9/22/2019
Today from Hiiraan Online:  _
Wararka Maanta- Axad, Aug 11, 2019
SAYLICI “ Hadii 28 sannadood qabyaaladi cagaha ina hayn maanta halka aynu joogno toban laabkeed ayeynu joogi lahayn”



Axad, August, 11,  2019  (HOL – Shacabka Somaliland ayaa maanta si weyn loogu ciiday ciidal Adxa oo ka mid ah labadda ciidood ee islaamka ugu weyn.

Hiirtii waaberi ee saaka ayaa dadweynuhu u dareereen garoomada waaweyn ee lagu oogayo salaadda Ciidda, markii la soo tukaday laba ragcadood ee salaadda Ciida waxay dadweynuhu u dareereen xaafadihii si ay usoo quraacdaan, halka qaarkood suuqa buux dhafiyeen, waxaanay dadka wajiyadooda laga dareemayey farxada iyo nuurka ka muuqda, iyadoo qof walba qof kale ku salaamayey Ciid mubaarak iyo ciid wanaagsan.

Wadooyinka iyo goobaha lagu nasto waxa buux dhaafiyey caruur loo soo xidhay labisyo qurux badan, kuwaas oo ay la dabaaldegayeen waalidiintood.

Saaka waxa salaadda la tukaday masaajidka weyn ee masjid jaamaca badhtamaha Hargeysa, ku simaha madaxweynaha ahna ku xigeenka madaxweynaha C/raxmaan C/laahi Ismaaciil Saylici, waxaanu dadweynaha islaamka ugu hambalyeeyey munaasibada ciida darteed.

Sidoo kale, waxa uu ka hadlay dhibaatada ay leedahay qabyaaladu iyo sida aanay qaranka iyo qabyaaladi meel usoo wada gali Karin, waxaanu dadweynaha ku baraarujiyey in qabyaalada la iska fogeeyo oo qaranka lala shaqeeyo.

“nimcada aynu haysanno aanu ilaahay ugu mahadnaqno, abaarihi soo noqon noqon jirey sanadkan waa laga nastay oo barwaaqo ayeynu ku jirnaa, ilaahay sidaas ha inoogu waddo, qaranku wuxuu ku dhismaa in qabyaalad laga tago, dimuqradiyad aynu qaadanay waxa laga soo dheegtay uun sida diinteenu ina farayso in qof kasta oo dunida ku nooli uu xaqiisa helo, xoriyadiisa helo, naftisa iyo maalkiisa lagu xadgudbi Karin intaas yey diinteenuna ina fartay oo dimuqradiyaduna ina fartay.”ayuu yidhi madaxweyne ku xigeenku Saylici.

Mar uu dadka ka dhibaatadda qabyaalada wuxuu yidhi “Waynu faanaa oo qaran 28 sanno horumar ku jiray baynu ahayn oo markaynu aragno qaran 28 sanno burbursana oo walaaladeen ah ayeynu isku aragnaa inaynu horumar weyn gaadhnay, laakiin hadii 28 sanno qabyaaladi cagaha ina hayn maanta halka aynu joogno toban laabkeed ayeynu joogi lahayn, hadii aynu nahay madax iyo mijiba aynu gacmaha isku qabsano halkii uu doonayey inaanu gaadhsiino ilaahayna la kaashano himiladeena ah inaynu noqono qaran madax banaan, hadii niyadeenu wada fiican tahay waxba inaga xumaan mayno,marka danta guud hagaagto ayey ka gaarkuna hagaagayaa, waana doon la wada saaran yahay oo loo baahan yahay in la wada badbaadsado.

Markii salaadda laga soo baxayna waxa dadweynaha qaarkood salaan iyo bariidin ugu tagayeen guriga madaxtooyada madaxweyne ku xigeenka oo halkaasi dadweynaha ku qaabilayey.

Barkhad-ladiif M. Cumar, Hiiraan Online

[email protected]

Hargeysa, Somaliland.










