Khamiis, Augusto, 08, 2019 (HOL) – Wakiilka gaarka ah ee Urur Goboleedka
IGAD u qaabilsan Soomaaliya Dr, Maxamed
Guyow oo maalmihii ugu danbeeyay ku sugnaa magaalada Kismaayo soo gabagabeeyay
booqashadiisii qiimeynta doorashada Jubbaland.
Shir jaraa’id oo uu ku qabtay magaalada Kismaayo
waxaa uu kaga hadlay dhaq dhaqaaqyada doorashada iyo safarkiisa, isagoo xusay
in waxyaabihii uu kala kulmay la wadaagi doono wakiilada beesha caalamka ee
fadhigooda yahay Muqdisho.
Waxaa uu shirkiisa jaraa’id uu ku sheegay in habka ay u
socoto doorashada ay la wadaagi doonaan beesha Caalamka oo il gaara ku heysa
doorashada qabsoomeysa 24-ka bishan.
Wakiilku ayaa sheegay in IGAD ay caddeynayso in
ahmiyad gaar ah ay leedahay doorashooyinka Baarlamaanka iyo mida Madaxweynaha
ee Jubbaland ka dhacaya, taasoo horay u sii wadaysa geedi socodka yagleelida
Dowladnimada iyo maamul wanaaga kuwaas oo xoojin doona amniga xasiloonida iyo
kobaca hormarka bulshada.
Dr Maxamed Guyow wakiilka IGAD wuxuu intaas ku daray in uu adkaynayo baahida
loo qabo qabsoomida doorashooyin madax banaan oo qaab hufan ku dhaca oo loo
siman yahay taas oo waafaqsan Dastuurka KMG ah ee dowladda Federaalka.
C/raxmaan Diini, Hiiraan Online
[email protected]