Xildhbaanno Shabeellaha Hoose u tagay dhameynta dagaal beelleedyo halkaa ka jiray
Khamiis, April, 25, 2019 (HOL)- Xildhibaanno
ka tirsan labada Aqal ee baarlamaanka Soomaaliya iyo odayaal dhaqameed ayaa u
tagay degmada Wanlaweyn ee gobolka Shabeellaha hoose sidii loo soo afjari lahaa
dagaal beelleedyo muddo dheerba halkaa ka taagnaa.
Senator Naciima Ibraahim Yuusuf, Xildhibaan
Daahir Amiin Jeezow, Ugaas Cabdiraxmaan Ugaas Cabdullaahi iyo ciidan ayaa tegay degmada Walaweyn, iyaga oo
kulamo la qaatay odayaasha beelaha halkaasi ku dagaalamay,waxaana ugu dambeyn
ay kala dhex dhigeen heshiis.
Waxaa qeyb ka ahaa kulamada lagu wada
hadashiinayay beellaha dirirtu dhaxmartay saraakiil Mareykan ah oo saldhig ku
leh qeybo ka mid ah gobolka Shabeellaha Hoose, kuwaa oo kulamada xildhibaannada
iyo odayaasha dhaqanka ka qeybgalay.
Dagaalka ka dhacay degmada Walaweyn ee Gobolka
Shabeellaha Hoose ayaa ka bilaawday bar koontorool oo ku taalla Galbeedka
degmada, waxaana dagaalka uu sababay dhimashada 7 Ruux oo laba dhinac ah,iyad
aoo sidoo kale ay jirtay dilal gooni gooni ah oo la isku geystay, balse markii
danbe xal lagay gaaray.
Gobolka Shabeellaha hoose ayaa ka mid ah meelaha
ugu badan ee dhulka Soomaaliya ay ka dhacaan dagaal beelleedyada, kuwaa oo
galaaftay nolasha dad badan oo rayid ah.
C/raxmaan Diini,
Hiiraan Online
[email protected]