Click here
8/11/2019 2:30 PM EST
Axad, Augusto, 11, 2019 (HOL)–Ciidamada dowladda Soomaaliya ayaa howlgal militari oo ay ka sameeyeen deegaanno ka tirsan gobolka Shabeellaha hoose ayaa ku dileen ilaa 16 ka tirsan dagaalyahannada Al-shabaab sida lagu shaaciyay qoraal la soo dhigay bogga Twitter -ka ee taliska ciidamada xoogga dalka.

8/11/2019 1:42 PM EST
Axad, Augusto, 11, 2019 (HOL)-Kumannaan ruux oo ka mid ah dadka ku nool Caasimadda Muqdisho ayaa u dukasho iyo damaashaad tegey deegaanka casriga ah ee Daaru-salaam oo ku yaalla duleedka magaalada Muqdisho.

8/11/2019 9:02 AM EST
Axad, Augusto, 11, 2019 (HOL)-Madaxweynaha dowlad gobolleedka Jubbaland Axmed Maxamed Islaam ( Axmed Madoobe) oo jeediyay khudbad ku aadan munaasabada Ciidda ayaa ugu baaqay dowladda federaalka in ay fara-galinta ka deyso Jubbaland.

8/11/2019 8:43 AM EST
Axad, Augusto, 11, 2019 (HOL)- Madaxweynaha Puntland, Siciid Cabdullaahi Deni ayaa shacabka weynaha caasimadda Garoowe kula oogey salaadda Ciidul Adxaha garoonka kubadda cagta Mire Awaare.

8/11/2019 8:24 AM EST
Axad, Augusto, 11, 2019 (HOL)- Wasiirka Wasaaradda Shaqada iyo Arrimaha Bulshada Xukuumadda Federaalka ah ee Soomaaliya, Mudane Xildh. Sadiiq Xirsi Warfa ayaa maanta boqollaal dadweyne ah salaadda Ciida Carafo kula dukaday degmada Galdogob ee gobolka Mudug.

8/11/2019 6:44 AM EST
Axad, Augusto, 11, 2019 (HOL) – Ismaamulka magaalada Diridhabe ayaa maanta si wayn looga xusay Ciiddii, iyadoo dad aad u badan ay isugu soo baxeen salaaddii Ciidda ee maanta, dadkan oo ka kala yimid dhammaan xaafadaha magaalada ayaa isugu jiray yar iyo waynba, waxaanad is dhahaysaa markaad dadka badnidiisa aragto malaha qofba xaafadaha lagagama iman.

8/11/2019 5:55 AM EST
Axad, Augusto, 11, 2019 (HOL) – Magaalada Beledweyne ee xarunta gobolka Hiiraan dadweyne isaga kala yimid xaafaddo kala duwan ayaa maanta si wada jir ah meel-fagaaro ah ugu Oogay Salaada Ciidda-Carrafo.

8/11/2019 5:47 AM EST
Axad, Augusto, 11, 2019 (HOL)-Madaxweynaha Jamhuuriyadda Federaalka Soomaaliya Maxamed Cabdullaahi Farmaajo ayaa salaadda Ciidda Carrafo boqolaal kamid ah shacabka Soomaaliyeed kula tukaday Masjidka Shuhadada magaalada Muqdisho.

8/11/2019 2:41 AM EST
Axad, Augusto, 11, 2019 (HOL)-Madaxweynaha Dowladda Soomaaliya Mudane Maxamed Cabdullaahi Farmaajo ayaa ugu hambalyeeyay shacabka Soomaaliyeed munaasabadda maalinta koowaad ee Ciidul Adxaa.

8/11/2019 2:22 AM EST
Axad, Augusto, 11, 2019 (HOL)-War qoraal ah oo ka soo baxay xafiiska madaxtooyada Hirshabelle ayaa lagu yiri Madaxweynaha Hirshabeelle Maxamed Cabdi Waare ayaa shacabka ku dhaqan deegaannada Hirshabeelle loogu hambalyeeyay munaasabada Ciidul Adxaa.

8/11/2019 1:47 AM EST
Axad, Augusto, 11, 2019 (HOL) -Guud ahaan Ummadda Islaamka oo ku kala sugan dalalka caalamka ayaa si weyn ugu dabaal degaya farxada maalinta Koowaad ee Ciidul Adxaa oo maanta ku beegan.