Arbaco, April, 10, 2019 (HOL)-Qaraxaan oo ka dhacay agagarka Isgoyska Shaqaalaha ee Wadada Maka-Almukarama ee maagalada
Muqdisho, waxaana uu ahaa mid gaarigiisa loogu xiray sarkaal ka tirsan ciidamada
Booliska Soomaaliyeed.
Goob-joogayaal ayaa sheegay in gaariga
qaraxa lagu dhejiyey uu qarxay xilli uu yaallay wadada dhinaceeda, hasse ahaatee
aysan wax khasaaro ah uusan geysan,waxaana la sheegay in uu lahaa sarkaal ka
tirsan ciidamada Booliska Soomaaliya.
Sarkaalka ayaa la sheegay in gaariga inta uusan qarxin uu ka degay,waxaana
goobta gaaray ciidamo boolis ah kuwaas oo mudo saacado ah hakad geliyey
isku-socodka dadka iyo gaadiidka wallow markii ambe ay dib u fureen.
Magaalada Muqdisho ayaa todobaadyadii la soo
dhaafay waxaa kusoo badanayay qaraxyada loo adeegsadao miinada nooca gawaarida
lagu dhejiyo,kuwaas oo lala bartilmaameedsado Saraakiisha ciidamada iyo
mas’uuliyiinta dowladda.
C/raxmaan Diini,
Hiiraan Online
[email protected]
