2/17/2019
Today from Hiiraan Online:  _
Wararka Maanta- Sabti, Jan 26, 2019
Caleema-saarka Madaxweynaha Puntland oo soo gabagabowday



Sabti, Janaayo, 26, 2019 (HOL)- Munaasabadda lagu caleema saarayo madaxweynaha Puntland, Siciid Cabdullaahi Deni iyo ku xigeenkiisa Axmed Cilmi Cismaan Karaash,ayaa hadda ku soo gabagabwday magaalada Garoowe.

Xafladda oo lagu tilmaamay kulankii ugu ballaarna ee kulmiya qaybaha Soomaalida ayaa waxaa hadallo ka jeediyay xubnihii ka qaybgalay oo uu ka mid ahaa madaxweynaha Soomaaliya, Maxamed Cabdullaahi Farmaajo.

Madaxweynaha Puntland, Siciid Deni ayaa u mahadceliyay xubnihii ka soo qaybgalay xafladda, waxa uu ballanqaaday inuu ka shaqeyn doono sidii ay Puntland horay ugu socon lahayd.

Madaxweyne Farmaajo, oo khudbaddii u dambeysay ka jeediyay xafladda ayaa dhankiisa ballan-qaaday in dowladda federaalka ay la shaqeyn doonto hoggaanka cusub ee Puntland, sidoo kale waxa uu munaasabadda ka sheegay inuu xalay dhalay qaaddan doono ,isagoo cafis dalbaday, waxa uu inta ku daray inuu la shaqeynayo dowlad-gobolleedyada.

Xafladda waxaa kalo hadallo ka jeediyay madaxweynayaashii hore ee Soomaaliya, Shariif Sheekh Axmed iyo Xasan Sheekh, sidoo kale waxaa ka hadlay xafladda ra'iisul wasaarihii hore ee Soomaaliya, Cali Maxamed Geeddi, labo madaxweyne oo xilka isaga dambeysay Puntland, waa Cabdiraxmaan Faroole iyo Cabdiweli Gaas, xubno ka socday beesha caalamka,safiirro, guddoomiye ku-xigeenka labaad ee Baarlamaanka federaalka ,guddoomiyaha golaha aqalka sare iyo  xubno kale oo u ka mid yahay guddoomiyaha degmada Gaarisa ayaa khudbaddo jeediyay.

Madaxda dowlad-gobolleedyada ayaa iyaguna hadallo ka jeediyay xafladda,iyagoo dhankooda ballanqaaday inay la shaqeyn doonan madaxweynaha cusub ee Puntland.

Munaasabadda oo hadallada laga jeedinayay isha lagu wada-hayay ma jirin wax hadallo siyaasi ah oo la isku dhafsadday,iyadoo arrinta ay ka dambeysay markii madaxweynaha Puntland iyo guddiga qaban qaabadda xafladda ay codsadeen in munaasabadda laga dhowro hadallada xanafta leh,sida ay oggaatay HOL.

Iman Mohamed Jama, Hiiraan Online
[email protected]





Click here
1/26/2019 1:55 PM EST
Sabti, Janaayo, 26, 2019 (HOL)- Xafladda caleema-saarka madaxweynaha Puntland, Siciid Cabdullaahi Deni iyo ku-xigeenkiisa Axmed Cilmi Cismaan Karaash , ayaa goor dhow si rasmi ah uga billaabatay hool weyn oo ku dhex yeella xarunta madaxtooyadda Puntland ee duleedka magaalada Garoowe.

1/26/2019 1:03 PM EST
Sabti, Janaayo, 26, 2019 (HOL)- Siyaasiga Cabdiraxmaan Cabdishakuur Warsame ayaanan wax hadal ah ka jeedin doonin xafladda ka socota xarunta madaxtooyadda Puntland ee magaalada Garoowe oo lagu caleema-saarayo madaxweynaha cusub ee Puntland iyo ku-xigeenkiisa.

1/26/2019 11:32 AM EST
Sabti, Janaayo, 26, 2019 (HOL)- Madaxweynaha Puntland, Siciid Cabdullaahi Deni ayaa ku soo dhaweeyay Garoowe wafdi ka socda Kenya oo u hoggaaminayo guddoomiyaha degmada Gaarisa iyo Xildhibaan Yuusuf Xaaji oo ka mid ah Baarlamaanka Kenya.

