9/17/2019
Today from Hiiraan Online:  _
Wararka Maanta- Talaado, Aug 13, 2019
Gudoomiyaha xisbiga WADDANI oo ka hadlay kulanka Sucuudiga ku dhexmaray weftiga madaxweynaha Somaliland iyo wasiiro ka socda Soomaaliya


 

Talaado, August, 13, 2019 (HOL – Gudoomiyaha xisbiga mucaaradka ah ee WADDANI C/raxmaan C/laahi Cirro ayaa hadlay kulan ku dhexmaray Sucuudiga weftigii uu hogaaminayey madaxweynaha Somaliland iyo wefti ka socda Soomaaliya oo wasiiro ka kooban, waxaanu madaxweyne Biixi ku eedeeyey inuu isagu samaynayo wixii uu dadka ku caayi jirey.

Sidoo kale, waxa uu sheegay in ficilka madaxweynuhu tilmaamayo Soomaali weyntii uu dadka ku eedeen jirey inuu isagu waddo.

“Soomaalidu waxay tidhaahda inaad saamo jiidiyo sanqadh tirasho kala daa, shacabka Somaliland waa reer Somaliland, anigu qoladaasi odhan maayo waa soomaali weyn laakiin waxay ka muuqata ficilkoodda, wixii ay dadka ku caayeyeen inay iyagu sameeyaan ceebay ku tahay.”ayuu yidhi gudoomiye Cirro.

Weftigii uu hogaaminayey madaxweyne Biixi iyo wefti wasiiro ka kooban oo ka socda dawladda Soomaliya ayaa arkay iyagoo sawiro kuwada jira, kuwaas oo baraha bulshadda ka dhexdhalisay dood, maadaama oo baryahan dambe xaaladda Somaliland iyo Soomaaliya aad u kala fogaayeen oo hawadda la isku marinayey hadalo dhinacba dhinaca kale ku durayo.

Sidoo kale, waxa uu ka hadlay hadalkii ka soo yeedhay komishanka doorashooyinka ee ahaa inay doorashaddu wakhtigeedii dib uga dhacayso, waxaanu yidhi “horta doorashadu way qabsoomaysa inay komishanku shacabka soo hor istaagaan oo yidhaahdaan doorasho dhici mayso taasi sax may ahayn, farsamo ahaan way kordhi kartaa mudadda lagu qabanayo doorashadda, arrintuna hadda raadkii doorashada ku dhici lahayd ayey qaaday hadda, baarlamaanka waxa u yaalla in la kordhiyo komishanka oo ay xilka la wareegaan kuwo cusubi 15 octobar ka hor hadii wakhti loo baahdo waa wax laga wada hadli karo weeyi, laakin waxaanu ku talogalayna inay doorashadu wakhtigoodii qabsoomaan hadii laga maarmi waayo komishanka dembe ka hadli doonaa”.

Sidoo kale, waxa uu tacsi udirey dadkii ku geeriyooday shaqaaqadii shalay ka dhacday Ceel afweyn ee dabley hubaysani ku laysay dad shacab ah.

Barkhad-ladiif M. Cumar, Hiiraan Online

[email protected]

Hargeysa, Somaliland.










Click here
8/13/2019 3:27 PM EST
Talaado, Augusto, 13, 2019 (HOL)-Shirka wada-tashiga Wasaaradaha Boostada iyo Isgaarsiinta ee Federaalka iyo Dawlad-goboleedyada ayaa maanta ka furmay magaalada baydhabo ee xarunta KMG ah ee Dawlad-goboleedka Soomaaliyeed ee Koonfur Galbeed.

8/13/2019 6:32 AM EST
Talaado, Augusto, 13, 2019 (HOL)-Magaalada Kismaayo goor dhaw waxaa lagu soo gabagabeeyay dhaarinta xildhibaannada cusub oo ay xalay ku dhawaaqeen guddiga doorashada.

8/13/2019 5:41 AM EST
Talaado, Augusto, 13, 2019 (HOL)-Maleeshiyada Xuutiyiinta ee dalka Yemen ayaa weerar loo adeegsaday diyaarad aan duuliye lahayn ku qaaday garoonka Abha ee koonfurta galbeed ee Sacuudiga, ee ku dhow xuduudda Yemen, waxaa sidaas maanta sheegay taleefishinka Al-Masirah ee Xuutiyiinta.

8/13/2019 3:09 AM EST
Talaado, Augusto, 13, 2019 (HOL) –Guddi doorasho oo ay magacaabeen musharixiinta xilka madaxweynaha Jubbaland ee isbadal doonka ayaa soo saaray liiska xildhibaanno ay ku sheegeen in ay soo xuleen odayaasha dhaqanka.

8/13/2019 2:13 AM EST
Talaado, Augusto, 13, 2019 (HOL) – Magaalada Mina ee dalka Boqortooyada Saudi Arabia kulan is arag ah oo aan horey loo sii qorsheyn ku yeeshay Wasiirro ka tirsan xukuumadda Soomaaliya iyo madaxweynaha Somaliland Muuse Biixi Cabdi, iyaga oo halkaa u wada joogay gudashada Acmaasha Xajka.

8/13/2019 1:54 AM EST
Talaado, Augusto, 13, 2019 (HOL) – Magaalada Baydhabo ee xarunta Ku-meel-gaarka u ah magaalada Baydhabo waxaa maalintii shalay gaaray wafdi uu horkacayo Wasiirka Boostada iyo Isgaarsiinta dowladda Soomaaliya Cabdi Canshuur Xassan oo lagu wado in uu maanta ka furo halkaa shir wadatashi ah oo u dhaxeeyaWasaaradaha Boostada iyo Isgaarsiinta ee dowladda federaalka iyo maamul gobolleedyada.

8/13/2019 1:40 AM EST
Talaado, Augusto, 13, 2019 (HOL) –Musharixiinta xilka madaxweynaha dowlad gobolleedka Jubbaland ayaa qaadacay islamarkaana waxba kama jiraan ku tilmaamay liiska xildhibaannada cusub Jubbaland oo xalay ay ku dhawaaqeen guddiga doorashada.