Talaado, Janaayo, 01, 2019 (HOL)- War qoraal ah oo dhawaan
kasoo baxay xafiiska ergayga gaarka ah ee Qaramada Midoobe u qaabilsan
Soomaaliya Nicholas Heysom ayaa lagu cambaareeyay madaafiicdii maanta lagu
weeraray xarun ay ku leeyihiin xerada Xalane.
Qoraalkan oo Nuqul ka mid ah la soo gaarsiiyay warbaahinta Hiiraan Online qornaa sidan:
”Toddobo Madfac ayaa lagu soo tuuray xeyndaabka Xalane, Labbo ruux oo kamid ah
shaqaalaha Qaramada Midoobe ayaa dhaawacyo fudud uu kasoo gaaray iyo ruux kale
oo ku suganaa gudaha xirada.
Weerarka ayuu ku tilmaamay qoraalka in uu ahaa mid caraqlad ku ah sharciga Aadanaha ah, iyo la weerarro hay’ad caalami ah Qaramada
Midoobe laguma gaarayo hadafyo siyaasadeed.
Qoraalka ayaa sidoo kale caafimaad deg deg ah loogu rajeeyay saaxiibadeena
dhaawaca fudud uu ka soo gaaray madaafiicdii maanta”
Warka ka soo baxay xafiiska QM ayaa imanaya iyadoo ay dhowr madaafiic ah ku dhaceen xarunta hay'adda oo ku taala gudaha xerradda Xalane.
C/raxmaan Diini, Hiiraan
Online
[email protected]