1/26/2019 10:38 AM EST
Sabti, Janaayo, 26, 2019 (HOL)- Madaxweynaha dowladda federaalka ah ee Soomaaliya, Maxamed Cabdullaahi Farmaajo iyo wafdi uu hoggaaminayo ayaa gaaray magaalada Garoowe ee caasimadda Dowladda Goboleedka Puntland.

1/26/2019 9:32 AM EST
Sabti, Janaayo, 26, 2019 (HOL)-Ra’iisal wasaaraha xukuumadda Itoobiya Abiy Ahmed oo maalmihii ugu danbeeyayba ku howlanaa xalinta khilaafka dowlad deegaanka Soomaalida Itoobiya ayaa bartiisa Twitter –ka soo dhigay qoraal kooban uu kaga hadlayo in la xaliyay khilaafkii waayadii ugu danbeeyayba ka taagnaa dowlad deegaanka.

1/26/2019 5:10 AM EST
Sabti, Janaayo, 26, 2019 (HOL) – Madaxweynaha dowladda federaalka ah ee Soomaaliya, Maxamed Cabdullaahi Farmaajo ayaa goor dhow soo gaaray magaalada Garoowe ee xarunta Puntland.

1/26/2019 4:25 AM EST
Sabti, Janaayo, 26, 2019 (HOL) – Madaxweynihii hore ee dowladdii kumeelgaarka ahayd ee Soomaaliya,Shariif Sheekh Axmed oo ka soo kicitimay magaalada Nairobi ayaa goor dhow soo gaaray magaalada Garoowe ee xarunta Puntland.

1/26/2019 1:48 AM EST
Sabti, Janaayo 26, 2019 (HOL) - Xildhibaan Feysal Xasan oo ah mudane laga soo doorto xaafadda York South—Weston ee magaalada Toronto ee gobolka Ontario, ayaa Soomaalida ku nool gobolka uga digay sharciga cusub ee ku saabsan wadista gawaarida oo dhaqan galay bilowgii bishan Jan. 2019.

1/26/2019 1:05 AM EST
Sabti, Janaayo, 26, 2019 (HOL) – Madaxweynaha Soomaaliya, Maxamed Cabdullaahi Farmaajo iyo wafdi uu hoggaaminayo ayaa saacadaha soo socda ku wajahan magaalada Garoowe ee xarunta Puntland.

1/26/2019 12:41 AM EST
Sabti, Janaayo, 26, 2019 (HOL) – Madaxweynihii hore ee Soomaaliya, Shariif Sheekh Axmed oo goor dhow ka soo ambabaxay magaalada Nairobi ee xarunta dalka Kenya ayaa ku sii jeedda Garoowe.

1/26/2019 12:33 AM EST
Sabti, Janaayo, 26, 2019 (HOL) – Dowladda Itoobiya ayaa waddooyinka waa weyn ee caasimadda Addis Ababa ka mamnuuceysa in qaxootiga Suuriyaanka ay ku dawarsadaan ,iyadoo la diyaariyay ciidan dhaqan geliya qorshahaa, sida laga soo xigtay madaxa qaxootiga dalka Itoobiya, Yemane Gebremeskel.

1/26/2019 12:12 AM EST
Sabti, Janaayo, 26, 2019 (HOL) – Madaxweynaha dalka Marekanka ,Donald Trump ayaa saxiixay heshiis oggaalanaya in dib loo furo shaqadii dowladda Marekanka oo muddo hakad ku jirtay.

1/26/2019 12:04 AM EST
Sabti, Janaayo, 26, 2019 (HOL) – Magaalada Garoowe, waxaa ka socota qaban qaabada u dambeysay ee xaflad lagu caleemo-saarayo madaxweynaha Puntland, Siciid Cabdullaahi Deni oo Baarlamaanku ay doorteen siddeedii bishan Jannaayo iyo ku-xigeenkiisa Axmed Cilmi Cismaan Karaash.