Sabti, April, 27, 2019 (HOL) – Waxaa
caasimadda Deegaanka Soomaalida ee Jigjiga soo gaadhay dhalinyaro ka kala timid
degaanada Oromiya iyo Canfarta, dhalinyaradan ayaa si diiran loogu soo
dhaweeyay magaalada Jigjiga, soo dhawaynta ayaa waxaa ka qayb qaatay
dhalinyarada degaanka Soomaalida.
Haddaba dhalinyartan degaanka timid
ayaa socdaalkoodan ahaa mid Nabad galyo oo lagu midaynayo Soomaalida, Oromada
iyo Canfarta, waxayna socdaalkoodani ugu magacdareen dhalinyartani Socdaalkii
Nabadda iyo Midnimadda ee ilmo Kushitik, oo la isku yidhaahdo Soomaalida,
Oromada iyo Canfarta.
Socdaalkan ay dhalinyartani degaanka
ku timid ayaa la filayaa in uu wax badan ka badali doono xidhiidhka qowmiyadahan
oo waayadii u dambaysay iska xumaa.
Dadka degaanka u dhashay ayaa
siyaabo kala duwan u arka imaatinka dhalinyaradan Oromiya iyo Canfarta ka
socda, iyagoo qaarkood ay soo dhawaynayaan oo ay leeyihiin waa tallaabo fiican
oo horseedi karta in la isku soo dhawaado, halka kuwa kale ay leeyihiin
Soomaalida waa la dagayaa waana damiir xumo in dadkii shalay laayay dadkeena
hadana aynu soo dhawayno, waa hadalada la isla dhex marayo Jigjiga.
C/raxmaan Diini,
Hiiraan Online
[email protected]
