Isniin, Feberaayo, 11, 2019 (HOL)–Wasiirka
Wasaarradda Arrimaha Gudaha dowlad gobolleedka Hirshabeelle Maxamed Cali
Caaadle oo shalay gaaray degmada Buula-burte ayaa halkaa dhagax dhigay
mashaariic hormarineed.
Mashaariicda ayaa ka kooban ilaa
qeybood oo kala ah dhismaha xarunta degmada, hoolka shirarka, suuqa hilibka iyo
khudaarta, garoonka kubada cagta, nalalka cad-ceeda ku shaqeeyo iyo
(Taakulaynta Haweenka Beeralayda ee Degmada Buula-Burde).
Guddoomiyaha degmada Buula-burte
Cabdcasiis Duuroow oo ka hadlay tallaabada lagu dhagax dhigay mashaariicday
ayaa sheegay in ay si siweyn u soo dhaweynayaan, islamarkaana degmadu u
baahneyd sida uu hadalka u dhigay in ay hesho mashaariicdan oo kale.
Waxaa kaloo goobta ka hadlay wakiilo qaybaha
bulshada ah, kuwaas oo soo dhaweeyey mashaariicda, isla markaasna balan qaaday
in ay ilaashan doonaa mashaariicdaas, waxay kaloo wakiiladu hor dhigeen madaxda
ka soo qayb gashayaash munaasanda, mashaariicd kale oo degmada iyo shacabka ay
u baahan yihiin .
Ugu danbeytii waxaa goobta ka hadlay xoghayaha
joogtada ah ee wasaarada arimaha gudaha iyo dib u heshiisiinta dowlada
federaalka soomaliya mudane Cabdullahi Maxamud Xasan iyo Xilibaanad Farhiyo
Muumin oo goobta furitaanka mashaariicda ka hadashay ayaa bulshada kula
dardaarantay in ay ilaashadaan mashaariicdan si ay ugu nafciyaan jiilka dane ee
dhalan doono.
C/raxmaan Diini,
Hiiraan Online
[email protected]