7/19/2019
Today from Hiiraan Online:  _
Wararka Maanta- Isniin, Feb 11, 2019
Maamulka gobolka Shabeellaha dhexe oo ka digay barakac dadweyne haddii ay ka baxaan gobolka ciidamada AMISOM


 

Isniin, Feberaayo, 11, 2019 (HOL)- Maamulka gobolka Shabeellaha dhexe ayaa ka digaya Barakac baahsan oo ay sameeyaan bulshada ku dhaqan deegaannada la calaamadiyay in ay isaga bixi doonaan ciidamada Burundi ee qeybta ka ah howlgalka midowga Africa AMISOM

Degmooyinka laga yaabo inay ciidamada AMISOM gaar ahaan kuwa dalka Burundi ka baxaan dhamaadka bishan ayaa waxaa kamid ah degmada Cadale iyo degmada Raage Ceelle.

Guddoomiyaha gobolka Shabeellaha dhexe Axmed Meyre Makaaraan ayaa VOA u sheegay in dadku aysan ku faraxsaneyn deegaannadooda ay faarujiyaan ciidamada AMISOM, madaama sida uu hadalka u dhigay ay qeyb weyn ka ahaayeen sugida amniga deegaannadaas.

‘’Ciidamada dalku waxey u yimaadeen in ay nabada wax ka sugaan oo dhibaatada jirta wax ka qabtaan, dadku kuma faraxsana tallaabada looga saarayo qeybo ka mid ah gobolka Shabeellaha dhexe ciidamada nabad ilaalinta u jooga’’ ayuu yiri guddoomiyaha.

Bixitaan qeyb ka mid ah ciidamada Burundi ee ka howlgala deegaannada Hirshabeelle ayaa waxaa qeylo dhaantii ugu darneyd ka soo saaray maamulka Hirshabeelle oo ilaa heer madaxweyne arintan ka hadlay.

Aqalka sare ayaa maalintii shalay warbixin arintan ku saabsan ka dhageystay Wasiirka Amniga dowlad gobolleedka Hirshabeelle Cabduqaadir Aadan Jeelle oo kala hadlay xildhibaannada laga soo doorto gobolka in ay walaacooda la xiriira go’aanka looga saarayo gobolka qeybo ka mid ah ciidamada AMISOM.

Toddobaadkii la soo dhaafay uu guddoomiyaha Gobolka Sh/dhexe Axmed Meyre Makaraan uu dhagax dhigey mashaariic laga hirgelinayo degmada Cadale oo ka mid ah meelaha la sheegay in ay ciidamada isaga baxayaan.

Walwalka ugu weyn ayaa ah in durbaba Al-shabaab la wareegaan deegaannadaas marka ay banneeyaan ciidamada AMISOM.

C/raxmaan Diini, Hiiraan Online
[email protected]
 










Click here
2/11/2019 2:18 PM EST
Isniin, Feberaayo, 11, 2019 (HOL)- Wasiirro ka tirsan xukuumadda federaalka Soomaaliya ayaa maanta gaaray magaalada Baraawe ee caasimadda maamulka Koonfur Galbeed Soomaaliya, si ay ugu kuur galan xaaladda ka jirta magaaladaasi.

2/11/2019 8:22 AM EST
Isniin, Feberaayo, 11, 2019 (HOL)- Xarunta dhexe ee shirkadda isgaarsiinta Golis ee ku taalla magaalada Gaalkacyo ayaa dib maanta loo furay, kaddib dib u dhis iyo casriyeen lagu sameeyay.

2/11/2019 7:49 AM EST
Isniin, Feberaayo, 11, 2019 (HOL)-Isniin, Febraayo 11, 2019 (HOL)- Munaasibada lagu soo bandhigayey Buug uu qoray wiil dhalinyaro ahi ayaa xalay dadkii ka soo qaybgallay la kala dareeriyey ka dib markii guddida wanaag farista iyo xumaan reebistu ku ku tilmaamtay in dhaqan xumo laga waddo goobta.

2/11/2019 7:22 AM EST
Isniin, Feberaayo, 11, 2019 (HOL)-Dabkan oo ahaa mid khasaare ballaaran u geystay dad danyar ah ayaa maanta ka kacay xero ku taala xaafadda Jaamacaddaha degmada Hodan ee magaalada Muqdisho

2/11/2019 4:53 AM EST
Isniin, Feberaayo, 11, 2019 (HOL)-22-kii bishii hore ayaa shir wadatashi oo ay soo qaban qaabisay Ha’yadda Qaramada Midoobay u qaabilsan Miinooyinka waxaa lagu martiqaaday Wasaraada Aminga Gudaha Soomaaliya iyo hay” adda SEMA oo u qaabilsan Wasaarada arrimaha miinooyinka iyo qataraha ka dhasha.

2/11/2019 3:46 AM EST
Isniin, Feberaayo, 11, 2019 (HOL)-Dowladda Soomaaliya ayaa sheegtay in ay diyaar u tahay soo saaristan iyo bandhigga kheyraadka dalka,kaddib kulan ka dhacay magaalada London

2/11/2019 1:18 AM EST
Isniin, Feberaayo, 11, 2019 (HOL)– Wasiirka Amniga dowlad gobolleedka Hirshabeelle Cabduqaadir Aadan Jeelle ayaa cabasho ka dhan ah ka bixintaan ciidamada Burundi qeybo ka mid ah deegaannada Hirshabeelle u gudbiyay Aqalka sare ee Soomaaliya.

2/11/2019 1:06 AM EST
Isniin, Feberaayo, 11, 2019 (HOL)– Ku dhawaad boqol carruur ah ayaa lagu soo warramayaa in bariga Jamhuuriyadda Dimuqraadiga ee Congo ay ugu dhinteen cudurka Ebola, waxaana la filayaa in tiradaasi ay sii kororto.

2/11/2019 12:19 AM EST
Isniin, Feberaayo, 11, 2019 (HOL)–Wasiirka Wasaarradda Arrimaha Gudaha dowlad gobolleedka Hirshabeelle Maxamed Cali Caaadle oo shalay gaaray degmada Buula-burte ayaa halkaa dhagax dhigay mashaariic hormarineed.