Jimco, Augusto, 09, 2019 (HOL)- Guddoomiyaha
Baarlamaanka Soomaaliya, Maxamed Mursal Sheekh Cabdiraxmaan oo booqasho ku
jooga dalka Koonfur Afrika ayaa magaalada Cape Town kula kulmay jaaliyadda
Soomaaliyeed.
Munaasabadda lagu soo
dhaweeyay guddoomiyaha Baarlamaanka oo uu jaaliyadda kula hadlay ayaa waxaa soo
qaban qaabiyay safaaradda Soomaaliya ee koonfur Afrika iyo jaaliyadda
Soomaaliyeed ee magaalada Cape Town ,waxaana xafladda ka hadlay qaar ka mid ah
jaalidda Soomaaliyeed ee Cape Town,iyagoo u jeediyay guddoomiyaha iyo
wafdigiisa hadallo isugu jira tallooyin iyo guubaabin.
Safiirka Soomaaliya ee Koofur Afrika ,Jamaal Maxamed Barrow oo ka hadlay munaasabadda ayaa
guddoomiyaha Golaha Shacabka uga warramay xaladda guud ee Soomaalida kunool
dalkaasi,isalamarkaan halkaasi ku soo dhaweeyey wafdiga.
Guddoomiye,Maxamed
Mursal oo hadal u jeediyay munaasabadda ayaa jaaliyadda Soomaaliyeed ee Cape
Town uga mahadceliyay sida wanagsan oo
ay u soo dhaweeyeen wafdigaasi.Wuxuu kula dardaarmay in ay ka qeyb qaataan
horumarka dalkooda,islamarkaana uga warbixiyay xaaladda dalka uu ku sugan yahay
in guulaha la gaaray.
Wafdiga guddoomiyaha golaha shacabka ayaa dalka Koonfur Afrika uga qeybgalay
shirkii Baarlamaanada Afrika,isagoona halkaasi ka jeediyay khudbad ku saabsan
arrimaha Soomaaliya,gaar ahaan qoxootiga iyo Barakacayaasha iyo duruufaha
kajira dalka,maaddaama shirka uu guud ahaan quseeyay.
Iman Mohamed
Jama,Hiiraan Online
[email protected]