3/28/2024
Today from Hiiraan Online:  _
Wararka Maanta- Isniin, Dec 17, 2019
Saddexda xisbi qaran ee Somaliland oo aqballay soo jeedintii ergadii loo saaray soo afjarida khilaafka doorashooyinka

 

Talaado, December 17,  2019  (HOL )– Saddexda xisbi qaran ee Somaliland ayaa maanta aqballay go’aankii ergadii dhexdhexaadinta soo saartay, taas oo ahaa in guddidi  hore ee doorashooyinka dib loo soo celiyo, halka guddidan cusubna la kala diro.

Labadda xisbi mucaarad WADDANI iyo UCID oo shir degdeg ah ku yeeshay xafiiska xisbiga UCID ayaa si wada jir ah usoo saaray aqbalaadda ergadii dhexdhexaadinta waday go’aankeedii.

Gudoomiyaha xisbiga WADDANI Cabdiraxmaan Maxamed Cabdilaahi Cirro oo ku hadlayey afka labada xisbi mucaarad ayaa hadalkiisa ku bilaabay “Soomaalidu waxay ku maahmaahda ergo lama diro ama go’aankeeda lama diido, go’aanka ergada ha qaadhaadhaado ama malab ha ahaado waxay caadadu tahay in la aqbalo go’aanka ergada eee aad kalsoonida siisay, marka waxaan u sheegaya shacabka Somaliland iyo dadka daneeya Somaliland iyo taageerayaasha labada xisbiba in labada xisbi si wada jir ah u aqbaleen go’amadii ay soo saareen ergadaas dhexdhexaadintu ninkii gardiidka ahaa maantana ha ku darsado ergo diid.”

 

Dhinaca kale, xisbiga KULMIYE ayaa isna aqballay go’aankii ay soo jeediyeen guddidii is xilqaantay ee xalinaysay khilaafyada xisbiyada.

Gudoomiye ku xigeenka kowaad ee xisbiga ahna wasiirka arrimaha gudaha Somaliland Maxamed Kaahin ayaa soo dhoweeyey go’aankii ergadda dhexdhexaadka ahayd, waxaanu yidhi “Guddida dhexdhexaadintu ixtiraam baanu siinaynaa waxay soo saaraan go’aan ka kooban shan qodob, laba qodob waxay khuseeyaan komishankii hore iyo komishanka dambe, xisbiga KULMIYE wuxuu si buuxda u taageeraya qaraarkaasi ay soo saareen, waxaanu taageerayaa tilmaamta ay raaciyeen dariiqa sharciyada dalka”.

Ergadan dhexdhexaadka ahayd ee isku soo dhoweynaysay xisbiyadda ayaa ka koobnayd ganacsato iyo culimo, kuwaas oo ku guulaysay in la aqballo soojeedintoodii.

Barkhad-ladiif M. Cumar, Hiiraan Online

[email protected]

Hargeysa, Somaliland.

 













Click here
12/17/2019 11:28 AM EST
Talaado, December, 17, 2019 (HOL)-Inta badan golaha degaanka degmada Laascaanood ayaa ka soo horjeestey mashruuc biyo gelin oo ay sheegeen in la siiyey shirkad degaanka laga leeyahay.

12/17/2019 11:27 AM EST
Talaado, December, 17, 2019 (HOL)-Taliyaha Ciidamada Dhulka Xoogga Dalka Soomaaliyeed iyo Taliska qeybta 21-aad Xoogga dalka oo asbuucyadii la soo dhaafay howlo nabadeed u joogay degaanada Afbarwaaqo iyo Towfiiq ayaa maantay kulan guud isugu keenay beelihii walaalaha ahaa ee ku dagaalamay degaanadaasi.

12/17/2019 11:23 AM EST
Talaado, December,17 2019 (HOL)–Wasiiraaradda Wasaaradda shaqo-gelinta iyo Arrimaha Bulshadda Somaliland ayaa xaquuqdeedii usoo dhicisay hooyo Ayaan Cabdiramxaan oo meherad aan magaceeda la shaacin shaqaddii ka eriday.

12/17/2019 8:26 AM EST
Talaado, December, 17, 2019 (HOL)-Madaxweynaha Dowlad Goboleedka Jubbaland Axmed Maxamed Islaam ayaa Magaalada Kismaayo ku qaabilay wakiilka gaarka ah ee Xog-hayaha guud ee Qaramada Midoobay u qaabilsan Soomaaliya James Swan Xubno ka socday Midowga Yurub, Midowga Afrika iyo Urur Goboleedka IGAD.

12/17/2019 7:32 AM EST
Talaado, December, 17, 2019 (HOL)-Diyaar garowga Soomaaliya ee doorashada qorsheysan ee qof iyo cod ah 2020/2021, ayaa looga hadlay kulan xog-wadaag ah oo ay maanta si wadajir ah u shir-guddoominayeen Gudiga Madaxa-bannaan ee Doorashooyinka Qaranka iyo Xafiiska hawlgalka kaalmaynta qaramada midoobay ee soomaaliya.

12/17/2019 6:38 AM EST
Talaado, December, 17, 2019 (HOL)-Ra’iisul Wasaaraha xukuumadda federaalka Soomaaliya, Xasan Cali Khayre iyo Madaxweynaha Turkiga, Recep Tayyip Erdoğan, ayaa kulan ku yeeshay magaalada Geneva ee dalka Switzerland.

12/17/2019 5:29 AM EST
Talaado, December, 17, 2019 (HOL)-Maxkamad gaar ah oo ku taalla dalka Pakistan ayaa madaxweynihii hore ee militariga ahaa ee dalkaas Pervez Musharraf, ku heshy dambi qiyaameyn qaran ah oo weyn, waxayna ku xukuntay dil.

12/17/2019 4:16 AM EST
Talaado, December, 17, 2019 (HOL)-Saraakiisha ciiddanka xoogga dalka Soomaaliya ee ku sugan gobolka Mudug, ayaa sheegay in maanta la kala qaadayo maleyshiyo beeleedyadii ku dagaalamay inta u dhexaysa Towfiiq iyo Afbarwaaqo.

12/17/2019 1:45 AM EST
Talaado, December, 17, 2019 (HOL)-Wafdi uu hogaaminayo wasiirka arrimaha gudaha ee dowlad goboleedka Puntland, ayaa gaaray degmada Towfiiq ee gobolka Mudug, halkaasi oo uu ka socda dadaalo laguso afjarayo colaad dhextaala labo beelood oo kasoo kala jeeda Puntland iyo Galmudug.

12/17/2019 12:08 AM EST
Talaado, December, 17, 2019 (HOL)- War ka soo baxay Taliska Ciidamada Maraykanka ee qaarada Afrika ee loo yaqaano AFRICOM ayaa lagu faah faahiyey duqeyn dhinaca cirka ah oo uu Mareykanka ka fuliyey degmo ka tirsan Gobolka Jubbada Dhexe.

12/17/2019 12:03 AM EST
Talaado, December, 17, 2019 (HOL)- Wararka naga soo gaaraya degmada Balcad ee gobolka Shabeellaha Dhexe ayaa sheegaya in saakay xoogag ka tirsan Ururka Al-shabaab weerar culus ku qaadeen barkootarool oo ku taala degmada.