8:32 AM EST
Khamiis,July, 11, 2019 (HOL)-Guddoomiyaha cusub ee maamulka gobolka Hiiraan Cali Maxamed Caraale ayaa u fariistay maanta xafiiska looga arrimiyo maamulka gobolka Hiiraan, iyadoo dhinaca kalana wali uu taagan yahay khilaafkii ka dhashay xil ka qaadistii lagu sameeyay guddoomiyihii hore ee maamulka gobolka Yuusuf Axmed Hagar Dabageed.

7/11/2019 4:48 AM EST
Khamiis, July, 11, 2019 (HOL)- Doonyo nooca dheereeya oo ay leeyihiin ciidammada badda ee Iiraan ayaa weeraray markab nooca saliidda qaada oo laga leeyahay dalka Britain oo gooshayay xeebaha gacanka marinka Hormuuz, sida ay sheegtay dowladda Ingiriiska.

7/11/2019 4:37 AM EST
Khamiis, July, 11, 2019 (HOL)- Ra'iisul wasaaraha dalka Pakistan, Imraan Khaan ayaa booqashadii u horreysay dabayaaqada bishan ku tagi doonaa dalka Marekanka, halkaa oo kullan gaar ah uu kula qaaday doonaya madaxweynaha Marekanka,Donald Trump.

7/11/2019 3:29 AM EST
Khamiis, July, 11, 2019 (HOL)-Wasiirka Wasaarradda Arrimaha dibadda xukuumadda Soomaaliya Axmed Cawad Ciise ayaa waxba kama jiraan ku tilmaamay kulan la sheegay in uu magaalada Addis Ababa ku dhaxmari doono madaxweynayaasha Soomaaliya iyo Kenya

7/11/2019 12:51 AM EST
Khamiis, July, 11, 2019 (HOL) -Agaasimaha Guud ee Wasaaradda Arrimaha Dastuurka oo ay wehliyaan La-taliyayaal iyo Agaasime-waaxeedyo katirsan Wasaaradda Dastuurka ayaa maanta kulan la yeeshay Agaasimaha Guud ee Madaxtooyada Qaranka oo ay wehliyaan Agaasime-waaxeedyo katirsan Mdaxtooyada Qaranka iyo qaar kamid ah La-taliyayaasha Madaxweynaha JFS.