9/22/2019
Today from Hiiraan Online:  _
Wararka Maanta- Jimco, Aug 16, 2019
Hay’ad loogu magac darray AUN Maxamed Sh. Cali oo Muqdisho looga dhawaaqay



Jimco, Augusto, 16, 2019 (HOL)-  Hay’ad ka shaqeyn doonta caawinta dadka dan’yarta iyo carruurta agoonta ah ayaa looga dhawaaqay magaalada caasimadda ah ee Muqdisho.

Hay’addan ayaa loogu magac darray Allaha u naxaristo Maxamed Maxamuud Sheekh Cali oo ahaa nin dhallinyaro ah oo tusaale u ahaa ganacsiga , wuxuuna muddo kooban caan ka noqday caasimadda Muqdisho, kaddib markii uu hirgeliyay fikrado ganacsi oo lagu mah-diyay, waxaa kalo uu fulin jiray barnaamijyo lagu taageerrayo dadka dan’yarta ah iyo carruurta agoonta.

AUN Maxamed ayaa koox hubeysan ay ku dileen Muqdisho 2 bishii Agoosto ee sannadkii 2018ka.

“Maxamed Maxamuud asagaa aasaasay hay’addan,waayo isaga ayaa waxa uu kaalmeyn jirey ilmaha agoonta ah iyo qoysaska dan’yarta ah, waxaa jirtay wiilal uu dugsiga ka bixin jiray, qaar uu jaamacadda ka bixin jiray.. marka wixii uu ka tagey ee wanagsanaa waa lagama maarmaan, wayna naga go’antahay inan wadno si uusan u baabi’in oo magaciisa uu u haro.” ayuu yiri  Aabbe Maxamuud Sheekh Cali.

Munaasabadda lagu shaaciyay hay’adda ayaa waxaa ka qaybgalay mas’uuliyiin, qurba-joog iyo xubno ka socday qaybaha bulshada, waxaana ay dhammaan ku dheeraadeen sida uu dhallinyarada Soomaaliyeed tusaale ugu ahaa marxuun Maxamed Maxamuud.

Ka qayb-galayaasha ayaa sidoo kale sheegay sannad kaddib geerida marxuun Maxamed, inay ku xasuusan doonaan sida uu ugu dhiirrigalin jiray dhallinyarada iyo aqoon-yahanka Soomaaliyeed inay dib dalka ugu soo laabtaan, kuna soo kordhiyaan fikraddo wax bedeli kara.

Iman Mohamed Jama, Hiiraan Online

[email protected]










Click here
8/16/2019 3:46 PM EST
Jimco, Augusto, 16, 2019 (HOL)- Guddiga xuduuddaha iyo doorashooyinka Jubbaland ayaa waqti dheeraad ah ku darray xilliga is-diiwaangelinta ee musharrixiinta u tartamaya xilka madaxweynaha Jubbaland, sida ay oggaatay Hiiraan Online.

8/16/2019 3:05 PM EST
Jimco, Augusto, 16, 2019 (HOL)- Kooxda haweenka ah ee kubadda Koleyga Muqdisho City Clup ayaa sannadkan ku mataleysa Soomaaliya tartanka caalamiga ah ee koleyga dalalka geeska Afrika. Tartanka oo ay ka qaybgalayaan kooxo ka socda dhammaan dalalka geeska Afrika iyo dalka Masar ayaa sannadkan lagu qabanaya dalka Tanzania.

8/16/2019 11:44 AM EST
Khamiis, Augusto, 16, 2019 (HOL)– Sadiiq Khan Duqa magaalada London ayaa ka qeybgalay munaasabad loogu baroordiiqayay geeridee ku timid Duqii hore ee Muqdisho Eng Cabdiraxman Cumar Cismaan Yariisoow oo u geeriyooday dhaawac culus oo ka soo gaaray weerar ismiidaamin ah oo ka dhacay xarunta gobolka Banaadir.

8/16/2019 9:39 AM EST
Jimco, Augusto, 16, 2019 (HOL)-Guddoomiye ku-xigeenka Amniga iyo siyaasadda maamulka gobolka Banaadir ayaa faah faahin dheeraad ah ka bixiyay afar ruux toogasho lagu dilay maanta.

8/16/2019 8:29 AM EST
Jimco, Augusto, 16, 2019 (HOL)-Wasaaradda arrimaha gudaha Israel, ayaa sheegtay inay Rashida Tlaib oo ka tirsan Aqalka Wakiilada Mareykanka, u ogolaatay inay booqato qoyskeeda degan Daanta Galbeed ee la haysto.

8/16/2019 8:21 AM EST
Jimco, Augusto, 16, 2019 (HOL)-Ciidamada Amaanka dowladda Soomaaliya ayaa degmada Howlwadaag gaar ahaa suuqa weyn ee Bakaaraha ku toogtay Suuqa Bakaaraha afar ruux oo mid haween aheyd, kuwaasoo la sheegay inay qorsheynayeen isku day dil lala beegsan rabay Mas’uul dowladeed.

8/16/2019 3:28 AM EST
Jimco, Augusto, 16, 2019 (HOL)-Wararka ka imanaya gobolka Shabeellaha hoose ayaa sheegaya in diyaaradaha Mareykanka oo taageerro siinaya ciidamada dowladda duqeyn la beegsadeen saldhigyo Al-shabaab ku lahaayeen gobolka Shabeellaha Hoose, gaar ahaan deegaannada Mubaarak iyo Janaale

8/16/2019 1:12 AM EST
Jicmo, Augusto, 16, 2019, (HOL)-Iyadoo lagu wado in maalinta berri ah uu ka furmo magaalada Dhuusa-Mareeb shirka dib-u-heshiisiinta Galmudug ayuu sheegay guddoonka guddiga qaban-qaabada in dhamaanba la soo dhameystiray Liiska ergada shirka ka qeybgali doonta,

8/16/2019 12:59 AM EST
Jimco, Augusto, 16, 2019 (HOL)-Wakiillada Midowga Afrika, IGAD iyo Qaramada Midoobay oo shalay booqasho ku tagay magaalada Kimaayo ayaa ka digay in haddii aan xaaladda cakiran xal loo helin ay xasillooni-darro u horseedi karto maamul gooleedka Jubbaland. Xubnaha ayaa ku baaqay in hannaan keliya loo maro doorashada.