3/28/2024
Today from Hiiraan Online:  _
Wararka Maanta- Khamiis, Jan 10, 2019
Xukuumadda Somaliland oo ka hadashay hadalo ka soo yeedhay madaxweynaha cusub ee Puntland

 

Khamiis, Janaayo, 10, 2019 (HOL) - Xukuumada Somaliland ayaa ka hadashay hadal ka soo yeedhay  madaxweynaha cusub ee Puntland oo sheegay in  Sool iyo sanaag bari ka  mid yihiin Puntland.

Wasiirka Biyaha Saleebaan Cali koore ayaa sheegay inuu filayey inuu ka duwanaado madaxdii hore ee soo martay Puntland, balse waxa uu xusay inuu la aragti yahay.

“Waxa dhowaan laga doortay maamul puntland madaxweyne cusub, waxaanu ka filaynay caqli iyo wax ka duwan wixii hore, balse wuxuu la ragti yahay uun kuwii hore, waxaan leeyahay dadka deegaankaasi nabad iyo horumar bay u baahan yihiin, waxay u baahan yihiin inay la jaan qaadaan dadka darisyada ka xiga, Sool iyo Sanaagna cid ay Somaliland u daba fadhidaa ma jirto, maamulkuna illaa xuduudda wuu gaadhay”ayuu yidhi Saleebaan Cali Koore.

Sidoo kale, wasiirku wuxuu sheegay inay ka waatoobaan khilaafyadii iyo dhibaatooyinkii dhacayey 22 sanno, waxaanu usoo jeediyey inay ku mashquulaan saddexda gobol ee Puntland ka kooban tahay sidii horumar loo gaadhsiin lahaa.

Sidoo kale, waxa uu ka hadlay Dr;Cali Ciise oo musharax ka soo jeeda gobolka Sool guul daradii ka soo gaadhay doorashadii Puntland ka dhacday.

“Dr: Cali Ciise wuxuu ahaa Nin afrika oo dhan xidiga ka aha meesha la dhigayna waa wax aad looga naxo,inaan la wada lahayn maamulka Puntland oo meesha reer leeyahay waxa noogu filan doorashada Cali Ciise”ayuu yidhi

Barkhad-ladiif M. Cumar, Hiiraan Online

[email protected]

Hargeysa, Somaliland.













Click here
1/10/2019 1:51 PM EST
Khamiis, Janaayo, 10, 2019 (HOL)-Warar goor dhaw na soo gaaray ayaa sheegaya in dab weyn oo inta badan magaalada Muqdisho laga arki karo uu qabsaday qeybo ka mid ah Suuqa Bakaaraha ee magaalada Muqdisho.

1/10/2019 8:34 AM EST
Khamiis, Janaayo, 10, 2019 (HOL) - Ra’iisul Wasaaraha Xukuumadda Federaalka Soomaaliya, Xasan Cali Khayre, ayaa magacaabay guddiga Badbaadinta iyo Soo Celinta Hantida Qaranka

1/10/2019 6:00 AM EST
Khamiis, Janaayo, 10, 2019 (HOL)- Madaxweynaha cusub ee Puntland, Siciid Cabdullaahi Deni ayaa maanta guddoomiyaha shirka golaha wasiirrada, iyadoo uu dhinac fadhiyay madaxweynaha xilka ka dagaya ee Cabdiweli Gaas.

1/10/2019 4:27 AM EST
Khamiis, Janaayo, 10, 2019 (HOL)-Madaxweynaha Dowladda Koonfur Galbeed Soomaaliya Cabdicasiis Xasan Maxamed laftagareen, Guddoomiyaha Golaha Wakiilada KGS Mudane. C/qaadir Shariif Sheekhuna, Wasiiro, Xildhibaano iyo sayaasiyiin kale oo goordhow gaaray Magaalada Baraawe ee xarunta dowlad gobolleedka KGS ayaa soo dhoweyn diirran kadib booqasho ku tagay dhismaha Airport-ka cusub ee Baraawe.

1/10/2019 3:09 AM EST
Khamiis, Janaayo, 10, 2019 (HOL)-Waxaa soo baxaya warar sheegaya in UK ku biireyso dalalka Imaaraadka iyo Rushka, iyada oo dooneysa in ay saldhig militari ku yeelato Somaliland.

1/10/2019 2:28 AM EST
Khamiis, Janaayo, 10, 2019 (HOL)-Guddoomiyaha Gobolka Banaadir C/raxmaan Cumar Cusmaan (Eng. Yariisow) ayaa sheegay in sanadkan uu yahay sanadkii dadka reer Muqdisho ay heli lahaayene matalaadooda, ayna ula mid lahaayene gobolada kale ee dalka.

1/10/2019 12:53 AM EST
Khamiis, Janaayo, 10, 2019 (HOL)- Madaxweyne Donald Trump ayaa isaga baxay kulan uu la lahaa hoggaamiyeyaasha xisbiga dimuquraadiga ah ayadoo ay burbureen wada xaajoodyadii ku aaddanaa laamaha xukuumadda Maraykanka ee xiran maalintii 19aad.

1/10/2019 12:26 AM EST
Khamiis, Janaayo, 10, 2019 (HOL)- Warar dheeraad ah ayaa ka soo baxay duqeyn cusub oo diyaaradaha Mareykanku ka geysteen deegaan ka tirsan gobolka Baay halkaa oo ay ku dileen xubno ka tirsan Ururka Al-shabaab.

1/10/2019 12:16 AM EST
Khamiis, Janaayo, 10, 2019 (HOL)- Wararka naga soo gaaraya degmada Marka ee gobolka Shabeellaha hoose ayaa sheegaya in xalay uu halkaa dagaal culus ku dhaxmaray ciidamada dowladda Soomaaliya iyo dagaalyahannada ururka Al-shabaab.