3/29/2024
Today from Hiiraan Online:  _
Wararka Maanta- Arbaco, Dec 4 , 2019
Xildhibaannada Golaha Shacabka oo Dood kulul ka yeelanaya sharciga Doorashooyinka heer Federaal

 

Arbaco, December, 04, 2019 (HOL)-Xildhibaanada Golaha Shacabka ee Baarlamaanka Federaalka ah ayaa lagu wadaa in ay kulankooda maanta Dood kulul ka yeeshaan sharciga Doorashooyinka heer Federaal, kaa oo toddobaadkii hore loo qeybiyay xildhibaannada.

Horay waxaa sharcigan u meel mariyay Golaha Xukuumadda Soomaaliya iyadoo markii danbe loo soo gudbiyay Golaha Shacabka ugu danbeyntii la doonayo in uu meel mariyo.

Khilaaf xoog leh ayaa ka taagan qoddobada ku jira sharciga oo qaar ka mid ah xildhibaannada iyo Siyaasiyiinta Mucaaradku u arkaan in ay yihiin kuwo ay soo qoratay Madaxtooyada Soomaaliya kuwaa oo u daneynaya madaxda hadda joogta xukunka.

Xildhibaannada ayaa lagu wadaa in ay siweyn ugu kala aragti-duwanaadaan wax ka badalka qoddobada ku jira sharciga oo laga yaabo in ay si weyn u difaacaan xildhibaannada Wasiirrada ah ee ku jira Golaha Xukuumadda oo markii horeba ansixiyay.

Guddigii loo saaray soo diyaarinta sharcigan oo ka kooban 15 xubnood ayaa warbixintooda todobaadkii hore ku caddeeyay nidaamka ay noqon karto doorashada sanadka 2020/2021, iyagoo ka saara  qodobo aanan dastuurka waafaqsaneyn oo ku jiray sharcigii Madaxtooyada wadatay ee ah in  Madaxweynaha cida dooraneysa ay tahay Labada Gole ee Baarlamaanka.

C/raxmaan Diini, Hiiraan Online
[email protected]
 

 













Click here
12/4/2019 1:58 PM EST
Arbaco, December, 04, 2019 (HOL)- Wasiirka Shaqada iyo Arrimaha Bulshada Xukuumadda Federaalka ah ee Soomaaliya, Mudane Sadiiq Xirsi Warfaa, ayaa maanta kormeerkiisii saddex biloodlaha ahaa ku tagay xarunta Guddiga Qaranka ee Shaqaalaha Rayidka, halkaa oo ay warbixin la xiriirta waxqabadka guddiga ku siiyeen guddoonka.

12/4/2019 10:41 AM EST
Arbaco, December, 04, 2019 (HOL)-Xisbi siyaasadeed cusub oo la magac baxay xisbiga dhaqaaqa Soomaaliyeed ayaa maanta lagu daahfuray magaalada Muqdisho ee caasimadda Soomaaliya.

12/4/2019 9:48 AM EST
Arbaco, December 04, 2019 (HOL )– Madasha wadatashiga Somaliland ayaa maanta dacwad ka dhan ah golaha Guurtidda iyo go’aankii ay labada sanno ugu kordhiyeen baarlamaanka u gudbiyey maxkamada dastuuriga ah ee Somaliland.

12/4/2019 7:20 AM EST
Arbaco, December, 04, 2019 (HOL)- Wararka ka imanaya gobolka Shabeellaha Hoose ayaa sheegaya in goor dhaw qarax miino lagu dilay guddoomiyihii degmada Awdheegle oo lagu magacaabi jiray Maxamed Yaroow

12/4/2019 6:46 AM EST
Arbaco, December, 04, 2019 (HOL)-Wasaaradda arrimaha gudaha ee dowlad goboleedka Puntland ayaa shacabka uga digtay halista kagasoo wajahan roobab wata dabaylo oo kusoo fool leh xeebaha Badweynta Hindiya.

12/4/2019 6:41 AM EST
Arbaco, December, 04, 2019 (HOL)-Dowladda Norway ayaa warbixin horudhac ah kasoo saartay muran iyo isqababsi ka taagan masaajid Soomaalidu gacanta ku haysay oo dhawaan laga joojiyay taageere dhaqaale oo ay siin jirtay Norway.

12/4/2019 3:21 AM EST
Arbaco, December, 04, 2019 (HOL)-Xubnaha Aqalka Wakiilada dalka Mareykanka ayaa meel mariyay shaci ka hortagaya waxa loogu yeeray xarig aan sabab lahayn, jirdil, iyo dhibaateyn xukumadda Shiinuhu ku heyso muslimiinta Uighur ee ku nool gobolka Shinwaa.

12/4/2019 12:40 AM EST
Arbaco, December, 04, 2019 (HOL)-hay'adda Nabad-sugida iyo Sirdoonka Qaranka Dowladda Soomaaliya ayaa soo bandhigtay Sawirka Nin dhalinyaro ah oo ay ku eedeeyeen in uu weerar qorsheynayay.

12/4/2019 12:24 AM EST
Arbaco, December, 04, 2019 (HOL)-Magaalada Jowhar ee xarunta ah Dowlad Gobolleedka Hirshabeelle waxaa booqday maalintii shalay Wakiilka Qarramada Midoobey ee Soomaaliya James Sawan oo halkaa kula kulmay madaxweyne Waare iyo xubno ka tirsan maamulkiisa.