3/28/2024
Today from Hiiraan Online:  _
Wararka Maanta- Talaado, Dec 31, 2019
Guddiyo ku howlan xalinta iska horimaadkii xalay ka dhacay degmada Dhuusa-Mareeb

 

Talaado, December, 31, 2019 (HOL)-Xaalada degmada Dhuusa-Mareeb ayaa saakay deggan kaddib iska horimaad xalay ku dhaxmaray ciidamada dowladda Soomaaliya iyo kuwa Ahlu Sunna Waljameeca.

Iska horimaadka oo ahaa mid si kadis ah u qarxay ayaa dhaxmaray ciidamada dowladda Soomaaliya iyo xoogagga Ahlu Sunna Waljameeca waxaana dagaalka dhinaca dowladda ku lug lahaa ciidamada Booliiska iyo kuwa Nabad-sugida sida ay sheegeen dad goobjoogayaal ah.

Guddi Saraakiil ah oo ka kala tirsan labada dhianc ayaa ku howlan sidii loo dhameyn lahaa khilaafka ka dhashay shaqaaqadii xalay oo ay ku dhaawacmeen saddex ruux oo ay ka mid aheyd qof dumar ah oo ay haleeshay rasaasta labada dhinac.

Ra’iisul Wasaaraha Soomaaliya Xassan Cali kheyre oo ku sugan magaalada Dhuuusa-Mareeb ayaa isla xalay kula la qaatay saraakiisha hay’addaha Amaanka Dhuuusa-Mareeb, waxaana kulanka qeyb ka ahaa Wasiirka Arrimaha Gudaha Xukuumadda Soomaaliya.

Wali waxaan lagu dhawaaqin liiska xildhibaannada cusub ee ka mid noqonaya Baarlamaanka Galmudug, iyadoo ay jiraan wali cabasho ka taagan soo xulista xildhibaannada, iyadoo socdaalka Ra’iisal Wasaaraha uu la xiriiro sidii loo dhameystiri lahaa heshiiskii hore ee dhismaha Golayaasha Galmudug ee dhaxmaray dowladda iyo Ahlu Sunna Waljameeca.

C/raxmaan Diini, Hiiraan Online
[email protected]













Click here
12/31/2019 4:27 PM EST
Talaado, December, 31, 2019 (HOL)-Madaxweynaha Soomaaliya Maxamed Cabdullaahi Farmaajo ayaa saxiixay miisaaniyadda Dowladda ee sanadka 2020-ka, kaddib markii ay ansixiyeen Baarlamanka Federaalka Soomaaliya.

12/31/2019 10:47 AM EST
Talaado, December, 31, 2019 (HOL)- Maxkamada ciidamada qalabka sida ee Soomaaliya ayaa maanta 15 sano oo xabsi ah ku xukuntay haweenay lagu magacaabo Faadumo Kornayl oo katirsanayd shaqaalaha ururka haweenka ee dowladda hoose Xamar.

12/31/2019 9:40 AM EST
Talaado, December 31, 2019 (HOL )– Madaxweyne Muuse Biixi ayaa maanta xadhiga ka jaray dhismeyaal cusub oo loo bineeyey ciidanka dab-damiska Somaliland, kuwaas oo laga dhisay xarunta guud ee ciidanku ku leeyahay caasimadda Hargeysa.

12/31/2019 9:35 AM EST
Talaado, December 31, 2019 (HOL )– Xarunta xaquuqda aadanaha ee Somaliland ayaa warbixin ka diyaarisay xadhigii iyo tacadiyadii ka dhacay Somaliland sanadkan sii dhamaanaya.

12/31/2019 6:23 AM EST
Talaado,December, 31, 2019 (HOL)-Xildhibaannada labada aqal ee Baarlamaanka Federaalka ah ee Soomaaliya ayaa maanta oo Talaado ah si wadajir u ansixiyey Miisaaniyadda Sanadka 2020, kaasi oo maalmihii la soo dhaafay ay ka doodayeen.

12/31/2019 6:18 AM EST
Talaado, December, 31, 2019 (HOL)- Tirada ajaanibta ee ku biiraya kooxda Alshabaab ayaa korortay bilihii octobar iyo december ee sanadkaan, sida lagu sheegay warbixin lagu daabacay bog ka faallooda xogaha sirdoonka.

12/31/2019 3:54 AM EST
Talaado, December, 31, 2019 (HOL)-Waxaa lagu jiraa maalintii ugu dambeeysay ee sanadka 2019ka, halka dhinaca kale loo diyaar-garoobayo soo dhaweynta sanadka cusub ee 2020.

12/31/2019 2:48 AM EST
Talaado, December, 31, 2019 (HOL)-Xildhibaannada labada aqal ee Baarlamaanka Federaalka ah ee Soomaaliya ayaa maanta oo Talaado ah la filayaa inay wadajir u ansixiyaan Miisaaniyadda Sanadka 2020, kaasi oo maalmihii la soo dhaafay ay ka doodayeen.

12/31/2019 12:02 AM EST
Talaado, December, 31, 2019 (HOL)- Ururka Al-shabaab ayaa si deg deg ah u sheegtay mas’uuliyada Qaraxii dadka badan galaaftay ee Ex-Koontarool Afgooye kaddib Warkii ka soo baxay hay’adda Nabad-sugida ee ahaa in Qaraxaasi uu ka danbeeyay qorshihiisa Dal Shisheeye